អ្នកនិយាយចេះតែនិយាយ… អ្នកថា ចេះតែថា… ឯអ្នកចាំមើល ចាំស្តាប់នៅតែចាំ… ចាំអត់ឃើញមានខ្យល់សោះ ! រកចោទប្រកាន់អ្នកណាក៏មិនកើតដែរ…ដូចជារឿងក្តីពាក់ព័ន្ធឃាតក.ម្មព្រៃ.ផ្សៃបំផុត ដែលផ្សព្វផ្សាយពេញពិភពលោករបស់
អ្នកនិយាយចេះតែនិយាយ… អ្នកថា ចេះតែថា… ឯអ្នកចាំមើល ចាំស្តាប់នៅតែចាំ… ចាំអត់ឃើញមានខ្យល់សោះ ! រកចោទប្រកាន់អ្នកណាក៏មិនកើតដែរ…
ដូចជារឿងក្តីពាក់ព័ន្ធឃាតកម្មព្រៃផ្សៃបំផុត ដែលផ្សព្វផ្សាយពេញពិភពលោករបស់ឧកញ៉ា ថោង សារ៉ាត់ មកដល់ពេលនេះបាត់ឈឹង ដូចគេចុករន្ធត្រចៀក ។
មិនមែនតុលាការមិនកាត់ក្តីទេ… កាត់ខ្លះដែរ ដូចជារឿងទុកកាំភ្លើងខុសច្បាប់នៅផ្ទះ… កាត់ក្តីអាណាល្អិតល្អោច… អាធោមៗ… ម្ចាស់ថ្លៃអើយ បាត់ឈឹង ! លែងឮ លែងមានស្នូរអ្វីទាំងអស់… មិនខុសពីយកជ័រស្អិតធំៗញាត់រន្ធត្រចៀកទេ… ម្ចាស់ថ្លៃ… ម្ចាស់យមរាជទាំងឡាយអើយ… ប៉ុន្តែបើរឿងក្តីរបស់អ្នកក្រីក្រ ល្ហេមល្ហាម… វ៉ៃចេញអស់ហើយ !! ឬមួយមកពីឯករាជ្យពេក ?
រឿងក្តីមួយទៀតក៏មិនធម្មតាដែរ… រឿងឧកញ៉ា សុខ ប៊ុន ស្តែងចេញនូវភាពអស្ចារ្យ ធ្វើឱ្យកញ្ញាសាសា ស្ទើរស្លាប់ ស្ទើររស់ម្តង… ក៏ស្ងាត់ដែរ… ទោះបីអ្នកប្រព្រឹត្តសារភាពគ្រប់គ្រាន់ហើយក៏ដោយ ។
ញឹកញាប់ណាស់ហើយ… គេឃើញឧកញ៉ា សុខ ប៊ុន មកដេកសម្រាកកាយាយ៉ាងរំភើយនៅមន្ទីរពេទ្យរស្ស៊ី ទំនងប៉ូវកម្លាំង ឱ្យដូចដើមក៏មិនដឹង !
ប៉ូវអីប៉ូវទៅ…! គួរកាត់ទោសឱ្យហើយៗទៅ ដើម្បីឱ្យអ្នកច្បាប់ «ក្រៅខោ»ទាំងឡាយ ដែលមាននៅពេញនគរ… ខ្លះអត់ការធ្វើ… ខ្លះកំពុងបន្តការសិក្សា… បានឃើញ «តុលាការឯករាជ្យ» បញ្ចេញធាតុពិត… បង្ហាញ«វិជ្ជាគុន» ឱ្យមហាជនដឹងផង… កុំធ្វើដូចគេយកជ័រធំៗ ញ៉ុករន្ធត្រចៀក ដូចរឿងឃាតកម្មរបស់ឧកញ៉ា ថោង សារ៉ាត់ អី…ខ្មាស«យមរាជ»ឋានក្រោមណាស់ !!
ចំណែកអ្នកទោសល្ហាម ក្រីក្រ… ឈឺទាល់តែក្បែរស្លាប់ អត់មានសំណាងដេកពេទ្យរុស្ស៊ីឱ្យត្រជាក់ខ្លួនទេ… កុំសូវពេក !
កាត់ក្តីផូងៗទៅ… ឬមានឈើខ្ទាស់ ?
អាណិតជាងគេលោកប្រធានសាលាដំបូង… ស៊ីសងលើលោកប្រធាន… បើលោកប្រធានឆ្កឹះ ប្រហែលជាធ្លាក់លឿន… ហេ ! ហេ !
អាឡេវ
ចែករំលែកព័តមាននេះ