ហ្វេសប៊ុក(Facebook) មានអ្នកប្រើប្រាស់ ១,៥ពាន់លាននាក់ជារៀងរាល់ខែ ដែលតួលេខនេះបង្ហាញពីការកើនឡើងជាលើកដំបូងក្នុងប្រវត្តិសាស្ត្ររបស់ក្រុមហ៊ុន ពោលគឺកើនឡើងចំនួន១១% ក្នុងប្រាក់ចំណេញ ។ ជាមួយគ្នានេះដែរមនុស្សស្ទើរតែ៩០០លាននាក់ប្រើប្រាស់ Facebook តាមរយៈទូរស័ព្ទដៃរបស់ពួកគេជារៀងរាល់ថ្ងៃ ។
បណ្តាញសង្គម Facebook បច្ចុប្បន្នមានចំនួនពាក់កណ្តាលអ្នកប្រើប្រាស់ប្រព័ន្ធអុីនធើរណេតជាសមាជិក ។ រីឯប្រាក់ចំណូលវិញកើនឡើង៤០%ក្នុងរយៈពេល៣ខែរហូតដល់ខែកញ្ញា ។ ក្រុមហ៊ុនឱ្យដឹងថា នេះគឺជាលើកទី ១ ហើយដែលមានមនុស្សច្រើនជាង១ពាន់លាននាក់ចូលទៅកាន់ Facebook ជារៀងរាល់ថ្ងៃ និងចំនួនអ្នកប្រើប្រាស់ប្រចាំខែកើនដល់១,៥៥ ពាន់លាននាក់កើនឡើង១៤ភាគរយធៀបទៅឆ្នាំមុន ។
ស្ថាបនិកក្រុមហ៊ុន Facebook លោក ម៉ាក ហ្ស៊ាកឃើប៊ើក និយាយថា «យើងទទួលបានរបាយការណ៍ប្រចាំត្រីមាសល្អ និងសម្រេចបានការងារច្រើន ។ យើងនឹងផ្តោតលើការច្នៃប្រឌិត និងវិនិយោគសម្រាប់រយៈពេលវែងដើម្បីបម្រើដល់សហគមន៍របស់យើង និងការតភ្ជាប់ទៅកាន់ពិភពលោកទាំងមូល» ៕
ចែករំលែកព័តមាននេះ