រាជធានីភ្នំពេញ ៖ អនុប្រធានគណបក្សសង្គ្រោះជាតិ លោក កឹម សុខា បានសរសេរនៅលើបណ្តាញទំនាក់ទំនងសង្គម (Facebook) Page ផ្លូវការរបស់លោកបង្ហោះនៅ
រាជធានីភ្នំពេញ ៖ អនុប្រធានគណបក្សសង្គ្រោះជាតិ លោក កឹម សុខា បានសរសេរនៅលើបណ្តាញទំនាក់ទំនងសង្គម (Facebook) Page ផ្លូវការរបស់លោកបង្ហោះនៅប៉ុន្មាននាទីមុននេះមានខ្លឹមសារទាំងស្រុងថា ”នៅវេលាម៉ោង ១១:៣០ព្រឹក ថ្ងៃពុធ ទី១១ ខែវិច្ឆិកា នៅក្រសួងការបរទេសជប៉ុន ខ្ញុំ កឹម សុខា និងលោក សម រង្សុី បានជួបសវនាការជាមួយ លោក Seiji KIHARA អនុរដ្ឋមន្រ្តីក្រសួងការបរទេស ។ យើងលើកឡើងនូវបញ្ហាសំខាន់ៗ “ពាក់ព័ន្ធនឹងព្រឹត្តិការណ៍ហិង្សា ថ្ងៃទី២៦ ខែតុលា” និង “ដំណើរការបោះឆ្នោត ឆ្នាំ២០១៧ និងឆ្នាំ២០១៨”។ ជាការឆ្លើយតបរបស់អនុរដ្ឋមន្ដ្រីក្រសួងការបរទេស លោកបានបញ្ជាក់ថា “លោកបានតាមដានព្រឹត្តិការណ៍ ថ្ងៃទី២៦ ខែតុលា ដោយយកចិត្តទុកដាក់ខ្ពស់ ហើយលោកមានការព្រួយបារម្ភយ៉ាងខ្លាំង” ។ លោកបន្តសង្កត់ធ្ងន់ថា “បញ្ហាបែបនេះ អាចនឹងកើតឡើងទៀត ជាពិសេសលោកព្រួយបារម្ភចំពោះការប៉ះពាល់ដល់សុវត្ថិភាពតំណាងរាស្រ្ត” ។ ហើយលោកបានស្នើឲ្យយើងផ្តល់ព័ត៌មានបន្ទាន់ ក្នុងករណីនេះមកគាត់ ។ លោកបានគូសបញ្ជាក់ផងដែរថា “ស្ថិរភាពនយោបាយត្រូវការជាចាំបាច់ សម្រាប់អភិវឌ្ឍប្រទេស ក៏ប៉ុន្តែស្ថិរភាពនេះ ក៏ត្រូវធានាឲ្យមានការបោះឆ្នោតដោយសេរី ត្រឹមត្រូវ និងបើកចំហផងដែរ”។
ចែករំលែកព័តមាននេះ