២ក្រុមបើកឆាកប្រយុទ្ធផ្អើ.លស្តុបក្បាលថ្នល់ ក្រោយនារីជាសង្សារម្នាក់ប្រាប់រឿងមួយនេះ
- ភ្នំពេញ
រាជធានីភ្នំពេញ ៖ យុវជនពីរក្រុមប្រដាប់ដោយពូថៅនិងដំបងទីប បានបើកឆាកប្រយុទ្ធគ្នាពេញដងផ្លូវ បណ្តាលឲ្យភាគីទាំង
រាជធានីភ្នំពេញ ៖ យុវជនពីរក្រុមប្រដាប់ដោយពូថៅនិងដំបងទីប បានបើកឆាកប្រយុទ្ធគ្នាពេញដងផ្លូវ បណ្តាលឲ្យភាគីទាំងសងខាងមានអ្នករងរបួសបែកក្បាលនិងពកក្បាល ត្រូវសមត្ថកិច្ចឃាត់នាំទៅធ្វើការសាកសួរ ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៩យប់ថ្ងៃទី១៣ ខែមិថុនា ឆ្នាំ២០២១ ត្រង់ចំណុចស្តុបក្បាលថ្នល់ តាមបណ្ដោយផ្លូវ៦០ម៉ែត្រកែងនិងផ្លូវ២៧១ ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញយុវជនពីរនាក់ជិះម៉ូតូមួយគ្រឿងម៉ាកស៊ុយហ្សុ៊យគីលែត ពណ៌ទឹកប្រាក់ ពាក់ស្លាកលេខ ភ្នំពេញ1GD-7170 ធ្វើដំណើរតាមបណ្តោយផ្លូវ២៧១ ក្នុងទិសដៅពីកើតទៅលិច បានជិះទៅឈប់ត្រង់ចំណុចកើតហេតុខាងលើ លុះមួយសន្ទុះក្រោយមកក៏ស្រាប់តែមានម៉ូតូមួយគ្រឿងទៀតម៉ាក MSX ពណ៌ស ពាក់ស្លាកលេខ ភ្នំពេញ1FF-0549 ជិះដោយយុវជនពីរនាក់ ធ្វើដំណើរតាមមកពីក្រោយ រួចក៏បានឈប់និយាយគ្នាជាមួយនឹងក្រុមយុវជនដែលជិះម៉ូតូស៊ុយហ្សុ៊យគីលែត។ បន្ទាប់មក មិនដឹងមានរឿងអ្វីនោះទេ ស្រាប់តែយុវជនទាំងពីរក្រុមនោះក៏បានបង្កទៅជាហិ.ង្សា ដោយភាគីខាងយុវជនដែលជិះម៉ូតូMSX មានប្រដាប់ដោយពូថៅ ចំណែកភាគីខាងយុវជនជិះម៉ូតូស៊ុយហ្សុ៊យគីលែតមានប្រដាប់ដោយដំបងទីប និងបានវា.យតប់គ្នាទៅវិញទៅមក បណ្ដាលឲ្យក្រុមយុវជនជិះម៉ូតូMSXម្នាក់រងរបួសបែក និងយុវជនជិះម៉ូតូស៊ុយហ្ស៊ុយគីលែតម្នាក់រងរបួសបែកក្បាលដូចគ្នា ។ ភ្លាមៗនោះក៏មានសមត្ថកិច្ចមូលដ្ឋានក៏បានចុះមកធ្វើការអន្តរាគមន៍ និងបានធ្វើការឃាត់ខ្លួនភាគីទាំងសងខាងនាំទៅកាន់ប៉ុស្តិ៍នគរបាលរដ្ឋបាលចាក់អង្រែលើដើម្បីសួរនាំ។
តាមប្រភពពីក្រុមយុវជនជិះម៉ូតូម៉ាកស៊ុយហ្សុយគីឡែត ឈ្មោះ វ៉ាន់ នី អាយុ២២ឆ្នាំ និងមិត្តភក្តិម្នាក់ទៀតដែលរងរបួសបែកក្បាលឈ្មោះចាន់ រ៉ា អាយុ២០ឆ្នាំ បានរៀបរាប់ប្រាប់ឲ្យដឹងថា នៅមុនពេលកើតហេតុ ពួកគាត់ទាំងពីរនាក់បានជិះម៉ូតូស៊ុយហ្សុយគីលែតទៅអង្គុយញ៉ាំអីនៅក្នុងម៉ាតមួយកន្លែង ដែលនៅក្បែរខាងក្រោមស្ពានអាកាសក្បាលថ្នល់។ ពេលដែលកំពុងអង្គុយញ៉ាំអីនោះ គាត់ក៏បាននិយាយទូរស័ព្ទជាមួយនិងមិត្តភក្តិម្នាក់ទៀតរឿងគំរោងទៅដើរលេងនៅភ្នំគីរីរម្យ ដោយគាត់និយាយទៅកាន់មិត្តភក្តិរបស់គាត់ថា «ពេលទៅ យកស្រីទៅម្នាក់មួយផង ម្នាក់សក់ក្រហមនោះក៏បានដែរ» ។ ស្របពេលនោះដែរ ក៏មាននារីជាសង្សាររបស់យុវជនដែលជិះម៉ូតូMSXនោះ អង្គុយនៅក្បែរនោះផងដែរ។ បន្តិចក្រោយមកក៏ឃើញយុវជនទាំងពីរនាក់ដែលជិះម៉ូតូMSXនោះ បានមកយកនារីជាសង្សារនោះជិះបណ្តើរគ្នាចេញទៅបាត់។
តាមប្រភពដដែលបានបន្តថា បន្ទាប់មកពួកគាត់ទាំងពីរនាក់ក៏បាននាំគ្នាជិះម៉ូតូចេញទៅអង្គុយលេងនៅកន្លែងកើតហេតុខាងលើជាបន្តទៀត។ ពេលដែលជិះទៅដល់ ក៏ស្រាប់តែយុវជនទាំងពីរនាក់ដែលជិះម៉ូតូMSXនោះ បានជិះមករកពួកគាត់និងបានបក់ដៃហៅពួកគាត់។ ពួកគាត់ក៏បានដើរទៅជិតយុវជនទាំងពីរនាក់នោះ រួចពួកគេក៏បានសួរមកកាន់ពួកគាត់ថា «មិញហែងនិយាយស្អីដាក់សង្សារអញ?» ។ បន្ទាប់មកក៏ស្រាប់តែយុវជនម្នាក់ក្នុងចំណោមពីរនាក់នោះ បានដកពូថៅមួយដើមពីចង្កេះ រួចកា.ប់ទៅលើមិត្តភក្តិរបស់គាត់ចំក្បាល បណ្ដាលឲ្យបែកក្បាលហូរឈា.មស្រោចខ្លួន ហើយគាត់ក៏ស្រវេស្រវាបានដំបងទីបមួយដើម ក៏វា.យតបតទៅវិញតែម្តង។
តាមប្រភពពីភាគីខាងក្រុមយុវជនជិះម៉ូតូម៉ាក MSX ឈ្មោះ ស្វាយ វិសាល អាយុ១៩ឆ្នាំ ដែលរងរបួស ពកក្បាល និងម្នាក់ទៀតឈ្មោះ ចិន ម៉េងហេង អាយុ២១ឆ្នាំ រងរបួសបែកក្បាល បានរៀបរាប់ប្រាប់ឲ្យដឹងថា នៅមុនពេលកើតហេតុ សង្សាររបស់គាត់បានទៅអង្គុយញ៉ាំអីនៅក្នុងម៉ាតមួយកន្លែងក្បែរស្ពានអាកាសក្បាលថ្នល់ និងបានទូរស័ព្ទហៅពួកគាត់ទាំងពីរនាក់ឲ្យទៅយកនាងពីម៉ាតនោះ ហើយពួកគាត់ក៏បានជិះម៉ូតូMSXទៅយកនាងចេញពីម៉ាតនោះភ្លាមៗតែម្ដង។ ពេលដែលជិះតាមផ្លូវ សង្សាររបស់គាត់ក៏បានប្រាប់គាត់ថា យុវជនទាំងពីរនាក់ដែលជិះម៉ូតូស៊ុយហ្សុ៊យគីលែតនោះបានផឹកស្រាស្រវឹង ហើយមករញ៉េរញ៉ៃជាមួយនាង ថែមទាំងដកសោម៉ូតូនាង មិនឲ្យជិះចេញពីម៉ាតនោះថែមទៀតផង ។ បន្ទាប់ពីឮដូច្នេះ ពួកគាត់ក៏ជិះម៉ូតូត្រឡប់ទៅវិញបំណងទៅសួរនាំយុវជនទាំងពីរនាក់នោះ ពេលដែលទៅដល់គាត់ក៏បានសួរនាំមិនទាន់និងដឹងរឿងផង ក៏ត្រូវពួកគេយកដំបងទីបវា.យបណ្ដាលឲ្យពួកគាត់ម្នាក់បែកក្បាល និងម្នាក់ពកក្បាលតែម្តង។
ក្រោយពេលកើតហេតុ យុវជនទាំង២ក្រុមខាងលើរួមទាំងវត្ថុទាំងត្រូវបានសមត្ថកិច្ចនាំទៅប៉ុស្តិ៍នគរបាលរដ្ឋបាលចាក់អង្រែលើដើម្បីធ្វើការសាកសួរ និងចាត់ការទៅតាមនីតិវិធី៕
ចែករំលែកព័តមាននេះ