១-ឆ្កែថើបតារា
តារាភាពយន្តនាងឃែតរីណា បូវដេន បីឆ្កែមួយក្បាលទៅចូលរួមក្នុងពិធីមួយនៅអគារ «IAC» ក្រុងញូវយ៉ក កាលពីពាក់កណ្តាលខែតុលា ២០១៥ ប៉ុន្តែអ្វីគួរឱ្យចាប់អារម្មណ៍នោះ គឺឆ្កែសប្បាយចិត្តបានថើបថ្ពាល់របស់នាង។
២-ផ្កាយរណបវាស់សំណើម
អង្គការអវកាសសហរដ្ឋអាមេរិក (NASA) បានបង្ហាញរូបភាពផ្កាយរណបវាស់សំណើមមួយដែលបង្ហោះឡើងកាលពីខែមករា ២០១៥ ដើម្បីស្ទាបស្ទង់សំណើមតើត្រង់ចំណុចណាជាទឹកកកនិងត្រង់ចំណុចណាដែលគ្មាន ?
៣-កប់ខ្លួនក្នុងខ្សាច់ព្យាបាលជំងឺ
អ្នកជំងឺអេហ្ស៊ីបម្នាក់កប់ខ្លួននៅក្នុងខ្សាច់ដ៏ក្តៅមួយនៅក្រុងសៃវ៉ា ភាគខាងលិច ប្រទេសអេហហ្ស៊ីប នៅកណ្តាលថ្ងៃត្រង់ដោយប្រើក្រណាត់បាំងកម្តៅថ្ងៃ ដើម្បីព្យាបាលការរលាកសន្លាក់ដៃជើង ។
៤-លក់អវយវៈនៅបង់ក្លាដែស
បុរសបង់ក្លាដែសម្នាក់បង្ហាញស្នាមដំបៅដែលកើតពីការលួចកាត់ក្រលៀនម្ខាងលក់ឱ្យអ្នកជំងឺដែលត្រូវការប្តូរក្រលៀន ។ បង់់ក្លាដែសបច្ចុប្បន្នបានកើតជំងឺក្រលៀនដល់ទៅ៨លាននាក់ ព្រោះជំងឺទឹកនោមផ្អែម និងមានអ្នកជំងឺត្រូវការប្តូរក្រលៀនជាង២០០០នាក់ ក្នុងមួួយឆ្នាំ ប៉ុន្តែរកក្រលៀនបរិច្ចាគមិនបានទើបមានការលួចលក់ក្រលៀន ។
៥-របាំ«ដេបកេ» ជាទំនៀមទម្លាប់របស់លីបង់
កំលោះ-ក្រមុំលីបង់ស្ថិតក្នុងឈុតប្រចាំប្រទេសនាំគ្នារាំរបាំបុរាណ ដេបកេ ក្នុងពិធីបុណ្យរាំប្រចាំឆ្នាំនៅភូមិម៉ាស៊័រ លាស់ស៊ូវ តំបន់ភ្នំនៅលីបង់ ។ របាំដេបកេ ជារបាំប្រពៃណីរបស់ពលរដ្ឋមជ្ឈិមប្រទេសទាំងលីបង់ ហ្ស៊កដានី អីុរ៉ាក់ ប៉ាឡេស្ទីន និងស៊ីរី ដោយការរាំលក្ខណៈជាជួរ និងជានិមិត្តរូបរបស់អ្នកស្រុក ។
៦-ពិព័រណ៍ម៉ាំមី
អ្នកសារព័ត៌មានបានថតរូបម៉ាំមីនៅលើឧបករណ៍ស្គែនដែលតាំងបង្ហាញក្នុងពិព័រណ៍ ម៉ាំមីញូវស៊ីទ្រេត ហ្វមថូម នៅមន្ទីរប្រវត្តិសាស្ត្រធម្មជាតិ ក្រុងឡូសអេនចឺឡេស ។
៧-រដូវក្តៅនៅអាឡាស្កា
ប្រើសមួយក្បាលឈរទំពាស្មៅឧទ្យានជាតិក្នុងរដ្ឋអាឡាស្កា សហរដ្ឋអាមេរិកនៅរដូវក្តៅដោយមានស្មៅខៀវខ្ចីទាក់ទាញសត្វព្រៃចេញស៊ីចំណីយ៉ាងច្រើនកុះករ ។
៨-កំណកផូស៊ីលដាយណូស៊័រ
អ្នកបុរាណវិទ្យាបែលហ្ស៊ិក ជីកឃើញគ្រោងផូស៊ីល បុរាណនៅវាលខ្សាច់«ហ្គោប៊ី» ប្រទេសម៉ុងហ្គោលី ដោយនៅតំបន់នោះបានទទួលរហស្សនាមថា «ជាហុងស៊ុយនាគរាជ» ព្រោះជីកប្រទះឃើញផូស៊ីលដាយណូស៊័រអាយុពី៦៥លានឆ្នាំទៅ៧០លានឆ្នាំ ៕
ចែករំលែកព័តមាននេះ