ខេត្តបន្ទាយមានជ័យ ៖ ផ្ទះឈើ១ខ្នងត្រូវបានអគ្គិភ័យឆាបឆេះអស់ស្ទើរតែទាំងស្រុងដោយសារទុស្សេចរន្តអគ្គិសនីកាលពីវេលាម៉ោង៤ និង២០នាទីល្ងាចថ្ងៃទី១៣ វិច្ឆិកា ២០១៥ ស្ថិតនៅភូមិថ្មសិន សង្កាត់និមិត្ត ក្រុងប៉ោយប៉ែត ។
ខេត្តបន្ទាយមានជ័យ ៖ ផ្ទះឈើ១ខ្នងត្រូវបានអគ្គិភ័យឆាបឆេះអស់ស្ទើរតែទាំងស្រុងដោយសារទុស្សេចរន្តអគ្គិសនីកាលពីវេលាម៉ោង៤ និង២០នាទីល្ងាចថ្ងៃទី១៣ វិច្ឆិកា ២០១៥ ស្ថិតនៅភូមិថ្មសិន សង្កាត់និមិត្ត ក្រុងប៉ោយប៉ែត ។
ម្ចាស់ផ្ទះដែលត្រូវអគ្គិភ័យឆាបឆេះមានឈ្មោះ ឌុក សុខា ភេទស្រី អាយុ៥២ឆ្នាំ បានប្រាប់ឲ្យដឹងថា មុនពេលកើតហេតុគឺទុស្សេខ្សែភ្លើងនៅលើផ្ទះ ហើយបណ្តាលឲ្យមានភ្លើងឆាបឆេះឡើង ម្យ៉ាងទៀតដោយសារផ្ទះជញ្ជាំងស័ង្កសីមិនហ៊ានឡើងជះទឹកពន្លត់ទេខ្លាចឆក់ ទើបនាំគ្នាជះទឹកពីក្រោមតែមិនរលត់ ។ តែពេលដែលភ្លើងកំពុងឆាបឆេះក៏បានអ្នកជិតខាងជួយជញ្ជូនអីវ៉ាន់ពីលើផ្ទះ និងក្រោមផ្ទះបានមួយចំនួនតូចដែរ ។
លោក អ៊ុំ សុខផល អធិការនគរបាលក្រុងប៉ោយប៉ែតបានប្រាប់ថា នៅពេលដែលអគ្គិភ័យឆាបឆេះ លោកបានរាយការណ៍ជូនលោកឧត្តមសេនីយ៍ អាត់ ខែម ស្នងការការនគបាលខេត្ត ហើយលោកក៏បានឲ្យរថយន្តពន្លត់អគ្គិភ័យ២គ្រឿងជួយអន្តរាគមន៍ តែមិនបានទាន់ពេលទេ តែអាចជួយពន្លត់មិនឲ្យឆេះរាលដាលដល់ផ្ទះអ្នកជិតខាងបាន ។
លោក អ៊ុំ សុខផល បន្តទៀតថា អគ្គិភ័យនេះបណ្ដាលមកពីទុស្សេខ្សែភ្លើង បានឆេះផ្ទះឈើ១ខ្នងដែលមានជញ្ជាំងនិងដំបូលប្រក់ស័ង្កសី មានទំហំ៦ម៉ែត្រគុណ៧ម៉ែត្រ ស្ទើរតែទាំងស្រុង ព្រមទាំងមាស៧ជី និងលុយ៦លានរៀលផងដែរ ៕
ចែករំលែកព័តមាននេះ