ក្រឡាប់ចាក់! ស្ងាត់ៗ ស្រាប់តែAngelina Jolie ចាញ់ក្តីអតីតស្វាមី រឿងប្តឹងទារសិទ្ធិចិញ្ចឹមកូន
សហរដ្ឋអាមេរិក ៖ របាយការណ៍ជាច្រើននៅសហរដ្ឋអាមេរិកបានឱ្យដឹងថា Brad Pitt បានឈ្នះក្តីទទួលបានសិទិ្ធចិញ្ចឹមបីដាច់កូនៗ
សហរដ្ឋអាមេរិក ៖ របាយការណ៍ជាច្រើននៅសហរដ្ឋអាមេរិកបានឱ្យដឹងថា Brad Pitt បានឈ្នះក្តីទទួលបានសិទិ្ធចិញ្ចឹមបីដាច់កូនៗ
សហរដ្ឋអាមេរិក ៖ របាយការណ៍ជាច្រើននៅសហរដ្ឋអាមេរិកបានឱ្យដឹងថា Brad Pitt បានឈ្នះក្តីទទួលបានសិទិ្ធចិញ្ចឹមបីបាច់កូនៗរបស់គាត់រួមគ្នា ជាមួយអតីតភរិយាគឺនាង Angelina Jolie បន្ទាប់ពីមានជម្លោះក្នុងតុលាការជាយូរមកហើយ ចាប់តាំងពីកំពូលតារាសម្តែងហូលីវូដទាំង២រូប ដែលបានលែងលះគ្នាកាលពីឆ្នាំ២០១៩ កន្លងមក។ ដោយបន្សល់ទុកកូនប្រុស-ស្រីចំនួន៦នាក់ ដោយក្នុងចំណោមនោះ ៣នាក់ ជាកូនចិញ្ចឹម។
បើតាមសម្តីពីលោក John Ouderkirk ចៅក្រមឯកជន ដែលត្រូវបានអតីតប្តីប្រពន្ធខាងលើបានជួលដើម្បីត្រួតពិនិត្យលើរឿងក្តីនេះ បានប្រកាសឱ្យ Pitt ជាឈ្នះក្តី។ ខណៈប្រភពជិតស្និតមួយបានប្រាប់សមាគមន៍អ្នកសារព័ត៌មានថា សេចក្តីសម្រេចនេះ បានបង្គាប់ឱ្យ Pitt ត្រូវតែចំណាយពេលវេលាជាមួយកូនៗឱ្យបានច្រើន។
ទោះយ៉ាងណា នេះគ្រាន់តែជាការសម្រេចបណ្តោះអាសន្នតែប៉ុណ្ណោះ ខណៈដែល Angelina Jolie មិនសប្បាយចិត្តយ៉ាងខ្លាំង និងកំពុងតស៊ូតាមផ្លូវច្បាប់បន្តទៀត។ នាងថថែមទាំងបានរិះគន់ចំពោះការសម្រេចចិត្តចៅក្រម ដែលមិនអនុញ្ញាតឱ្យកូនៗរបស់ពួកគេ ចូលរួមផ្តល់សក្ខីកម្មនៅក្នុងសវនាការ។
ប្រភពមួយផ្សេងទៀតបានអះអាងថា ការជំនុំជម្រះដ៏ហ្មត់ចត់ដែលមានរយៈពេលជាច្រើនខែនេះ គឺមានការចូលរួមពីសំណាក់សាក្សីជាច្រើន ដោយក្នុងនោះមានទាំងអ្នកជំនាញចិត្តសាស្ត្រ និងអ្នកជំនាញខាងមើលថែក្មេង ដែលបានសាកសួរកូនៗរបស់ Jolie-Pitt និងអ្នកជិតខាងរបស់អ្នកទាំង២ផងដែរ។
សូមរំលឹកថា Pitt ធ្លាប់ត្រូវបានស៊ើបអង្កេតដោយនាយកដ្ឋានកុមារ និងសេវាគ្រួសារ ចំពោះការចោទប្រកាន់ថា លោកបានប្រើប្រាស់ហិ.ង្សាទៅលើកូនម្នាក់។ ប៉ុន្តែលោកបានបដិសេធ។ ហើយក្រោយមក នាយកដ្ឋានកុមារ និងសេវាគ្រួសារ បានរកឃើញថា Pitt មិនបានប្រព្រឹត្តិកំហុសដូចអ្វីដែលបានចោទប្រកាន់នោះទេ៕ (ដកស្រង់ចេញពី Page Six និង BBC)
ចែករំលែកព័តមាននេះ