AFP ផ្សាយថា បុរសជនជាតិជប៉ុនម្នាក់លាក់ខ្លួននៅក្នុងលូទឹករយៈពេល៥ម៉ោង ដើម្បីលួចថតក្នុងសំពត់ ស្រីៗដែលដើរកាត់ពីលើ ។ ទោះជាយ៉ាងណាក្តី សកម្មភាពរបស់គេភ្លាត់ស្នៀតដោយសារសរសៃសក់លៀនចេញមកក្រៅ បណ្តាលឱ្យគេឃើញក៏ចាប់ខ្លួនតែម្តង ។
អ្នកនាំពាក្យប៉ូលិសនិយាយថា លោកយ៉ាស៊ូ អូមី ហ៊ីរ៉ាអីុ បានចូលទៅក្នុងលូ ដើម្បីលួចថតសម្រស់ខាងក្នុងសំពត់ ស្រីៗ ។ ទោះជាយ៉ាងណាក្តី សក់របស់គេលៀនចេញមកលើគម្របលូ ធ្វើឱ្យអ្នកដំណើរឆ្ងល់ក៏ពិនិត្យមើល ហើយឃើញលោកយ៉ាស៊ូអូមី ហ៊ីរ៉ាអីុ កំពុងលាក់ខ្លួន រង់ចាំលួចថត ស្រីៗដែលដើរឆ្លងកាត់ពីលើ ។ ហេតុការណ៍នោះកើតឡើងកាលពីខែសីហា ប៉ុន្តែប៉ូលិសទើបតែចាប់ខ្លួនជនជាប់ចោទ កាលពីថ្ងៃទី៩ តុលា ២០១៥ ក្រោយពីចំណាយពេលស៊ើបអង្កេតយ៉ាងដិតដល់ ។
សារព័ត៌មានក្នុងស្រុករបស់ជប៉ុន «ស្ព័រហូឈី» បានផ្សាយកាលពីថ្ងៃទី១០ តុលា ថា លោកហ៊ីរ៉ាអីុ លាក់ខ្លួននៅក្នុងលូអស់រយៈពេលដល់ទៅ៥ម៉ោង ដោយប្រើស្មាតហ្វូនដើម្បីលួចថតសម្រស់ខាងក្នុងសំពត់ ស្រីៗ ។
កាសែត «ស្ព័រហូឈី» បញ្ជាក់ថា បុរសនោះត្រូវសមត្ថកិច្ចចាប់ខ្លួនកាលពី២ឆ្នាំមុន ព្រោះមុជចូលទៅក្នុងលូ ក្នុងគោលបំណងដូចគ្នាដែរ ហើយគេសារភាពប្រាប់ប៉ូលិសនៅពេលនោះថា «ជាតិក្រោយចង់កើតជាផ្នែកមួយនៃផ្លូវថ្មើរជើង» ។
សកម្មភាពចម្លែករបស់ហ៊ី រ៉ាអីុ ប៉ះពាល់ដល់សិទ្ធិរបស់ស្ត្រីភេទ ហើយរឿងបែបនេះរមែងកើតមានជាញឹកញាប់នៅជប៉ុន ។ ជាក់ស្តែងកាលពីឆ្នាំ២០១២ សិស្សស្រីជាច្រើននាក់រស់នៅតំបន់មួយបានប្តឹងប៉ូលិសថា ពួកនាងត្រូវចោរលួចស្រោមជើងជារឿយៗ ៕
ចែករំលែកព័តមាននេះ