១-ច្នៃធុងទឹកធ្វើខ្សែរថភ្លើងដឹកឆ្កែពនេចរ
លោកតាយូជីន បូស្ទិក អាយុ៨០ឆ្នាំ អ្នកក្រុងហ្វតវើត រដ្ឋតិចសាស់ សហរដ្ឋអាមេរិក បានកែច្នៃធុងទឹក ជារថភ្លើងសម្រាប់ដឹកឆ្កែដែលខ្លួនរើសមកចិញ្ចឹម ។
២-ផ្លិតឃ្មុំដ៏ធំ ទម្ងន់ជិត១០០គីឡូក្រាម
អ្នកឡើងភ្នំជនជាតិចិន ចៃដន្យប្រទះឃើញផ្លិតឃ្មុំយក្ស នៅខេត្តហ៊ឺណាន ភាគខាងត្បូងប្រទេស មានអង្កត់ផ្ចិត១,៥ម៉ែត្រ និងមានទម្ងន់៧៨គីឡូក្រាម ។
៣-អណ្តូងទឹកមានរៀបជាកាំជណ្តើរ
ជនជាតិឥណ្ឌា ឈរមើលអណ្តូងទឹករៀបជាកាំជណ្តើរ ដំណាក់ៗនៅភូមិអាផានេរី រដ្ឋរាជទាន ភាគខាងលិចឆៀងខាងជើង ដោយមានអាយុ១២០០ឆ្នាំ ជម្រៅ៣០ម៉ែត្រ និងមាន៣៥០០កាំ ។
៤-បាឡុងផេនដាយក្សនៅចិន
បាឡុងផេនដាយក្ស បង្ហោះលើវេហាស៍ ក្នុងពិពរ័ណ៍យានអវកាស ក្រុងជាំងចូវ ខេត្តហ៊ឺណាន ភាគកណ្តាលប្រទេសចិន ។
៥-រថយន្តលឿនជាងសំឡេង
ទស្សនិកជនឈរមើលយានយន្ត «Bloodhoud Supersonic» ជារថយន្តមានល្បឿនលឿនជាងសំឡេង ដែលចតបង្ហាញនៅតំបន់ពាណិជ្ជកម្ម «ខាណារីវាហ្វ» ក្រុងឡុងដ៍ ចក្រភពអង់គ្លេស គឺមានល្បឿនប្រហែល១.២២៧គីឡូម៉ែត្រក្នុងមួយម៉ោង ។
៦-តុទំនើបអាចច្នៃជាកន្លែងដេក
ស្ថាបនិកជនជាតិក្រិក បង្ហាញតុធ្វើការអាចប្រើប្រាស់បានច្រើនយា៉ង មានទាំងកន្លែងដេក និងទូរទស្សន៍ធុនតូចនៅពីក្រោមតុ ដើម្បីបង្កលក្ខណៈងាយស្រួល អាចដេកសម្រាកលំហែកាយបាន ។
៧-រូបចម្លាក់ឈើឆ្កាង
បុគ្គលិកក្នុងសារមន្ទីរអង់គ្លេសនៅក្រុងឡុងដ៍បានឈរថតក្បែររូបចម្លាក់ឈើឆ្កាងដ៏ចំណាស់ ក្នុងអំឡុងពីឆ្នាំ១២៩៣ដល់១៣៩៣ ពីប្រជុំកោះឆេតលែន ប្រទេសស្កុតលែន នៅពិធីតាំងពិពរ័ណ៍ ដែលបើកឱ្យចូលទស្សនារហូតដល់ថ្ងៃទី៣១ មករា ២០១៦ ។
៨-ទ្រព្យនៅខាងក្រោយផ្នូរសព
ស្រោមមុខស្តេចទូតានកាមុន ហ្វារ៉ូ មនុស្សល្បីរបស់អេហ្ស៊ីប ដាក់តាំងបង្ហាញក្នុងសារមន្ទីរជាតិក្រុងគែរ ដោយនៅក្នុងសារមន្ទីរនេះមានបន្ទប់ក្រោមដីនៃផ្នូរសពស្តេចទូតានកាមុន មានអាយុ៣៣០០ឆ្នាំ ៕
ចែករំលែកព័តមាននេះ