សោកស្តាយ! អ្នកជំងឺកូវីដម្នាក់ស្លា.ប់ជាលើកដំបូងនៅខេត្តមណ្ឌលគិរី
- មណ្ឌលគិរី
ខេត្តមណ្ឌលគិរី ៖ រដ្ឋបាលខេត្តមណ្ឌលគិរី កាលពីយប់ថ្ងៃទី១២ មិថុនា ២០២១ បានចេញសេចក្តីប្រកាសព័ត៌មានជុំវិញករណីអ្នក
ខេត្តមណ្ឌលគិរី ៖ រដ្ឋបាលខេត្តមណ្ឌលគិរី កាលពីយប់ថ្ងៃទី១២ មិថុនា ២០២១ បានចេញសេចក្តីប្រកាសព័ត៌មានជុំវិញករណីអ្នក
ខេត្តមណ្ឌលគិរី ៖ រដ្ឋបាលខេត្តមណ្ឌលគិរី កាលពីយប់ថ្ងៃទី១២ មិថុនា ២០២១ បានចេញសេចក្តីប្រកាសព័ត៌មានជុំវិញករណីអ្នកជំងឺកូវីដ១៩ ម្នាក់ស្លា.ប់ជាលើកដំបូងនៅខេត្តមួយនេះ ហើយរកឃើញអ្នកវិជ្ជមានជំងឺកូវី១៩ចំនួន១នាក់ទៀត។
យោងតាមរបាយការណ៍របស់មន្ទីរសុខាភិបាលខេត្តបានឲ្យដឹងថា កាលពីថ្ងៃទី 11 ខែមិថុនា ឆ្នាំ 2021 វេលាម៉ោង៧និង៤៥នាទីយប់ មានបុរសជនជាតិខ្មែរមួយរូបឈ្មោះ ជឿន ចិត្ត អាយុ43ឆ្នាំ មុខរបរជាកសិករ រស់នៅភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ត្រូវបានក្រុមគ្រូពេទ្យដឹកតាមរយៈរថយន្តផ្ទាល់ខ្លួនបញ្ជូនទៅមន្ទីរពេទ្យបង្អែកខេត្តមណ្ឌលគិរី ដើម្បីធ្វើការព្យាបាល ដោយស្ថានភាពរបស់អ្នកជំងឺមុនចូលដល់មន្ទីរពេទ្យខេត្តគឺ មានអាការៈមិនដឹងខ្លួនអ្វីទាំងអស់ ហើយក្រុមគ្រូពេទ្យ នៃមន្ទីរពេទ្យខេត្តបានខិតខំជួយសង្គ្រោះបន្ទាន់យ៉ាងយកចិត្តទុកដាក់ទៅលើអ្នកជំងឺរូបនេះដែរ ប៉ុន្តែបន្ទាប់ពីពិនិត្យឃើញថា អ្នកជម្ងឺរូបនោះបានស្លា.ប់បាត់បង់ជីវិតនៅមុនពេលមកដល់មន្ទីរពេទ្យ។
ជុំវិញករណីខាងលើនេះ កាលពីល្ងាចថ្ងៃទី១២ មិថុនា អាជ្ញាធរខេត្តមណ្ឌលគិរី ដឹកនាំដោយលោក ស្វាយ សំអ៊ាង បានចុះត្រួតពិនិត្យ និងបិទខ្ទប់ភូមិសាស្ត្រមួយចំនួនក្នុងក្រុងសែនមនោរម្យ ដើម្បីស្វែងរកអ្នកពាក់ព័ន្ឋ និងបញ្ជៀសការចម្លងចូលក្នុងសហគមន៏ធ្ងន់ធ្ងរ ។ អាជ្ញាធរបានអំពាវនាវដល់អ្នកដែលមានការពាក់ព័ន្ធជាមួយនឹងអ្នកជំងឺកូវីដមួយរូបខាងលើ សូមមេត្តារួសរាន់ទៅជួបគ្រូពេទ្យនៅមណ្ឌលសុខភាព ឬមន្ទីរពេទ្យដែលនៅជិតលោកអ្នកបំផុតដើម្បីយកសំណាកធ្វើតេស្តរកមេរោគ covid-19 ទាន់ពេលវេលា ។ អាជ្ញាធរបានអំពាវនាវបន្តទៀតថា សូមសាធារណជនទាំងអស់ចូលរួមអនុវត្តនូវវិធានការ 3 ការពារ 3កុំ របស់រាជរដ្ឋាភិបាល និង វិធានការរបស់ក្រសួងសុខាភិបាលដើម្បីបង្ការនិងទប់ស្កាត់ការឆ្លងរាលដាលជំងឺកូវីដ19 ចូលក្នុងសហគមន៍និងដើម្បីសុវត្ថិភាពយើងទាំងអស់គ្នា។
គិតត្រឹមព្រឹកថ្ងៃទី១៣ មិថុនា ២០២១ ខេត្តមណ្ឌលគិរី មានអ្នកជំងឺសរុបចំនួន៥នាក់ ក្នុងនោះស្លា.ប់ម្នាក់ ជាសះស្បើយចំនួន៣នាក់ និងកំពុងសម្រាកព្យាបាលចំនួន១នាក់៕
ចែករំលែកព័តមាននេះ