កីឡាករ ចាន់ រតនា ប្រកាន់មហិច្ឆតាបើកក្លិបប្រដាល់នៅបារាំង
- ភ្នំពេញ
រាជធានីភ្នំពេញ ៖ នៅអំឡុងខែមិថុនា ឬខែកក្កដា ខាងមុននេះ ភរិយាជាជនជាតិបារាំងរបស់កីឡាករ ចាន់ រតនា និងកូនស្រី
រាជធានីភ្នំពេញ ៖ នៅអំឡុងខែមិថុនា ឬខែកក្កដា ខាងមុននេះ ភរិយាជាជនជាតិបារាំងរបស់កីឡាករ ចាន់ រតនា និងកូនស្រីទាំងពីរ នឹងចាកចេញទៅរស់នៅប្រទេសបារាំងជាផ្លូវការហើយ ដោយរូបលោកផ្ទាល់ក៏នឹងទៅរស់នៅជាមួយគ្នាផងដែរ ប៉ុន្តែអាចរង្វង់ចុងឆ្នាំ២០២១ ឬឆ្នាំ២០២២ ជាមួយនឹងគម្រោងត្រូវទៅរស់នៅប្រទេសបារាំងជាមួយគ្រួសារ ដោយមិនអាចប្រកែកបាន លោកក៏បានប្រកាសថា នឹងស្វះស្វែងរកឱកាសបើកក្លិបប្រដាល់មួយអោយខានតែនៅពេលលោកទៅដល់ប្រទេសបារាំងផងដែរ។ លោកថែមទាំងបានប្រកាសថា បើទោះជាត្រូវរស់នៅប្រទេសបារាំង តែសម្រាប់ការប្រកួតប្រដាល់ដាក់ទ្រុង ដែលលោកបន្តសព្វថ្ងៃក៏នឹងទទួលផងដែរ ទើបគេជឿថានៅថ្ងៃអនាគត លោកអាចនឹងក្លាយជាកីឡាករខ្មែរដែលមានសកម្មភាពខ្លាំងម្នាក់ នៅលើទឹកដីបារាំង គឺដូចជាកីឡាករសញ្ជាតិខ្មែរបរទេសផ្សេងទៀត។
យោងតាមការប្រកាស កីឡាករជាប់កិច្ចសន្យា នៅសង្វៀន ONE Championship បានអះអាងថា ប្រពន្ធ និងកូនស្រីពីរនាក់ របស់លោកនឹងទៅរស់នៅបារាំងមុនលោកមួយរយៈ ដោយសារតែឯកសារបស់លោកនៅមិនទាន់រួចរាល់ និង ដោយសារតែលោកត្រូវនៅហ្វឹកហាត់បញ្ចប់ការប្រកួតដែលបានកុងត្រា។
កីឡាករ ចាន់ រតនា បានបន្តថា សម្រាប់រូបលោកគឺប្រហែលទៅនៅនាពាក់កណ្ដាលខែក្រោយ តាមក្រោយ។ លោកថា ដំណើរចាកចេញពីប្រទឹសកម្ពុជារបស់លោក គឺយ៉ាងយូរនៅមួយឆ្នាំក្រោយ តែតាមមើលគឺមិនយូរទៀតទេ ។ ហេតុផលដែលលោកត្រូវចាកចេញទៅបារាំងនេះ គឺដោយសារតែភរិយារបស់លោក ដែលម្ចាស់ក្លិប « សិល្បៈ» បានសម្រេចចិត្តចាកចេញពីស្រុកខ្មែរ បន្ទាប់ពីមករស់នៅអស់រយៈពេល១៨ឆ្នាំ ស្របពេលដែលកូនស្រីរបស់លោកក៏ត្រូវទៅរៀន និងចូលសញ្ជាតិអោយបានត្រឹមត្រូវនៅក្នុងប្រទេសបារាំង។ ដូច្នេះហើយទើបលោកខំរៀនភាសាបារាំងតាំងពីដើមឆ្នាំ២០២០មកម្ល៉េះ ពោលគឺរាល់ថ្ងៃបើទោះជាមានកូវីត ក៏លោករៀនភាសាបារាំងតាមអនឡាញផងដែរ ។
កីឡាករវ័យ៣៥រូបនេះបន្តថា លោករៀនភាសាបារាំងពីគ្រូ នៅមជ្ឈមណ្ឌលភាសាបារាំងក្បែរវត្តកោះ ដោយលោកគូសបញ្ជាក់ គឺភាសាបារាំងរបស់លោកកាន់តែអាចប្រើការបាន។ លោកនិយាយថា« ខ្ញុំរៀនភាសាបារាំង ព្រោះប្រពន្ធខ្ញុំជាជនជាតិបារាំង ។ ខ្ញុំ មិនធ្លាប់រៀនបារាំងទេពីមុនទេ ។ ខ្ញុំចង់ចេះ ដើម្បីទំនាក់ទំនងផង ហើយនៅថ្ងៃអនាគតខាងមុខ ខ្ញុំអាចទៅរស់នៅប្រទេស បារាំ ងមួយរយៈជាមួយគ្រួសាររបស់ខ្ញុំ » ។ ហេតុផលនៃការខំរៀនបារាំងអោយស្ទាត់នេះ គឺដើម្បីងាយស្រួលបើកក្លិបនៅក្នុងប្រទេសបារាំង និងស្រួលបន្តអាជីពដែលលោកស្រលាញ់ បើទោះជាត្រូវរស់នៅស្រុកគេ។
មិនខុសពីការអះអាងរបស់កីឡាករចាន់ រតនា តាមរយៈការបង្ហោះសារលើបណ្តាញសង្គមហ្វេសប៊ុក អ្នកស្រី Cindy Coupon ជាភរិយារបស់កីឡាករ ចាន់ រតនា ក៏បានសរសេររថា អ្នកស្រីនឹងចេញទៅរស់នៅប្រទេសបារាំងវិញ បន្ទាប់ពីមករស់នៅស្រុកខ្មែរ អស់ រយៈពេល១៨ឆ្នាំមកហើយ ។ ការបញ្ជាក់នេះ បានធ្វើអោយកីឡាករ ចាន់ រតនា មានអារម្មណ៍ភ័យផង សប្បាយផង នៅពេលគិតដល់ពីគម្រោងទៅរស់នៅប្រទេសបារាំង។ កីឡាករ ចាន់ រតនា បានគិតរួចហើយថា បើសិនជាគាត់ទៅរស់នៅប្រទេសបារាំង ក៏ គាត់នៅអាចត្រឡប់មកប្រកួតនៅសង្វៀន ONE ជាធម្មតា ដូចមាននៅកុងត្រា អុីចឹង ។ ពេលទៅដល់ទីនោះ គាត់អាចនឹង ស្វែងរកទីតាំងសមស្របមួយ ដើម្បីបើកក្លិបនៅប្រទេសបារាំង និងត្រូវចំណាយពេលខ្លះ ដើម្បីសិក្សា និងពិចារណា ក្នុងគោលបំណងផ្សព្វផ្សាយគុនខ្មែរនៅបារាំងផង ។ បំណងនេះក៏គេជឿថានឹងទទួលបានជោគជ័យផងដែរ ដោយសារតែទាំងប្ដីទាំងប្រពន្ធរបស់កីឡាករ ចាន់ រតនា គឺសុទ្ធតែមានចំណូលបើកក្លិបប្រដាល់ និងចង់ចំណាយទុនបង្កើនក្លិបប្រដាល់ ជួយបណ្តុះបណ្តាលដល់អ្នកចង់ធ្វើជាអ្នកប្រដាល់ដូចគ្នា៕
ចែករំលែកព័តមាននេះ