កិនក្បាល កុំឱ្យកាត់ត
មជ្ឈដ្ឋានខ្លះនិយាយថា តំណាងរាស្ត្រគណបក្សសង្គ្រោះជាតិ ដែលគេតែងហៅយ៉ាងត្រឹមត្រូវថា ជាបក្សប្រឆាំងនោះ «បានធ្វើពហិកា» មិនចូលរួមប្រជុំ នៅវិមានរដ្ឋសភាទេ
មជ្ឈដ្ឋានខ្លះនិយាយថា តំណាងរាស្ត្រគណបក្សសង្គ្រោះជាតិ ដែលគេតែងហៅយ៉ាងត្រឹមត្រូវថា ជាបក្សប្រឆាំងនោះ «បានធ្វើពហិកា» មិនចូលរួមប្រជុំ នៅវិមានរដ្ឋសភាទេ ។
ប៉ុន្តែម្សិលមិញនេះ លោកអេង ឆៃអ៊ាង នៃបក្សប្រឆាំងបានប្រាប់កោះសន្តិភាពភ្លាមៗឆ្លើយតបវិញថា សមាជិកសភារបស់បក្សសង្គ្រោះជាតិ មិនបានប្រកាសធ្វើពហិកាណាមួយទេ ។ លោកថា កាលដែលមិនចូលទៅប្រជុំ ព្រោះតែអវត្តមានមេដឹកនាំ ឬមេដឹកនាំមិនហ៊ានចូលស្រុកវិញ ដែលលោកប្រើពាក្យថា «អត់មានក្បាល» ម្ល៉ោះហើយ កន្ទុយមិនអាចចេញដំណើរបានទេ ។
ចំណែកមជ្ឈដ្ឋានមួយទៀត ឆ្លើយតបវិញថា និយាយតែផ្តាស់! បក្សប្រឆាំងមានក្បាលដល់ទៅ២ បើអត់មួយ ក៏នៅមានក្បាលទៀតដែរ វាគ្រាន់តែជាលេសរបស់ពួកគេតែប៉ុណ្ណោះ ។
ទស្សនៈនានានិយាយថា មេដឹកនាំបក្សសង្គ្រោះជាតិពេលនេះ និរទេសដោយខ្លួនឯង ធ្វើបាបខ្លួនឯង ជាជាងឱ្យគេធ្វើបាប ដាក់ទណ្ឌកម្មខ្លួនឯង ជាជាងឱ្យគេដាក់ទណ្ឌកម្ម នឹកណាស់មាតុភូមិ ប៉ុន្តែប្រហែលចង់ឱ្យគេជួយអាណិតហើយមើលទៅ?
ធម្មតាទេ មេមាន់ដែលបណ្តើរកូនមួយហ្វូងមួយហ្វាយ កាលណាបាត់មេ ច្បាស់ជារត់ប្រសាច ជួនកាលប្រកាច់ចាប់មិនឈ្នះក៏មានដែរ ។ ដូច្នេះ ត្រូវតែទាមទារមានមេ ឬមេរងក៏បានដែរ ខ្លាចអី ក្អែក ខ្លែងនោះ?
ដូចជាចៃដន្យពេក នៅពេលដែលគណបក្សសង្គ្រោះជាតិកំពុងប្រជុំ ដើម្បីរកយុទ្ធសាស្ត្រ ឬយុទ្ធវិធី ឱ្យមានក្បាលមកដឹកនាំវិញ ស្រាប់តែនៅក្រុងព្រះសីហនុឯណោះ មេគយថ្ងៃណា ខែណា មិនបញ្ចេញកំហឹងទេ បែរជាមកបញ្ចេញកំហឹងចំថ្ងៃហ្នឹង ។ ថ្ងៃដែលអ្នកនយោបាយប្រជុំនិយាយពីរឿង «ក្បាល» វាស្រាប់តែមេគយបញ្ចេញក្បាលឡាន៥២គ្រឿងមកកិន មកដំកម្ទេចចោល យកស្នាដៃ គួរឱ្យខឹងណាស់ កុំឱ្យពូកែយកក្បាលមកតកន្ទុយ. ហេ! ហេ!
អាឡេវ
ចែករំលែកព័តមាននេះ