រឿងរ៉ាវស្នេហាត្រីកោណ! ដេញតាមកា.ប់ម៉ូតូគូស្នេហ៍ ស្លា.ប់ខាងប្រុស ចុះលើកខាងស្រីយកទៅបាត់
- ភ្នំពេញ
រាជធានីភ្នំពេញ ៖ បុរសម្នាក់បានស្លា.ប់យ៉ាងអាណោចអាធ័ម បន្ទាប់ពីជិះម៉ូតូមួយគ្រឿងដឹកសង្សារបោះពួយយ៉ាងលឿន គេចពី
រាជធានីភ្នំពេញ ៖ បុរសម្នាក់បានស្លា.ប់យ៉ាងអាណោចអាធ័ម បន្ទាប់ពីជិះម៉ូតូមួយគ្រឿងដឹកសង្សារបោះពួយយ៉ាងលឿន គេចពី
រាជធានីភ្នំពេញ ៖ បុរសម្នាក់បានស្លា.ប់យ៉ាងអាណោចអាធ័ម បន្ទាប់ពីជិះម៉ូតូមួយគ្រឿងដឹកសង្សារបោះពួយយ៉ាងលឿន គេចពីជនសង្ស័យពីរនាក់ដែលជិះកាន់កាំបិតដេញតាមកា.ប់ពីក្រោយ រហូតជិះទៅបុកនឹងទ្វារដែកមួយផ្ទាំង បណ្តាលឱ្យដួលបែកក្បាលស្លា.ប់ ចំណែកនារីជាសង្សារដែលរងរបួសសន្លប់ស្តូកស្តឹង ត្រូវក្រុមជនសង្ស័យចុះមកលើកនាងដាក់លើម៉ូតូរួចជិះគេចខ្លួនបាត់ស្រមោល ដោយបន្សល់ទុកកាំបិត.បុ័ងតោមួយដើមនៅកន្លែងកើតហេតុ ។
ហេតុការណ៍ខាងលើនេះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង៨និង១០នាទីយប់ថ្ងៃទី១ ខែមិថុនា ឆ្នាំ២០២១ត្រង់ចំណុចខាងមុខដេប៉ូខ្សាច់ចាក់អង្រែលើ តាមបណ្តោយផ្លូវជាតិលេខ2 ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
តាមប្រភពព័ត៌មានពីសមត្ថកិច្ចមូលដ្ឋានដែលបានចុះមកធ្វើការអន្តរាគមន៍ដល់កន្លែងកើតហេតុបានឲ្យដឹងថា ជនរងគ្រោះមានឈ្មោះ គិន សុខឿន ភេទប្រុស អាយុ២១ឆ្នាំ មុខរបរជាងមាស ស្នាក់នៅភូមិសាមគ្គី សង្កាត់ឬស្សីកែវ ខណ្ឌរស្សីកែវ រាជធានីភ្នំពេញ ។ ចំណែកនារីជាសង្សារមិនស្គាល់អត្តសញ្ញាណនោះទេ ។
តាមប្រភពព័ត៌មានពីប្រជាពលរដ្ឋដែលឃើញហេតុការណ៍បានឲ្យដឹងថា នៅមុនពេលកើតហេតុ គេឃើញជនរងគ្រោះជិះម៉ូតូមួយគ្រឿងម៉ាកស៊ុយហ្ស៊ុយគីនិច ពណ៌ផ្កាឈូកលាយស ពាក់ស្លាកលេខ ភ្នំពេញ 1GN-2249 មានឌុបនារីម្នាក់ជាសង្សារ បានធ្វើដំណើរតាមបណ្ដោយផ្លូវជាតិលេខ២ ក្នុងទិសដៅពីត្បូងទៅជើងក្នុងល្បឿនយ៉ាងលឿន ដោយព្យាយាមជិះគេចពីបុរសពីរនាក់ជិះម៉ូតូមួយគ្រឿងមិនចាំម៉ាក ប្រដាប់ដោយកាំបិត.បុ័ងតោមួយដើម ដេញតាមកា.ប់ពីក្រោយ។ លុះមកដល់ចំណុចកើតហេតុខាងលើ ជនរងគ្រោះក៏បានប្រតាយប្រតប់គ្នាជាមួយនឹងបុរសទាំងពីរនាក់ដែលដេញតាមកា.ប់ពីក្រោយនោះ ធ្វើឲ្យម៉ូតូរបស់ជនរងគ្រោះរេចង្កូតឡើងលើខឿនតាមចិញ្ចើមផ្លូវទៅបុកនឹងទ្វារដែកមួយផ្ទាំងរបស់ដេប៉ូខ្សាច់ ថែមទាំងបុកបង្គោលភ្លើងបំភ្លឺផ្លូវ បណ្តាលឲ្យជនរងគ្រោះរងរបួសបែកក្បាលធ្ងន់ធ្ងរ រីឯនារីជាសង្សារបានសន្ល.ប់ស្ដូកស្ដឹង ចំណែកឯម៉ូតូបានរងការខូចខាតយ៉ាងដំណំ។ ភ្លាមៗនោះបុរសទាំងពីរនាក់ដែលជិះដេញតាមជនរងគ្រោះ ក៏បានឈប់ម៉ូតូ និងចុះទៅលើកយកនារីជាសង្សាររបស់ជនរងគ្រោះដាក់លើម៉ូតូរបស់ពួកគេ រួចក៏ជិះគេចខ្លួនចេញពីកន្លែងកើតហេតុបាត់ស្រមោល។ បន្ទាប់មកទើបបង្កការភ្ញាក់ផ្អើ.លដល់សមត្ថកិច្ចមូលដ្ឋានរួមទាំងរថយន្តតសង្គ្រោះរបស់គ្លីនិកឯកជនចុះមកដល់ ប៉ុន្តែជាអកុសលខណៈពេលដែលរថយន្តសង្គ្រោះមកដល់ ជនរងគ្រោះបានស្លា.ប់បាត់ទៅហើយ។
ក្រោយកើតហេតុ គេឃើញសាច់ញាតិរបស់ជនរងគ្រោះបានចុះមកដល់កន្លែងកើតហេតុ និងស្រែកទ្រហោយំគួរឲ្យសោកសង្រេង ក្នុងនោះបុរសជាឪពុករបស់ជនរងគ្រោះមានការតក់ស្លុតខ្លាំងពេករហូតដួលសន្ល.ប់ ត្រូវបានប្រជាពលរដ្ឋនាំគ្នាជួយសង្គ្រោះបឋមផងដែរ។
តាមប្រភពព័ត៌មានពីក្រុមគ្រួសារសាច់ញាតិ និងមិត្តភក្តិរបស់ជនរងគ្រោះបានប្រាប់ឲ្យដឹងថា ជនរងគ្រោះធ្លាប់មានទំនាក់ទំនងស្នេហាជាមួយនឹងនារីជាសង្សារនោះអស់រយៈពេលជាង៣ឆ្នាំកន្លងមកហើយ ប៉ុន្តែមួយរយៈពេលខ្លីកន្លងទៅនេះ ឮថា ជនរងគ្រោះនិងនារីជាសង្សារបានបែកគ្នា ដោយមិនដឹងថាមកពីមូលហេតុអ្វីនោះទេ ព្រោះតែជនរងគ្រោះមិនសូវទម្លាយរឿងរ៉ាវផ្ទាល់ខ្លួនប្រាប់ឲ្យអ្នកនៅជុំវិញខ្លួនដឹងច្រើននោះទេ។ ដោយឡែកកាលពីវេលាម៉ោង៦ល្ងាចថ្ងៃកើតហេតុ ជនរងគ្រោះក៏បានជិះម៉ូតូចេញពីផ្ទះ ដោយមិនបានប្រាប់នរណាម្នាក់ថាខ្លួនទៅណានោះទេ រហូតដល់ក្រោយពេលកើតហេតុ ទើបមានគេទំនាក់ទំនងទៅប្រាប់ក្រុមគ្រួសារសាច់ញាតិ និងមិត្តភក្តិថា ជនរងគ្រោះបានស្លា.ប់បាត់ទៅហើយ ទើបពួកគាត់ប្រញាប់ប្រញាល់មកកាន់កន្លែងកើតហេតុ ទើបដឹងថា ជនរងគ្រោះមកជួបនឹងនារីជាសង្សារដែលមានទីលំនៅម្តុំចាក់អង្រែបែបនេះសោះ។ ប៉ុន្តែក៏មិនដឹងថាជនរងគ្រោះនិងនារីជាសង្សារបានត្រឡប់មកត្រូវរ៉ូវគ្នាវិញ ឬក៏យ៉ាងណានោះដែរ។
ក្រោយពេលកើតហេតុ សមត្ថកិច្ចមូលដ្ឋាន និងសមត្ថកិច្ចជំនាញក៏បានចុះមកធ្វើការត្រួតពិនិត្យស.ពជនរងគ្រោះ បានរកឃើញស្នាមរបួសមួយកន្លែងត្រង់ចង្កាខាងឆ្វេង ដោយសារត្រូវគេកា.ប់នឹងកាំបិត និងបានរកឃើញកាំបិ.តបុ័ងតោមួយដើម ដែលជ្រុះក្បែរស.ពជនរងគ្រោះផងដែរ។
សមត្ថកិច្ចជំនាញក៏បានដាក់ការសន្និដ្ឋានជំហានដំបូងថា ករណីខាងលើបណ្ដាលមកពីជម្លោះស្នេហាត្រីកោណ។ បន្ទាប់ពីពិនិត្យរួចសមត្ថកិច្ចក៏បានប្រមូលវត្ថុតាងទាំងអស់យកទៅរក្សាទុកនៅអធិការដ្ឋាននគរបាលខណ្ឌមានជ័យ រង់ចាំធ្វើការចាត់ការទៅតាមនីតិវិធីជាបន្តទៀត។ ដោយឡែកស.ពបុរសរងគ្រោះត្រូវបានសាច់ញាតិដឹកយកទៅតម្កល់ទុកនៅវត្តទួល ដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ