រាជធានីភ្នំពេញ ៖ នគរបាលនៃការិយា ល័យប្រឆាំងការជួញដូរមនុស្សនិងការពារ អនីតិជនរាជធានីភ្នំពេញ កាលពីថ្ងៃទី៣១ ឧសភា បានឃាត់ខ្លួនស្ដ្រី៣នាក់ ដោយជាប់ ចោទជាមេអណ្ដើកប្រកបមុខរបររកស៊ី នាំក្មេងស្រីក្រមុំព្រហ្មចារីពីតាមជនបទដែល គេឱ្យឈ្មោះថា “ក្ដាមស្រែ” មកលក់ឱ្យអ្នក មានប្រាក់និងតណ្ហាក្រាស់នៅភ្នំពេញ ។ ស្ដ្រីមេអណ្ដើកទាំង៣នាក់នេះ១-ឈ្មោះ កែវ សុជាតិ អាយុ៥៦ឆ្នាំ ស្នាក់នៅផ្ទះជួល សង្កាត់ទឹកថ្លា ខណ្ឌសែនសុខ ២-ឈ្មោះម៉ម ភាង ភេទស្រី អាយុ៤៩ឆ្នាំ ស្នាក់នៅផ្ទះជួល ក្បែរមន្ទីរពេទ្យមិត្ដភាពកម្ពុជា-សូវៀត និង ៣-ឈ្មោះស៊ន សាវិន អាយុ៣៩ឆ្នាំ ស្នាក់នៅ ផ្ទះជួលក្នុងសង្កាត់ទំនប់ទឹក ខណ្ឌចំការមន ។
ករណីឃាត់ខ្លួនស្ដ្រីមេអណ្ដើក៣នាក់ខាង លើនេះ ត្រូវបានសមត្ថកិច្ចនគរបាលការិយា ល័យ ប្រឆាំងការជួញដូរមនុស្ស និងការពារ អនីតិជនរាជធានីឱ្យដឹងថា យោងតាមការ ស្រាវជ្រាវរបស់កំលាំងជំនាញបានឱ្យដឹងថា វេលាម៉ោង៤និង៥០នាទីរសៀលថ្ងៃទី៣១ ឧសភា មានស្ដ្រីវ័យចំណាស់៣នាក់ បាននាំក្មេង ស្រីអាយុ១៣ឆ្នាំម្នាក់ពីខេត្ដតាកែវ មកលាក់ ទុកនៅផ្ទះជួលក្នុងសង្កាត់ទឹកថ្លា ខណ្ឌសែនសុខ គោលបំណងយកទៅលក់ឱ្យអ្នកមានប្រាក់ ម្នាក់ដើម្បីបំរើផ្លូវភេទ ក្នុងភាពក្រមុំបរិសុទ្ធ ដែលពាក្យសាមញថា “ក្ដាមស្រែ” មកពីជន បទ។ មន្ដ្រីនគរបាលបានឱ្យដឹងទៀតថា ពេល គេនាំនាងក្រមុំក្មេងមកលាក់ទុកនៅផ្ទះហើយ ក៏បានទាក់ទងមេខ្យល់ធំម្នាក់ទៀតឈ្មោះ “ស្រី ម៉ៅ” ឱ្យរកម៉ូយដើម្បីលក់ព្រហ្មចារីក្មេងស្រី មកពីជនបទរូបនេះ ។
ប៉ុន្ដែនៅពេលកំពុងទាក់ ទងជាមួយស្រីម៉ៅ ក៏ត្រូវប៉ូលិសជំនាញរបស់ ការិយាល័យប្រឆាំងការជួញដូរមនុស្ស និងការ ពារអនីតិជនឃាត់ខ្លួនតែម្ដងទៅ ។ បន្ទាប់ពី ឃាត់ខ្លួនមក ក៏រកឃើញក្មេងស្រីក្រមុំជនបទ នេះ ព្រមទាំងបានប្រគល់ឱ្យទៅអ្នកអាណា ព្យាបាលនាំទៅខេត្ដតាកែវវិញដែរ ។ រីឯមេ អណ្ដើកទាំង៣ត្រូវសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានី ដើម្បីចាត់ការ តាមផ្លូវច្បាប់ហើយ ។ ទាក់ទិននឹងមេឈ្មួញព្រហ្មចារីឈ្មោះ“ស្រីម៉ៅ”នេះទំនងជាគេចមិនរួចពីសំណាញ់ ច្បាប់នោះទេ ព្រោះអត្ដសញាណត្រូវបាន ប៉ូលិសដឹងអស់ទៅហើយ ។ នេះជាក្រុមជួញ ដូរផ្លូវភេទមួយ ដែលមានខ្សែបណ្ដាញបំរើ ឱ្យក្រុមអ្នកមានប្រាក់។ តាមប្រភពក្រៅផ្លូវការឱ្យដឹងថា ការលក់ ដូរប្រភេទព្រហ្មចារីនេះ អាចមានតម្លៃជាង ១ពាន់ដុល្លារ ។
ចែករំលែកព័តមាននេះ