រាជធានីភ្នំពេញ ៖ តារាសម្តែងពេជ្រ អាវីហ្សា សម្តែងអារម្មណ៍ភ័យខ្លាចរងការវា.យដំពីគូស្នេហ៍ដែលពូកែប្រចណ្ឌ។ ភ្លើងប្រចណ្ឌរបស់គូស្នេហ៍សម្បូរទ្រព្យរូបនោះធ្វើឱ្យតារាសម្តែងអាវីហ្សាមានអារម្មណ៍ភ័យខ្លាចពីមួយថ្ងៃទៅមួយថ្ងៃ ។
រាជធានីភ្នំពេញ ៖ តារាសម្តែងពេជ្រ អាវីហ្សា សម្តែងអារម្មណ៍ភ័យខ្លាចរងការវាយដំពីគូស្នេហ៍ដែលពូកែប្រចណ្ឌ។ ភ្លើងប្រចណ្ឌរបស់គូស្នេហ៍សម្បូរទ្រព្យរូបនោះធ្វើឱ្យតារាសម្តែងអាវីហ្សាមានអារម្មណ៍ភ័យខ្លាចពីមួយថ្ងៃទៅមួយថ្ងៃ ។
នៅក្នុងពិធីសម្ពោធរឿង «ខ្មោចថតកុន» កាលពីល្ងាចថ្ងៃទី១៦ វិច្ឆិកា ឆ្នាំ២០១៥ នៅផ្សារទំនើបអុីអនម៉ល តារាសម្តែងដែលមានសាច់ស និងដើមទ្រូងស្អាតទាក់ទាញពេជ្រ អាវីហ្សា បញ្ជាក់ពីរឿងត្រៀមចិត្តដើរចេញពីគូស្នេហ៍ថា «បើគេនៅតែឆេវឆាវ ហើយមិនស្តាប់់ហេតុុផល ឬគិតតែអារម្មណ៍ខ្លួនឯងបែបនេះ នាងខ្ញុំប្រហែលជាដើរចេញពីគេហើយ ។ គូសង្សាររបស់នាងខ្ញុំបញ្ចេញចរិតឆេវឆាវដាក់នាងខ្ញុំ ប្លែកៗ មើលទៅពិតជាព្រឺខ្លួន ព្រោះបើមើលលើភាពជាក់ស្តែងនាងខ្ញុំមានអារម្មណ៍ថាអាចនឹងទទួលរងនូវអំពើហិង្សាណាមួយមកលើនាងខ្ញុំជាក់ជាមិនខានឡើយ ។ បុរសជាគូស្នេហ៍គាត់ប្រើសិទ្ធិគាបសង្កត់បន្តិចហើយ ឱ្យតែនាងខ្ញុំចេញទៅណាមកណាទាំងដឹងថានោះជាកិច្ចការងារបំពេញប្រចាំថ្ងៃ នៅតែមួម៉ៅក្តៅចិត្តមិនចង់ឱ្យនាងខ្ញុំដើរទៅណាទៀតផង ។ ធ្វើជាគូស្នេហ៍ដែលកំពុងមើលចិត្តថ្លើមគ្នាគួរតែបន្ទន់ចិត្តកាយនិយាយគ្នារកហេតុផល ព្រោះយ៉ាងណាសុទ្ធតែជាមនុស្សដូចគ្នា ហើយមានសតិពិចារណាទៀតផង មិនអាចហាឡើងខឹងរករឿងពីនេះពីនោះបង្កឱ្យភាគីម្ខាងតក់ស្លុតទាំងដឹងថា នោះជាបុគ្គលដែលនាងខ្ញុំស្រឡាញ់ដែរ មិនមែនជាគូសត្រូវឡើយ ។ អារម្មណ៍នៃការខ្លាចរងគ្រោះដោយហិង្សា គឺនាងខ្ញុំតែងតែចាប់ផ្តើមដក់ជាប់ក្នុងទ្រូង ក្នុងចិត្តចាប់តាំងពីភាពប្រែប្រួលរវាងយើងទាំងពីរកាន់តែល្អក់ កករទៅៗ ដែលបានបង្កឲ្យនាងខ្ញុំចេះតែគិតថាខ្លាចគាត់វាយតប់មកលើរាងកាយនាងខ្ញុំណាស់ ។ ក្នុងជាតិនេះមិនដឹងថាជាយ៉ាងម៉េចនោះទេស្នេហារបស់នាងខ្ញុំហាក់មិនសមប្រកបសោះឡើយ ។ នាងខ្ញុំបានជួបរឿងមិនល្អក្នុងបញ្ហាស្នេហាដល់ទៅពីរលើកមកហើយ។ មនុស្សស្រីណាដែលចង់បានស្នេហាមួយពីរនោះ ប៉ុន្តែនេះជាវាសនាដែលរូបនាងខ្ញុំរកនិយាយមិនត្រូវថា តើគួរប្រើពាក្យអ្វីឲ្យសម» ។
ចាប់តាំងពីពេលនេះទៅអាវីហ្សាចង់បិទបេះដូងមិនទទួលយកអ្នកណាទៀតទេ ខ្លាចជាន់ដានចាស់ញាំញីមកលើចិត្តកាយរបស់នាង ។ បើទោះជាមានអ្នកគួរឱ្យពេញចិត្តក៏អាវីហ្សាមិនទទួលទៀតដែរព្រោះថារឿងចាស់នោះហាក់លុបលើបញ្ហាថ្មីច្រើន ។ ចាប់ពីពេលនេះទៅអ្វីដែលសំខាន់គឺការងារព្រោះក្រៅពីខំដកចិត្តឈប់ទទួលយកអ្នកណាមក អាវីហ្សាកាន់តែបោះជំហានក្នុងអាជីពសិល្បៈ ។ សព្វថ្ងៃក្រៅពីសម្តែងអាវីហ្សាយកឱកាសឡើងច្រៀងតាមកម្មវិធីទូរទស្សន៍នានា ព្រោះនាងអាចច្រៀងបានច្រើនបទដែរ ។ ម្យ៉ាងទៀតចង់ប្រើឱកាសថតភាពយន្ត និងចម្រៀងកាយវិការខារ៉ាអូខេឱ្យផលិតកម្មក្នុងស្រុកមួយចំនួន ។
ពេជ្រ អាវីហ្សារំពឹងថា អារម្មណ៍ភ័យខ្លាចរបស់នាងនឹងរសាត់បាត់ ហើយគូសង្សាររបស់នាងពិតជាយល់ពីនាងវិញដែរ តែបើមិនអាចទៅមុខបាន គួរតែបញ្ចប់ដោយទុកគ្នាជាមិត្តភក្តិវិញ ៕
ចែករំលែកព័តមាននេះ