ប្រភពព័ត៌មានចេញពីកូរ៉េខាងត្បូងថា ក្រុមហ៊ុនសាំស៊ុង និងក្រុមហ៊ុន Apple កំពុងតែពិភាក្សាគ្នាពីការផ្គត់ផ្គង់បន្ទះអេក្រង់ OLED សម្រាប់ iPhone ស៊េរីក្រោយ ។ ទោះជាកិច្ចព្រមព្រៀងនេះមិនទាន់ឈានដល់ការសម្រេចក៏ដោយ តែវានឹងកើតឡើងក្នុងរយៈពេលដ៏ខ្លីខាងមុខនេះ ។
វាគឺជារឿងល្អមួយសម្រាប់ក្រុមហ៊ុនកូរ៉េខណៈខ្លួនកំពុងតែស្វែងរកការបង្កើនការផលិតបន្ទះអេក្រង់ OLED ជាលក្ខណៈទ្រង់ទ្រាយធំ ។ ក្រុមហ៊ុនសាំសុ៊ងនឹងក្លាយជាអ្នកផ្គត់ផ្គង់របស់ក្រុមហ៊ុន Apple ផងដែរ ។
ក្រុមហ៊ុនសាំស៊ុងនឹងពិចារណាលើការផលិតទាំងមូលទៅឱ្យក្រុមហ៊ុនអាមេរិកតែមួយគត់ ពោលគឺជាការបញ្ជាទិញផ្តាច់មុខតែម្តង ។ ក្រុមហ៊ុន Apple នឹងទទួលបានការចំណេញមួយផ្នែកទៀតក្នុងការបញ្ចេញស្មាតហ្វូនស៊េរីក្រោយរបស់ខ្លួនដែលនឹងមានឈ្មោះថា «iPhone 7» ។ ក្រុមហ៊ុនសាំស៊ុងធ្លាប់បានផលិតបន្ទះអេក្រង់ LCD ឱ្យក្រុមហ៊ុនចិនមួយកាលពីពេលកន្លងទៅ ៕
ចែករំលែកព័តមាននេះ