សារព័ត៌មាន «ត្រេនឌីងញូវផូថាល» របស់ហ្វ៊ីលីពីន កាលពីពេល ថ្មីៗកន្លងមកផ្សាយថា បណ្តាអ្នកលេងហ្វេសប៊ុក បានចាប់អារម្មណ៍ខ្លាំងចំពោះហេតុការណ៍បាញ់សម្លាប់គ្នានៅតំបន់ «ន័រអូឡាំប៉ាស់» ក្រុងហ្គេសុន ស៊ីទី ប្រទេសហ្វ៊ីលីពីន ។ រូបភាពមួយទាក់ទិនហេតុការណ៍នោះគឺបង្ហាញពីហ្វូងមនុស្សឈរមើលសាកសព ហើយក្នុងចំណោមនោះ មានបុរសម្នាក់ពាក់អាវបៃតង ស្លៀកខោខូវប៊យ និងលាបពណ៌សក់ដូចអ្នកស្លាប់ ។ គេមានជំនឿថា រូបភាពបុរសនោះគឺជាព្រលឹងរបស់អ្នកស្លាប់ឈរមើលសាកសពរបស់ខ្លួន ។
រូបភាពត្រូវគេបង្ហោះលើវេបសាយ «MIO NATION» ហើយមានសរសេរឃ្លាមួយនៅខាងក្រោមថា «វិញ្ញាណអ្នកស្លាប់ម្នាក់ក្នុងចំណោមអ្នកចោមរោមមើលសព» ។
រូបថតនោះល្បីសុសសាយ ហើយអ្នកលេងហ្វេសប៊ុកមួយចំនួននិយាយថា វាជារូបភាពកាត់ត ចំណែកខ្លះទៀតថា ជារូបពិត ។ ទោះបីជាបែបណាក៏ដោយ រហូតមកដល់ពេលនេះ គេនៅតែបន្តវែកញែកគ្នានៅឡើយ និងមិនអាចសន្និដ្ឋានបានថា តើជារូបកាត់ត ឬជារូបពិតដែលថតជាប់ព្រលឹងខ្មោចទេ ៕
ចែករំលែកព័តមាននេះ