ខេត្តឧត្តរមានជ័យ៖ បុរសវ័យចំណាស់ម្នាក់ ចេញពីផ្ទះទៅភ្ជួរដីស្រែ ស្រាប់តែកើតខ្យល់គ ដេកដួល បាត់បង់ជីវិត ដោយពុំមានអ្នកជួយសង្គ្រោះ ហើយត្រូវបានអ្នកភូមិប្រទះឃើញ កាលពីវេលាម៉ោង ១០ព្រឹក ថ្ងៃទី២២ ខែឧសភា ឆ្នាំ២០២១។
ហេតុការណ៍នេះ បានកើតឡើងស្ថិតនៅចំណុចវាលឈ្លីក ដែលមានចំងាយពីផ្លូវជាតិលេខ៦៨B ១០០ម៉ែត្រ ក្នុងភូមិបន្ទាយចាស់ ឃុំចុងកាល់ ស្រុកចុងកាល់ ខេត្តឧត្តរមានជ័យ។ ជនរងគ្រោះ ឈ្មោះ យិញ យ៉ោត ភេទប្រុស អាយុ ៦៣ឆ្នាំ មុខរបរធ្វើស្រែ រស់នៅភូមិឃុំកើតហេតុខាងលើ។
អាវុធហត្តស្រុកចុងកាល់ បានឱ្យដឹងថា ជនរងគ្រោះខាងលើ បានបើកបរគោយន្តកន្ត្រៃ ចាកចេញពីផ្ទះ ទៅភ្ចួដីស្រែតែម្នាក់ឯង ដោយទុកប្រពន្ធ ដែលមានវ័យចាស់ជរា ដេកឈឺ នៅនឹងផ្ទះ។ ចំណែកកូនៗ បានធ្វើចំណាកស្រុក ទៅរកការងារធ្វើនៅឯប្រទេសថៃ។
អាវុធហត្តស្រុកចុងកាល់ដដែល បានបន្តថា ក្រោយពីបានទទួលនូវព័ត៌មានរាយការណ៍កំលាំងអាវុធហត្ថស្រុក បានចុះទៅ
និងកន្លែងកើតហេតុ ធ្វើការពិនិត្យលើសាកសព និងធ្វើការសនិ្នដ្ឋានថា ជនរងគ្រោះពិតជាបាត់បង់ជីវិត ដោយសារតែខ្យល់គពិតប្រាកដមែន៕ ឱម សារឿន
ចែករំលែកព័តមាននេះ