រាជធានីភ្នំពេញ ៖ សមត្ថកិច្ចមន្ទីរប្រឆាំងគ្រឿងញៀនក្រសួងមហាផ្ទៃបានឆ្មក់ចូលបង្ក្រាបគ្រឿងញៀននៅក្នុងភោជនីយដ្ឋានមួយកន្លែងឈ្មោះបឹងសំរោង ស្ថិតនៅភូមិព្រែកលៀប សង្កាត់ព្រែកលៀប ខណ្ឌឫស្សីកែវ កាលពីវេលាម៉ោង១២ថ្ងៃត្រង់ ទី១៤ មីនា ២០១១ ដោយពួកជនសង្ស័យមានលាក់ទុកថ្នាំញៀន១០កញ្ចប់ ស្មើនឹង២ពាន់គ្រាប់ និងសម្ភារជាច្រើនទៀត ទើបឈានដល់ការចាប់ខ្លួនមនុស្ស៣នាក់ យកទៅសាកសួរ និងកសាងសំណុំរឿង ។
បុរសដែលឃាត់ខ្លួន១-អ៊ឹង លីហ៊ាង អាយុ៣១ឆ្នាំ ជាយោធា មានទីលំនៅស្រុកស្អាង ខេត្តកណ្តាល, ២-ឈ្មោះឈុន រ៉ាវុធ អាយុ៣៣ឆ្នាំ ៣-ឈ្មោះមុត សាដៃ ដកហូតបានថ្នាំញៀន១០កញ្ចប់ ស្មើនឹង២ពាន់គ្រាប់ កាំភ្លើង K59 មួយដើម រថយន្តស៊េរី២០០២ ពណ៌គ្រាប់អំពិល មានស្លាកលេខ ភ្នំពេញ 2O-2910 បញ្ជូនទៅកាន់មន្ទីរ៕
ចែករំលែកព័តមាននេះ