គ្រួសារកងរាជអាវុធហត្ថ ខេត្តបន្ទាយមានជ័យ ១៤៩៩នាក់ បានចាក់វ៉ាសាំងលើកទី២
- បន្ទាយមានជ័យ
បន្ទាយមានជ័យ៖ គ្រួសារកងរាជអាវុធហត្ថ ខេត្តបន្ទាយមានជ័យ ចំនួន ១៤៩៩នាក់ បានចាក់វ៉ាសាំង លើកទី២ ដែលជាដូសបញ្ចប់ នៅព្រឹកថ្ងៃទី១១ ខែមិថុនា…
បន្ទាយមានជ័យ៖ គ្រួសារកងរាជអាវុធហត្ថ ខេត្តបន្ទាយមានជ័យ ចំនួន ១៤៩៩នាក់ បានចាក់វ៉ាសាំង លើកទី២ ដែលជាដូសបញ្ចប់ នៅព្រឹកថ្ងៃទី១១ ខែមិថុនា ឆ្នាំ២០២១ នៅបញ្ជាការដ្ឋានតំបន់ប្រតិបត្តិការសឹងរង ខេត្តបន្ទាយមានជ័យ។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថ ខេត្តបន្ទាយមានជ័យ បានប្រាប់ថា ជាការយកចិត្តទុកដាក់ ចំពោះក្រុមគ្រួសារកម្លាំងកងរាជអាវុធហត្ថ ខេត្តបន្ទាយមានជ័យ ពីប្រមុខរាជរដ្ឋាភិបាល និងក្រសួងសុខាភិបាល ចំពោះកងកម្លាំងកងរាជអាវុធហត្ថ ខេត្តបន្ទាយមានជ័យ ដើម្បីបង្ការទប់ស្កាត់កូវីដ មិនអោយមានការរីករាលដាលក្នុងសហគមន៍។
ក្រុមគ្រួសារកងរាជអាវុធហត្ថ ខេត្តបន្ទាយមានជ័យ ចំនួន ១៤៩៩នាក់ បានចាក់វ៉ាក់សាំងការពារជំងឺឆ្លងកូវីដ១៩ កាលពីដូសទី១ កាលពីថ្ងៃទី២១ ខែឧសភា ឆ្នាំ២០២១ និងដូសទី២ នៅថ្ងៃទី១១ ខែមិថុនា ឆ្នាំ២០២១ នៅទីបញ្ជាការដ្ឋានតំបន់ប្រតិបត្តិការសឹងរង ខេត្តបន្ទាយមានជ័យ។
លោកបានបញ្ជាក់ថា គ្រួសារកម្លាំងកងរាជអាវុធហត្ថខេត្តបន្ទាយមានជ័យ ក្រោយទទួលបានចាក់វ៉ាក់សាំងបញ្ចប់ដូសទី២ សូមថ្លែងអំណរគុណយ៉ាងជ្រាលជ្រៅ ចំពោះសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងក្រសួងសុខាភិបាល នេះជាការខិតខំយកចិត្តទុកដាក់ ចំពោះគ្រួសារកងកម្លាំង ដែលកំពុងអនុវត្តការងារការពារសន្តិសុខ និងសណ្តាប់ធ្នាប់ជូនប្រជាពលរដ្ឋ អោយមានសុខសន្តិភាព និងចូលរួមការងារតំបន់ទប់ស្កាត់ការរីករាលនៃជំងឺឆ្លងកូវីដ១៩។
លោកឧត្តមសេនីយ៍ត្រី បោន ប៊ិន បានបញ្ជាក់ថា ក្រុមគ្រួសារកម្លាំងកងរាជអាវុធហត្ថ ខេត្តបន្ទាយមានជ័យ ក្រោយទទួលវ៉ាក់សាំងដូសទី២ ជាដូសបញ្ចប់ ក៏ត្រូវអនុវត្តអោយបាននូវវិធានការបង្ការទប់ស្កាត់កូវីដ១៩ អោយបាន ៣ការពារ និង ៣កុំ ដើម្បីបង្ការទប់ស្កាត់ការរីការាលដាល់កូវីដ១៩ ក្នុងសហគមន៍៕ ប៊ុន ធឿន
ចែករំលែកព័តមាននេះ