រាជធានីភ្នំពេញ ៖ នៅផ្សារទំនើបអ៊ីអនកាលពីរសៀលថ្ងៃទី១៦ វិច្ឆិកា ២០១៥ បានរៀបចំកម្មវិធីលើកទឹកចិត្តដល់ក្រុមកីឡាបាល់ទាត់ជម្រើសជាតិកម្ពុជា ជួបជុំជាមួយនិងអ្នកគាំទ្ររបស់ខ្លួន មុនការប្រកួតជាមួយក្រុមកីឡាបាល់ទាត់ជម្រើសជាតិជប៉ុនដែលប្រារព្ធធ្វើឡើងនៅពហុកីឡាដ្ឋានជាតិអូឡាំពិចនាថ្ងៃទី ១៧ វិច្ឆិកា នេះ ។
ក្នុងឱកាសនោះលោកEE taehoolគ្រូបង្វឹកកីឡាបាល់ទាល់ជំរើសជាតិកម្ពុជាបានឱ្យដឹងថា ក្រុមកីឡាករយើងត្រូវការលើកទឹកចិត្ត ពីអ្នកគាំទ្រនិងពីfanរបស់ពួកគាត់ដើម្បីទទួលបានកំលាំងចិត្តបន្ថែមទៀត បន្ទាប់ការខិតខំប្រឹងប្រែងហ្វឹកហាត់នៅពេលកន្លងមក ទោះបីការហ្វឹកហាត់មានការនឿយហត់ និងត្រូវការពេលសម្រាកយកកំលាំងត្រៀមប្រកួតនាពេលដ៏ខ្លីខាងមុខក្តី។ ម្យ៉ាងទៀតការលើកទឹកចិត្តជាទង្វើមួយផ្សេងទៀតដែលធ្វើក្រុមកីឡាករយល់ឃើញត្រូវតែមានការខិតខំគ្រប់នាទីនាពេលប្រកួតដើម្បីយកជំម្នះជូនខ្លួនឯងក៏ដូចជាអ្នកដែលតែងតែគាំទ្រនិងលើកទឹកចិត្តនាពេលកន្លងមក។
ដោយឡែកលោកKatsuhiko Hibino ជាងគំនូរជនជាតិជនប៉ុននិងជាអ្នកគាំទ្រដល់ក្រុមកីឡាករទាំងពីរប្រទេសបានគូររួបទង់ជាតិកម្ពុជានិងទង់ជាតិជប៉ុនរួមគ្នាដើម្បីជាតំណាងមិត្តភាពកម្ពុជា-ជប៉ុន ។ លោកKatsuhiko Hibino មានប្រសាសន៍ថា គំនូទង់ជាតិនៃប្រទេសទាំងពីរ ដែលគូសបញ្ចូលគ្នា គឺបង្ហាញពីនិម្មិតរូបកីឡាករប្រទេសទាំង២ ហើយខ្ញុំសង្ឃឹមថា ការប្រកួតនៅស្អែកទាំងកីឡាករកម្ពុជា ទាំងជប៉ុននឹងខំប្រឹងប្រែងទាំងអស់គ្នា ដើម្បីឱ្យកាន់តែមានការទាក់ទាញអារម្មណ៍ពីសំណាក់អ្នកទស្សនា និងមានភាពសប្បាយរីករាយ ៕
ចែករំលែកព័តមាននេះ