រាជធានីភ្នំពេញ៖ កាលពីព្រឹកថ្ងៃព្រហស្បត៍កន្លងមកនេះ សមាគមអតីតមិត្តនិស្សិតបាននាំយកថវិកាចំនួន៣លាន២សែនរៀល ទៅប្រគល់ជូនដល់មន្ទីរពេទ្យគន្ធបុប្ផា ។
រាជធានីភ្នំពេញ៖ កាលពីព្រឹកថ្ងៃព្រហស្បត៍កន្លងមកនេះ សមាគមអតីតមិត្តនិស្សិតបាននាំយកថវិកាចំនួន៣លាន២សែនរៀល ទៅប្រគល់ជូនដល់មន្ទីរពេទ្យគន្ធបុប្ផា ។
លោកអ៊ូច សុខន សមាជិកមួយរូបនៅក្នុងសាមាគមអតីតមិត្តនិស្សិតបានឱ្យដឹងថា នេះគឺជាលើកទី១ហើយ ដែលសមាគមអតីតមិត្តនិស្សិតបាននាំយកថវិកាមកប្រគល់ជូនដល់មន្ទីរពេទ្យគន្ធបុប្ផា ម្យ៉ាងវិញទៀតថ្វីដ្បិតតែថវិកាទាំងនេះ មានចំនួនតិចតួចក្ដី ក៏ជាការរួមចំណែកមួយជួយដល់សង្គមដោយទឹកចិត្តស្មោះស ។
តាមការឱ្យដឹងពីមន្ទីរពេទ្យគន្ធបុប្ផាក្នុងមួយថ្ងៃ ទទួលអ្នកជំងឺដែលសុទ្ធសឹងជាកុមារតូចៗរាប់ពាន់នាក់ មកពីគ្រប់ទិសទីក្នុងព្រះរាជាណាចក្រកម្ពុជា ដែលមិនគិតសេវាព្យាបាលឡើយ ។ សមាគមអតីតមិត្តនិស្សិត ក៏ដូចជាសប្បុរសជនជាច្រើនទៀតផងដែរ គឺតែងធ្វើអ្វីដែលមានប្រយោជន៍ដល់សង្គម និងប្រជាពលរដ្ឋខ្មែរទាំងមូល ដោយមិនខ្លាចនឿយហត់ឡើយ ។ សមាគមអតីតមិត្តនិស្សិត កន្លងមក ធ្លាប់បានរៃអង្គាសថវិកានាំយកទៅប្រគល់ជូន អង្គការកុមារកំព្រារ និងប្រជាពលរដ្ឋក្រីក្រ នៅតាមទីជនបទឆ្ងាយដែលខ្វះទីពឹង ។
សមាគមមួយនេះសន្យាថា នឹងបន្តធ្វើសកម្មភាពមនុស្សធម៌របស់ខ្លួនជារៀងរហូត ហើយអ្វីដែលសមាគមអតីតមិត្តនិស្សិតបានធ្វើនៅក្នុងពេលនេះ ក៏ដូចជាពេលកន្លងមក អាចចាត់ទុកថា ជាគំរូមួយដ៏ល្អប្រពៃសម្រាប់កូនខ្មែរគ្រប់រូបឱ្យចេះរួបរួម សាមគ្គីគ្នាបម្រើផលប្រយោជន៍ដល់សង្គម រួមចំណែកបំបាត់ភាពក្រីក្រ ដែលរាជរដ្ឋាភិបាល កំពុងតែមានការយកចិត្តទុកដាក់បំផុត ។
ក្នុងនាម សមាជិកសមាគមអតីតមិត្តនិស្សិត សូមធ្វើការអំពាវនាវដល់និស្សិតកម្ពុជា ក៏ដូចជាជនរួមជាតិទាំងអស់ ត្រូវឱ្យចេះរួបរួមគ្នាធ្វើអ្ វីដែលមានប្រយោជន៍ដល់សង្គម ត្រូវចេះមានវប្បធម៌ចែករំលែក ទើបប្រទេសយើងមានការរីកចម្រើន ៕
ចែករំលែកព័តមាននេះ