ជិះតាមការស៊ែរ location ប្រទះឃើញនាងគូដណ្តឹងជិះក្នុងឡានបុរសចិន ផ្អើ.លបែកផ្សែង
- ភ្នំពេញ
រាជធានីភ្នំពេញ ៖ សង្ស័យភ្លើងប្រច័ណ្ឌ បុរសម្នាក់បានជិះម៉ូតូមួយគ្រឿងដេញតាមស្ទាក់រថយន្តមួយគ្រឿងម៉ាកកាមរីឆ្លាមដែល
រាជធានីភ្នំពេញ ៖ សង្ស័យភ្លើងប្រច័ណ្ឌ បុរសម្នាក់បានជិះម៉ូតូមួយគ្រឿងដេញតាមស្ទាក់រថយន្តមួយគ្រឿងម៉ាកកាមរីឆ្លាមដែលបើកបរដោយជនជាតិចិន រួចដោះមួកសុវត្ថិភាពវា.យបំបែកកញ្ចក់រថយន្តនោះ បន្ទាប់ពីឃើញនារីជាគូដណ្ដឹងជិះរថយន្តជាមួយបុរសជាជនជាតិចិនរូបនោះ ។
ហេតុការណ៍ខាងលើនេះ បានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង៩និង៣០នាទីយប់ថ្ងៃទី២ ខែមិថុនា ឆ្នាំ២០២១ ត្រង់ចំណុចខាងមុខភោជនីយដ្ឋានមួយកន្លែង តាមបណ្ដោយផ្លូវ៤៣២កែងនឹងផ្លូវ៩៩ ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ។
បុរសជាគូដណ្តឹងមួយរូបខាងលើនោះមិនស្គាល់អត្តសញ្ញាណនោះទេ ជាអ្នកបើកបរម៉ូតូមួយគ្រឿងម៉ាកYAMAHA QBIX ពណ៌ខ្មៅលាយខៀវ ។ រីឯនារីជាគូដណ្តឹងក៏មិនស្គាល់អត្តសញ្ញាណដែរ ។ ដោយឡែកបុរសជាជនជាតិចិន ក៏មិនស្គាល់អត្តសញ្ញាណដែរ ជាអ្នកបើកបររថយន្តមួយគ្រឿងម៉ាកកាមរីឆ្លាម ពណ៌ខ្មៅ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរសជាជនជាតិចិនម្នាក់និងនារីជាជនជាតិខ្មែរម្នាក់បានជិះរថយន្តមួយគ្រឿងម៉ាកកាមរីឆ្លាម ពណ៌ខ្មៅ ធ្វើដំណើរតាមបណ្ដោយផ្លូវ៤៣២ ក្នុងទិសដៅពីលិចទៅកើត។ ស្របពេលគ្នានោះដែរ ក៏មានម៉ូតូមួយគ្រឿងទៀតម៉ាកYAMAHA QBIX ដែលជិះដោយបុរសម្នាក់ បានដេញតាមពីក្រោយរថយន្តមួយគ្រឿងនោះផងដែរ ។ លុះមកដល់ត្រង់ចំណុចកើតហេតុខាងលើ ម៉ូតូមួយគ្រឿងនោះក៏បានបើកទៅឈប់ស្ទាក់ពីមុខរថយន្ត ហើយបុរសជាបើកបរម៉ូតូក៏បានចុះពីលើម៉ូតូ ដោះមួកសុវត្ថិភាពយកទៅវា.យបំបែកកញ្ចក់រថយន្តផ្នែកខាងមុខនិងចំហៀងខាងឆ្វេងរងខូចខាត ថែមទាំងបានឡើងទៅអង្គុយលើដំបូលរថយន្តទៀតផង។ ភ្លាមៗនោះនារីម្នាក់ដែលរួមដំណើរជាមួយជនជាតិចិន ក៏បានចេញមកខាងក្រៅ និងបានជជែកគ្នាជាមួយនឹងបុរសជាបើកបរម៉ូតូយ៉ាងតឹងសរសៃក ដោយមិនដឹងថាមានរឿងអ្វីជាមួយនឹងគ្នានោះទេ រហូតបង្កឲ្យមានការភ្ញាក់ផ្អើលដល់សមត្ថកិច្ចមូលដ្ឋានចុះមកធ្វើការអន្តរាគមន៍ភ្លាមៗតែម្ដង។
តាមប្រភពពីបុរសជាអ្នកបើកបរម៉ូតូម៉ាកYAMAHA QBIX មួយរូបខាងលើបានរៀបរាប់ប្រាប់ឲ្យដឹងថា គាត់និងនារីដែលរួមដំណើរនៅក្នុងរថយន្តរបស់ជនជាតិចិននោះ គឺត្រូវជាគូដណ្ដឹងនឹងគ្នា តែមិនទាន់បានរៀបអាពាហ៍ពិពាហ៍ជាមួយគ្នានោះទេ ដោយសារតែផ្ទុះជំងឺកូវីដ១៩ ប៉ុន្តែពួកគាត់បានរៀបចំសែនព្រេនតាមប្រពៃណីរួចហើយ តែមួយរយៈកន្លងទៅនេះ នារីជាគូដណ្ដឹងរបស់គាត់បានចូលធ្វើការនៅក្នុងក្រុមហ៊ុនទូរស័ព្ទឯកជនមួយកន្លែង ។ ពេលចេញពីធ្វើការក្រុមហ៊ុននោះគឺចេញនៅវេលាម៉ោង៥ល្ងាច តែនារីជាគូដណ្ដឹង គឺឧស្សាហ៍ធ្វើការថែមម៉ោងដល់យប់ជ្រៅ និងចូលរួមកម្មវិធីជួបជុំផឹកស៊ីជាមួយក្រុមការងារ(មេ) នៅខាងក្រៅរហូតដល់យប់ជ្រៅផងដែរ ធ្វើឲ្យមានការសង្ស័យធ្លាប់បានសួរទៅនារីជាគូរដណ្ដឹងដែរថា «មកផ្ទះយប់ៗម្លេះ?» ហើយនាងក៏ឆ្លើយតបវិញថា «ដើម្បីការងារចេះតែធ្វើតាមមេបញ្ជាទៅ»។
បុរសជាអ្នកបើកបរម៉ូតូរូបនោះបានបន្តថា លុះដល់ថ្ងៃកើតហេតុ នារីជាគូដណ្ដឹងក៏បានប្រាប់គាត់ថា«ថ្ងៃនេះប្រហែលជាម៉ោង៩យប់ ទើបគាត់ត្រឡប់ទៅផ្ទះ ព្រោះមានការហូបចុកជួបជុំក្រុមការងារតិចតួច»។ ដោយសារតែចាំនារីជាគូដណ្តឹងយូរពេក មិនឃើញនាងត្រឡប់មកដល់ផ្ទះ គាត់ក៏បានទាក់ទងទៅសួរនាំ និងបានឲ្យនារីជាគូដណ្ដឹង share location ផ្ញើមកឲ្យគាត់។ រួចគាត់ក៏បានជិះម៉ូតូតាមការ share location នោះ រហូតជិះតាមទាន់ និងបានឃើញបុរសជាជនជាតិចិនដែលត្រូវជាមេរបស់នារីជាគូដណ្ដឹងនោះ បានយកដៃទៅបិចថ្ពាលរបស់នារីជាគូដណ្ដឹង ធ្វើឲ្យគាត់មានចិត្តប្រច័ណ្ឌ ក៏កើតជាហិ.ង្សាតែម្តង។
ក្រោយពេលកើតហេតុ សមត្ថកិច្ចមូលដ្ឋានក៏បានជួយធ្វើការសម្របសម្រួល ហើយបុរសជាជនជាតិចិនក៏បានបើករថយន្តបន្តដំណើរតែម្នាក់ឯងចេញពីកន្លែងកើតហេតុទៅបាត់ ។ ដោយឡែកភាគីខាងគូដណ្ដឹងទាំងពីរនាក់នោះក៏បានជិះម៉ូតូដឹកគ្នាចេញទៅបាត់ផងដែរ៕
ចែករំលែកព័តមាននេះ