សារព័ត៌មានក្នុងស្រុកគូសបញ្ជាក់ថា មនុស្ស៩នាក់ស្លាប់ក្នុងការធ្លាក់យន្តហោះឯកជនធុនតូចមួយគ្រឿងលើអគារស្នាក់នៅមួយកន្លែងនៅក្រុង AKRON ភាគខាងជើងសហរដ្ឋអាេមរិកកាលពីថ្ងៃទី១០ វិច្ឆិកា ។
យោងតាមសារព័ត៌មានទាំងនេះថា យន្តហោះម៉ាស៊ីន២នោះពេលកំពុងហោះមកដល់ក្បែរព្រលានយន្តហោះទីក្រុង AKRON រដ្ឋអូហៃយ៉ូក៏បានធ្លាក់ ។ កាសែត AKRON BEACON JOURNAL ដកស្រង់សម្តីម្ចាស់យន្តហោះលោក AUGUSTO LEWKOWICZ គូសបញ្ជាក់ថា មនុស្ស៩នាក់ជិះក្នុងយន្តហោះនេះ ក្នុងនោះមានអ្នកបើក២នាក់ ។ ពុំមាននរណាម្នាក់នៅរស់រានមានជីវិតឡើយ ក្នុងចំណោមមនុស្សទាំង៩នាក់នេះ ។ លោក AIGUSTO LEWKOWICS អះអាងថា លោកពុំផ្តល់អត្តសញ្ញាណអ្នកដំណើរ និងអ្នកបើកយន្តហោះដែលស្លាប់ឡើយ មុនពេលផ្តល់ព័ត៌មានដល់គ្រួសារពួកគេ ។
ចំណែកទូរទស្សន៍មូលដ្ឋានអះអាងថា មនុស្ស៩នាក់ស្លាប់ក្នុងគ្រោះថ្នាក់នេះ ។ ទូរទស្សន៍ NBC ដកស្រង់សម្តីប៉ូលិសក៏ផ្តល់តុល្យការដូចគ្នានេះដែរ ។ ចំណែកអ្នកទទួលខុសត្រូវប៉ូលិសចរាចរណ៍រដ្ឋអូហៃយ៉ូមួយរូបគូសបញ្ជាក់ថា ពុំមានមនុស្សណាម្នាក់នៅលើដីត្រូវស្លាប់ ឬរបួសឡើយ ៕
ចែករំលែកព័តមាននេះ