ខេត្តបាត់ដំបង ៖ ប្រជាពលរដ្ឋម្នាក់បានប្រទះឃើញគ្រាប់យុទ្ធភ័ណ្ឌមិនទាន់ផ្ទះជាច្រើនគ្រាប់ ដែលខ្លះកប់នៅក្នុងដី និងខ្លះទៀតនៅរាយប៉ាយនៅក្បែរមាត់ស្ទឹង នៅពេលគាត់កំពុងរកត្រីនៅតាមមាត់ស្ទឹងនៃតំបន់នោះ កាលពីរសៀលថ្ងៃទី០៨ មិថុនា នៅភូមិផ្លូវមាស ឃុំផ្លូវមាស…
ខេត្តបាត់ដំបង ៖ ប្រជាពលរដ្ឋម្នាក់បានប្រទះឃើញគ្រាប់យុទ្ធភ័ណ្ឌមិនទាន់ផ្ទះជាច្រើនគ្រាប់ ដែលខ្លះកប់នៅក្នុងដី និងខ្លះទៀតនៅរាយប៉ាយនៅក្បែរមាត់ស្ទឹង នៅពេលគាត់កំពុងរកត្រីនៅតាមមាត់ស្ទឹងនៃតំបន់នោះ កាលពីរសៀលថ្ងៃទី០៨ មិថុនា នៅភូមិផ្លូវមាស ឃុំផ្លូវមាស ស្រុករតនមណ្ឌល ។
អាជ្ញាមូលដ្ឋានបានឲ្យដឹងថា អ្នកភូមិឈ្មោះ យ៉ាវ យូន ភេទប្រុស អាយុ៤៣ឆ្នាំ រស់នៅក្នុងភូមិ ឃុំខាងលើ ជាអ្នកប្រទះឃើញគ្រាប់កាំភ្លើងច្រែះចាប់ទាំងនោះ នៅពេលគាត់ដើររកត្រីនៅតាមដងស្ទឹងនាតំបន់នោះ។ ក្រោយពីប្រទះឃើញគ្រាប់កាំភ្លើង និងគ្រាប់មីនយ៉ាងសន្ធឹកសន្ធាប់ នៅក្នុងគុម្ពឬស្សី មាត់ស្ទឹងបែបនេះ គាត់ក៏បានរាយការណ៏ភ្លាមៗទៅកាន់សមត្ថកិច្ចនិងអាជ្ញាធរដែនដី ដើម្បីចុះពិនិត្យ។
តាមការស្រង់សំដីរបស់អាជ្ញាធរ លោក យ៉ាវ យូន បាននិយាយថា គាត់បានទៅរកត្រីនៅតាមដងស្ទឹង ដែលជាទីកន្លែងគាត់ធ្លាប់នេសាទត្រីជារឿយៗ តែមិនបានប្រទះឃើញគ្រាប់កាំភ្លើងទាំងនោះទេ។ ប៉ុន្តែនៅថ្ងៃកើតហេតុ គាត់បានឃើញគ្រាប់ទាំងនោះនៅលើដី និង គ្រាប់ខ្លះទៀតកប់នៅក្នុងដីនៅឡើយ ដែលទំនងត្រូវទឹកភ្លៀងទើបគ្រាប់កាំភ្លើងមួយចំនួនវាបានផុសឡើង។ ក្រោយពីប្រទះឃើញដូច្នេះគាត់ក៏បានរាយការណ៏ប្រាប់សមត្ថកិច្ចភ្លាមៗតែម្ដង។
យោងតាមរបាយការណ៍បានឲ្យដឹងថា គ្រាប់យុទ្ធភណ្ឌដែលអ្នកភូមិប្រទះឃើញមានដូចជា គ្រាប់ធុនB.40 ចំនួន០៣គ្រាប់ គ្រាប់ធុន K.57 ចំនួន៥០០គ្រាប់ និង គ្រាប់មីនធុន 72A ចំនួន៣៦គ្រាប់។ សមត្ថកិច្ចបានបញ្ជាក់ថា គ្រាប់ទាំងនេះចំនួនខូចគុណភាព តែមួយចំនួននៅមានគុណភាពអាចធ្វើឲ្យគ្រោះថ្នាក់ដល់មនុស្សឬសត្វបាន។ មន្ត្រីដែលបានចុះពិនិត្យទីតាំងដែលគេប្រទះឃើញគ្រាប់បាននិយាយថា គ្រាប់កាំភ្លើងទាំងនេះសេសសល់តាំងពីអំឡុងសម័យសង្គ្រាម ហើយត្រូវគេកប់ដីនៅក្បែរគុម្ពឬស្សី ជិតមាត់ស្ទឹង។ ប៉ុន្តែទំនងដោយសារត្រូវទឹកភ្លើងហូរច្រោះ ទើបធ្វើឲ្យគ្រាប់ខ្លះផុសឡើង និង ខ្លះទៀតកប់នៅនៅក្នុងដីនៅឡើយ។
យ៉ាងណាក្ដី ក្រោយបានពិនិត្យសមត្ថកិច្ចនិងអាជ្ជាធរដែនដី បានរាយការណ៏ទៅកាន់អង្គភាពកំចាត់មីន ស៊ីម៉ាក់ ដើម្បីចុះអន្តរាគមន៍ប្រមូលយកគ្រាប់យុទ្ធិភណ្ឌទាំងនោះហើយ៕
ចែករំលែកព័តមាននេះ