ខេត្តបន្ទាយមានជ័យ ៖ ក្រុមគ្រួសារបុរសម្នាក់ដែលកូនបង្កើតវាយ និងកា.ប់សម្លា.ប់ បានទទួលអំណោយជាគ្រឿងឧបភោគ បរិភោគ និងថវិការបស់លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិ
ខេត្តបន្ទាយមានជ័យ ៖ ក្រុមគ្រួសារបុរសម្នាក់ដែលកូនបង្កើតវាយ និងកាប់សម្លាប់ បានទទួលអំណោយជាគ្រឿងឧបភោគ បរិភោគ និងថវិការបស់លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ តាមរយៈលោកឧត្តមសេនីយ៍ត្រីអាត់ ខែម ស្នងការនគរបាលខេត្តបន្ទាយមានជ័យ កាលពីល្ងាចម្សិលមិញនេះ។
គ្រួសារនេះ មានទីលំនៅភូមិបឹងសីលា ឃុំចង្ហា ស្រុកអូរជ្រៅ ។
លោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យ បានថ្លែងថា ដោយពិនិត្យឃើញពីជីវភាព និងការរស់នៅរបស់ក្រុមគ្រួសារអ៊ុំស្រីឈ្មោះឈាន គួយ អាយុ៦១ឆ្នាំ នៅភូមិបឹងសីលា ឃុំចង្ហា ស្រុកអូរជ្រៅ ជួបនូវការខ្វះខាត ម្យ៉ាងប្តីរបស់អ៊ុំស្រី ឈ្មោះ មួន ហ៊ាង អាយុ៥៩ឆ្នាំ ត្រូវបានកូនប្រុសសតិមិនគ្រប់ ឈ្មោះ ហាំង កូយ អាយុ៣២ឆ្នាំ វាយ និងកាប់សម្លាប់កាលពីថ្ងៃទី១៤ វិច្ឆិកា ២០១៥ កន្លងមកនេះលោកនាយឧបនាយករដ្ឋមន្ត្រី កែ គឺមយ៉ាន បានចាត់តាំងលោកនាំយកអំណោយរបស់លោកផ្ទាល់ទៅប្រគល់ជូន មានថវិកា, អង្ករ, ទឹកត្រី, ទឹកស៊ីអ៊ីវ, សារុង, ប៊ីចេង, មី មកប្រគល់ជូនក្រុមគ្រួសារអ៊ុំ ស្រីឈានគួយ ដល់គេហដ្ឋានផ្ទាល់ ម្យ៉ាងទៀតក៏ដូចជាការចូលរួមចំណែកក្នុងកម្មវិធីបុណ្យសពនេះផងដែរ៕
ចែករំលែកព័តមាននេះ