យោងតាមប្រភពព័ត៌មានផ្លូវការរបស់ក្រុមហ៊ុន Samsung Electronics ឱ្យដឹងថា ក្រុមហ៊ុនមានគម្រោងផលិត Processor ជំនាន់ថ្មីដែលនឹងប្រើប្រាស់ក្នុងទូរស័ព្ទម៉ូដែល Galaxy ស៊េរីថ្មីទាំងអស់ ។ បើតាមរបាយការណ៍ពីមុនអះអាងបញ្ជាក់ថា ក្រុមហ៊ុន Samsung Electronics បានចាប់ផ្តើមផលិត Processor ម៉ាក Exynos សម្រាប់ត្រកូលទូរស័ព្ទ Galaxy។ ប៉ុន្តែវាមិនពិតនោះទេ ដែលថាក្រុមហ៊ុននឹងផលិតវានៅចុងឆ្នាំនេះ ។
ដំណើរការរបស់ Processor មួយមានមុខងារជាអ្នកត្រួតពិនិត្យរាល់ប្រព័ន្ធកុំព្យូទ័រក្នុងឧបករណ៍ទាំងអស់ ។ ដូច្នេះហើយ Processor ទាំងនេះទាមទារឱ្យមានកម្រិតខ្ពស់នៃបច្ចេកវិទ្យាពីបន្ទះ Chip រចនាក្នុងការផលិត ចំណែកបន្ទះ Chip អង្គចងចាំធម្មតាងាយស្រួលប្រឌិតដែលនឹងដើរតួនាទីជាមុខងារទី២ក្នុងឧបករណ៍ ។
ប្រភពដដែលបានប្រាប់គេហទំព័រ The Korea Times ថា Processor ថ្មីរបស់ក្រុមហ៊ុន Samsung Electronics នឹងប្រើប្រាស់បច្ចេកវិទ្យាកែច្នៃទំហំ១៤ណាណូម៉ែត្រ ហើយវានឹងត្រូវផលិតនៅឯរោងចក្ររបស់ក្រុមហ៊ុននៅតំបន់ Giheung ក្រុង Yongin ដែលជាកន្លែងក្រុមហ៊ុនផលិតគ្រឿងអេឡិចត្រូនិក (Semiconductor) នៅទីនោះ ។ សាំស៊ុងបានសហការជាមួយនឹងក្រុមហ៊ុន GlobalFoundries របស់សហរដ្ឋអាមេរិកសម្រាប់បច្ចេកវិទ្យា១៤ណាណូម៉ែត្រ ។ លក្ខណៈពិសេសរបស់វានឹងមានលក្ខណៈខុសប្លែកគ្នាអាស្រ័យលើតម្រូវការរបស់អតិថិជន ។
លក្ខណៈពិសេសតែមួយគត់ដែលថា Exynos គឺជាបន្ទះ Chip ដំបូងរបស់ក្រុមហ៊ុន Samsung Electronics ព្រោះវាបានបង្កប់ដោយបច្ចេកវិទ្យាទំនើបសម្រាប់ការនាំចេញស្មាតហ្វូនម៉ូដែលទំនើប ។ ទូរស័ព្ទត្រកូល Galaxy នឹងក្លាយជាទូរស័ព្ទដំបូងដែលក្រុមហ៊ុននឹង Upgrade Processor ។ ក្រុមហ៊ុន Samsung Electronics កំពុងពិចារណាថាតើគួរតែឈប់ប្រើប្រាស់បន្ទះ Chip Snapdragon 820 របស់ក្រុមហ៊ុនអាមេរិក Qualcomm ឬយ៉ាងណា ?
បន្ទះ Chip Exynos ថ្មីរបស់សាំស៊ុងនឹងគាំទ្រដល់បច្ចេកវិទ្យាឥតខ្សែ LTE ចំនួន៣ ។ ឧបករណ៍ដែលមានបន្ទះ Chip នេះនឹងមានល្បឿនលឿនជាងបន្ទះ Chip ពេលបច្ចុប្បន្ន។ ចំណែកត្រកូល Galaxy ជំនាន់ក្រោយនឹងប្រើប្រាស់បន្ទះ Chip នេះទំនងជា Galaxy S7 និង S7 Edge ដែលនឹងប្រកាសនៅថ្ងៃទី២១ កុម្ភៈ ២០១៦៕
ចែករំលែកព័តមាននេះ