ខេត្តកណ្តាល ៖ បុរសម្នាក់បានស្លាប់ និងស្ត្រី២នាក់ទៀតបានរងរបួសដោយសាររន្ទះបាញ់ពេលមេឃកំពុងភ្លៀង ខណៈពេលកំពុងជួយស្ទូងជីបងប្អូន ដែលហេតុការណ៍នេះកើតឡើងកាលពីវេលាម៉ោង២ និង១០នាទីរសៀល ថ្ងៃទី១២ វិច្ឆិកា ២០១៥ នៅចំណុចចុងព្រែកវ័រ ស្ថិតក្នុងភូមិថ្មី ឃុំពោធិ៍បាន ស្រុកកោះធំ ខេត្តកណ្តាល ។
ជនរងគ្រោះដែលត្រូវរន្ទះបាញ់មាន ១-ឈ្មោះ ហាក់ ធុន ភេទប្រុស អាយុ៣៤ឆ្នាំ (ស្លាប់) រស់នៅភូមិព្រែកតាអ៊ិន ឃុំពោធិ៍បាន ស្រុកកោះធំ ខេត្តកណ្តាល, ២-ឈ្មោះ ហៀង សៀកលី ភេទស្រី អាយុ៣១ឆ្នាំ (រងរបួស) រស់នៅភូមិកំពង់គរ ឃុំពោធិ៍បាន ស្រុកកោះធំ ខេត្តកណ្តាល និង ៣-ឈ្មោះ ខ្លែង ខន ភេទស្រី អាយុ៤២ឆ្នាំ (រងរបួស) ។
ប្រភពបានឲ្យដឹងថា មុនពេលកើតហេតុជនរងគ្រោះទាំង៣នាក់បានទៅជួយស្ទូងជីបងប្អូននៅចំណុចកើតហេតុ ខណៈនោះមេឃក៏បានធ្លាក់ភ្លៀងយ៉ាងខ្លាំង ព្រមទាំងមានផ្គរ ហើយក៏មានរន្ទះបាញ់ត្រូវបណ្តាលឲ្យបុរសម្នាក់ស្លាប់ ចំណែកស្ត្រី២នាក់ទៀតរងរបួសតែម្តង ។
ព័ត៌មានលម្អិតនឹងផ្សាយជូននៅពេលក្រោយ និងនៅលើកាសែតកោះសន្តិភាព
ចែករំលែកព័តមាននេះ