ទុស្សេខ្សែភ្លើង ឆេះពូកជាន់ឡៅតឿ ផ្អើលប្រជាពលរដ្ឋ និងរថយន្តពន្លត់អគ្គិភ័យ
- ភ្នំពេញ
ភ្នំពេញ៖ ទុស្សេខ្សែភ្លើង បានឆាបឆេះពូក ក្នុងផ្ទះជាន់ឡៅតឿ ផ្អើលប្រជាពលរដ្ឋ និងរថយន្តពន្លត់អគ្គិភ័យ បានចេញអន្តរាគមន៍ នៅវេលាម៉ោង ២ និង…
ភ្នំពេញ៖ ទុស្សេខ្សែភ្លើង បានឆាបឆេះពូក ក្នុងផ្ទះជាន់ឡៅតឿ ផ្អើលប្រជាពលរដ្ឋ និងរថយន្តពន្លត់អគ្គិភ័យ បានចេញអន្តរាគមន៍ នៅវេលាម៉ោង ២ និង…
ភ្នំពេញ៖ ទុស្សេខ្សែភ្លើង បានឆាបឆេះពូក ក្នុងផ្ទះជាន់ឡៅតឿ ផ្អើលប្រជាពលរដ្ឋ និងរថយន្តពន្លត់អគ្គិភ័យ បានចេញអន្តរាគមន៍ នៅវេលាម៉ោង ២ និង ៥០នាទី រំលងអធ្រាត្រ ឈានចូលថ្ងៃទី១១ ខែមិថុនា ឆ្នាំ២០២១ នៅផ្ទះលេខ ៧៦ ផ្លូវ២៧១ស្ទូន ក្រុម១៨ ភូមិ៣ សង្កាត់ផ្សារដើមថ្កូវ ខណ្ឌចំការមន។
អ្នករស់នៅក្នុងផ្ទះ បានអោយដឹងថា មុនពេលកើតហេតុ ពួកគាត់ កំពុងតែសំរានលង់លក់ ក្នុងដំណេកដូចសព្វដង ដោយមានអ្នកខ្លះ ដេក នៅជាន់ផ្ទាល់ដី ហើយមានអ្នកខ្លះ ដេកនៅជាន់លើ និងជាន់ឡៅតឿ លុះមកដល់ម៉ោងកើតហេតុ ក៏ស្រាប់តែមានធុំក្លិនឈ្ងៀម ចេញពីបន្ទប់ជាន់ឡៅតឿ ពេលនោះ អ្នកដែលកំពុងដេកនៅជាន់ឡៅតឿ ក៏រត់ចុះមកជាន់ក្រោម ហើយស្រែកអោយគេជួយថា មានភ្លើងឆេះពូក តែមិនដឹងបណ្តាលមកពីអ្វីនោះទេ។
ប្រភពដដែល បានបន្តទៀតថា បន្ទាប់ពីដឹងថា ភ្លើងឆេះហើយ ពួកគាត់បាននាំគ្នាស្រែកផ្អើល បងប្អូនប្រជាពលរដ្ឋ អោយជួយ ដោយមានអ្នកខ្លះតទុយោទឹកជួយពន្លត់ ហើយមានអ្នកខ្លះ យកបំពង់ពន្លត់អគ្គិភ័យមកបាញ់ ពន្លត់ ៣បំពង់ ទើបធ្វើរាងអន់ថយបន្តិច និងមានរថយន្តពន្លត់អគ្គិភ័យ ធន់តូចរបស់ការិយាល័យបង្ការពន្លត់អគ្គិភ័យនៃស្នងការរាជធានីភ្នំពេញ មកជួយអន្តរាគមន៍ បាញ់ពន្លត់ អស់ទឹក ១រថយន្ដថែមទៀត ទើបធ្វើឲ្យភ្លើងរលត់ទៅវិញ នៅវេលាម៉ោង ៣ និង ២០នាទី យប់ថ្ងៃដដែល។
ករណីនេះដែរ សមត្ថកិច្ច ក៏បានអោយដឹងដែរថា មិនបណ្ដាលឲ្យមានគ្រោះថ្នាក់ដល់មនុស្ស និងរាលដាលដល់ផ្ទះបងប្អូនប្រជាពលរដ្ឋដទៃនោះទេ គឺគ្រាន់តែខូចពូកអស់មួយ និងសំភារៈផ្សេងៗ អស់មួយចំនួនតូចតែប៉ុណ្ណោះ។ ចំពោះមូលហេតុ បណ្ដាលឲ្យឆេះ គឺសង្ស័យបណ្ដាលមកពីឆ្លងចរន្តអគ្គិសនី៕
ចែករំលែកព័តមាននេះ