រយៈពេលជាច្រើឆ្នាំ ពូជសត្វ Lemur ប្រឈមនឹងការផុតពូជ ។ នេះដោយសារតែការកាប់បំផ្លាញព្រៃឈើជានិរន្តរភាពជាច្រើនទសវត្សរ៍ ការរុករករ៉ែ ការបរបាញ់ និងការដុតព្រៃយកដីធ្វើកសិកម្មនៅប្រទេសម៉ាដាហ្គាស្កាដែលជាជម្រកធម្មជាតិរបស់សត្វ Lemur នៅលើផែនដីនេះ ។
ឥឡូវនេះពូជធម្មជាតិរបស់សត្វ Lemur មានចំនួនតិចតួចបំផុតនៅលើកោះ ដែលបញ្ហានេះបង្ខំឱ្យសត្វ Lemur ពូជដទៃផ្សេងទៀតដែលរាប់មិនអស់ឈានទៅផុតពូជ ។ កាលពីទសវត្សរ៍មុនកិច្ចខិតខំប្រឹងប្រែងមួយចំនួនត្រូវបានគេអនុវត្តដើម្បីអភិរក្សចំនួនសត្វLemur ដែលនៅសេសសល់ ។
អំពើពុករលួរបស់រដ្ឋាភិបាល និងអសមត្ថភាពក្នុងការពង្រឹងច្បាប់ មានន័យថា ការរឹតបន្តឹងលើការកាប់បំផ្លាញព្រៃឈើ និងការបរបាញ់មិនត្រូវបានពង្រឹង ឬព្រងើយកន្តើយទាំងស្រុង ។ ភាពក្រីក្រខ្លាំងនៃប្រទេសជាតិមួយនេះក៏បានបង្ខំឱ្យអ្នកស្រុកជាច្រើនចូលព្រៃដើម្បីកាប់ឈើ ឬជីករកមាសក្នុងគោលបំណងដើម្បីទ្រទ្រង់ជីវិតរបស់ពួកគេ ហើយពួកគេបានបាញ់សម្លាប់សត្វ Lemur ជាអាហារ ។ បច្ចុប្បន្ននេះភាគច្រើននៃសត្វ Lemur ដែលនៅសេសសល់អាចនឹងប្រទះឃើញនៅក្នុងសួនសត្វ និងការប្រមូលជាឯកជនប៉ុណ្ណោះ។ សត្វ Lemur នឹងឈានដល់ការផុតពូជដូចពូជសត្វមួយចំនួនទៀតដែលនៅប្រទេសម៉ាដាហ្គាស្កា ៕
ចែករំលែកព័តមាននេះ