ទីបំផុត! Neymar បានចាក់វ៉ាក់សាំងបង្ការកូវីដ១៩ មួយប្រភេទនេះជាដូសដំបូងរួចហើយ
ប្រេស៊ីល ៖ Neymar ខ្សែប្រយុទ្ធឆ្នើមក្រុមជម្រើសជាតិប្រេស៊ីល និងក្លិប Paris Saint Germain បានទទួលការចាក់វ៉ាក់សាំងបង្ការ
ប្រេស៊ីល ៖ Neymar ខ្សែប្រយុទ្ធឆ្នើមក្រុមជម្រើសជាតិប្រេស៊ីល និងក្លិប Paris Saint Germain បានទទួលការចាក់វ៉ាក់សាំងបង្ការវីរុសកូវីដ១៩ សម្រាប់ដូសដំបូង រួចរាល់ហើយ។ គួររំលឹកថា Messi និង Neymar ស្ថិតក្នុងចំណោមកីឡាករអាមេរិកខាងត្បូង ដែលនឹងត្រូវចាក់វ៉ាក់សាំងចិន
ខ្សែប្រយុទ្ធឆ្នើមវ័យ ២៩ឆ្នាំរូបនេះ បានចែករំលែកវីដេអូអំពីដំណើរការចាក់វ៉ាក់សាំងរបស់ខ្លួននៅលើបណ្តាញសង្គម Twitter កាលពីថ្ងៃទី២០ ខែឧសភា ថា «បន្ទាប់ពីការរង់ចាំយ៉ាងយូរ។ ទីបំផុតដល់វេនរបស់ខ្ញុំហើយ។ សង្ឃឹមថាអ្វីៗទាំងអស់ នឹងវិលទៅរកភាពប្រក្រតីឡើងវិញ ឱ្យបានឆាប់តាមដែលអាចធ្វើទៅបាន។ ហើយមិនត្រឹមតែប្រទេសរបស់ខ្ញុំប្រេស៊ីលប៉ុណ្ណោះទេ។ ប៉ុន្តែពិភពលោកទាំងមូលក៏គួរតែចាក់វ៉ាក់សាំងផងដែរ»។
សូមរំលឹកថា យោងតាមការចេញផ្សាយពីទីភ្នាក់ងារព័ត៌មានចិន ស៊ីនហួ កាលពីដើមខែឧសភា បានឱ្យដឹងថា តាមរយៈសហព័ន្ធកីឡាបាល់ទាត់អាមេរិកខាងត្បូង (CONMEBOL) បានបញ្ជាក់ថា កំពូលកីឡាករ Lionel Messi និង Neymar គឺស្ថិតក្នុងចំណោមកីឡាករតំបន់អាមេរិកខាងត្បូងរាប់រយនាក់ផ្សេងទៀត ដែលនឹងត្រូវទទួលបានការចាក់វ៉ាក់សាំងកូវីដ១៩ ដែលផ្តល់ដោយក្រុមហ៊ុន Sinovac Biotech។
ស្របពេលដែលគេហទំព័រផ្លូវការរបស់សហព័ន្ធកីឡាបាល់ទាត់អាមេរិកខាងត្បូង ក៏បានអះអាងថា កម្មវិធីចាក់វ៉ាក់សាំងនឹងផ្តល់អាទិភាពដល់ក្រុមជម្រើសជាតិ, គ្រូបង្វឹក, កីឡាករ និងបុគ្គលិកដទៃទៀត។ ដែលត្រូវចូលរួមព្រឹត្តិការណ៍ Copa America ដែលនឹងត្រូវធ្វើឡើងនៅប្រទេសអាហ្សង់ទីន និងកូឡុំប៊ី ចាប់ពីថ្ងៃទី១៣ ខែមិថុនា រហូតដល់ថ្ងៃទី១០ ខែកក្កដា ខាងមុខនេះ៕
ចែករំលែកព័តមាននេះ