ក្រុមហ៊ុន Microsoft ប្រកាសបើកមជ្ឈមណ្ឌលផ្ទុកទិន្នន័យនៅចក្រភពអង់គ្លេសនឹងផ្តល់ជូនសេវាកម្មអុីនធើរណេតពីចក្រភពអង់គ្លេសជាលើកដំបូង ។ ថ្លែងក្នុងសន្និសីទក្រោមប្រធានបទ «ស្រាវជ្រាវព័ត៌មាននាពេលអនាគត»
ក្រុមហ៊ុន Microsoft ប្រកាសបើកមជ្ឈមណ្ឌលផ្ទុកទិន្នន័យនៅចក្រភពអង់គ្លេសនឹងផ្តល់ជូនសេវាកម្មអុីនធើរណេតពីចក្រភពអង់គ្លេសជាលើកដំបូង ។ ថ្លែងក្នុងសន្និសីទក្រោមប្រធានបទ «ស្រាវជ្រាវព័ត៌មាននាពេលអនាគត» ធ្វើឡើងកាលពីថ្ងៃទី១០ វិច្ឆិកា ២០១៥ នាយកប្រតិបត្តិលោកសត្យា ណាដេឡា និយាយថា ក្រុមហ៊ុនមានគម្រោងបើកមជ្ឈមណ្ឌលចំនួនពីរផ្សេងទៀតនៅចក្រភពអង់គ្លេសឆ្នាំក្រោយ ។
ការវិនិយោគនេះតម្លៃរាប់រយលានផោនហើយវានឹងអនុញ្ញាតឱ្យស្ថាប័នរដ្ឋាភិបាល និងស្ថាប័នអាជីវកម្មប្រើប្រាស់សេវាកម្មអុីនធើរណេតរបស់ក្រុមហ៊ុន Microsoft គឺកម្មវិធី Azure និងកម្មវិធី Office 365 ដើម្បីធានាឱ្យបាននូវទិន្នន័យរបស់អតិថិជនត្រូវបានរក្សាទុកក្នុងចក្រភពអង់គ្លេស ខណៈពីមុនមជ្ឈមណ្ឌលមានតែនៅក្នុងប្រទេសអៀរឡង់ និងហូឡង់តែប៉ុណ្ណោះ ។
បច្ចុប្បន្ននេះ ក្រុមហ៊ុន Microsoft, Amazone និងក្រុមហ៊ុន Google កំពុងតែប្រកួតប្រជែងគ្នាដើម្បីលក់សេវាកម្មអុីនធើរណេតដែលអនុញ្ញាតឱ្យអាជីវកម្មដើម្បីមានមុខងារជំនួយពីក្រៅដូចជាការរក្សាទុកទិន្នន័យ និងកម្មវិធី IT Software ដោយគ្មានតម្លៃ Hardware ពីមុនទេ ។ ចំណែកទីផ្សាររបស់ក្រុមហ៊ុនវិញត្រូវបានគេប៉ាន់ប្រមាណថា នឹងមានតម្លៃ ៣,៤ពាន់លានផោន ក្នុងចក្រភពអង់គ្លេសតែមួយគត់ ហើយវានឹងកើនឡើងយ៉ាងឆាប់ហ័សទៀតផង ។
ក្រុមហ៊ុន Amazone កាលពីសប្តាហ៍មុនបានប្រកាសពីគម្រោងរបស់ខ្លួនបើកមជ្ឈមណ្ឌលផ្ទុកទិន្នន័យនៅចក្រភពអង់គ្លេស ។ លោក Liam Maxwell មន្ត្រីជាន់ខ្ពស់ផ្នែកបច្ចេកវិទ្យារបស់រដ្ឋាភិបាលនិយាយថា បណ្តាក្រុមហ៊ុនទាំងពីរគឺ Amazone និង Microsoft បានវិនិយោគទឹកប្រាក់ចំនួន៣ពាន់លានដុល្លារក្នុងចំណោមពួកគេ ។
ក្រុមហ៊ុន Microsoft បានវិនិយោគច្រើនជាង២ពាន់លានដុល្លារក្នុងហេដ្ឋារចនាសម្ព័ន្ធអុីនធើរណេត ដោយឆ្លងកាត់តំបន់អឺរ៉ុប ។ លោក Maxwell បន្ថែមទៀតថា រដ្ឋាភិបាលបានចំណាយលុយច្រើនជាង១ពាន់លានផោនលើការគ្រប់គ្រងមជ្ឈមណ្ឌលទិន្នន័យ ព្រោះតែច្បាប់ការពារទិន្នន័យបង្ខំឱ្យខ្លួនរក្សាទិន្នន័យផ្ទាល់ខ្លួនក្នុងប្រទេស ។ នេះជារឿងល្អដែលក្រុមហ៊ុន Amazone និង Microsoft សាងសង់ជ្ឈមណ្ឌលទិន្នន័យនៅចក្រភពអង់គ្លេស ព្រោះវានឹងជួយសន្សំសំចៃលុយយ៉ាងច្រើនដោយមានប្រត្តិបត្តិការពីខាងក្រៅដូច្នេះ ៕
ចែករំលែកព័តមាននេះ