អ្នកប្រាកដណាស់ ធ្លាប់លឺគេថា ការហូបប្រៃពេកមិនល្អសម្រាប់សុខភាពទេ ដោយសារតែវាអាចធ្វើឱ្យអ្នកលើសសម្ពាធឈាម កាន់តែមានភាពធ្ងន់ធ្ងរ។ ថ្ងៃនេះ អ្នកនឹងដឹងពីហេតុផលមួយទៀត ដែលអ្នកមិនគួរទទួលទានប្រៃពេក។ នោះគឺវាមានការទាក់ទងគ្នាទៅនឹងជំងឺសរសៃឈាមបេះដូង។
ការសិក្សាបានឲ្យដឹងថា របបអាហារមានជាតិប្រៃច្រើនធ្វើឲ្យមនុស្សស្លាប់រហូតដល់ ១.៦លាននាក់ក្នុងមួយឆ្នាំៗទូទាំងពិភពលោក។ រឿងនេះរហូតដល់អ្នកស្រាវជ្រាវនិយាយថា វាស្ទើតែមានម្នាក់ស្លាប់ហើយក្នុងចំណោម១០នាក់ ដោយសារតែជំងឺសរសៃឈាមបេះដូងនៅជុំវិញពិភពលោក។
ថ្វីត្បិតតែរឿងនេះស្តាប់មើលទៅគួរឲ្យខ្លាចមែនក៏ដោយ តែបើយើងផ្អែកទៅតាមវិទ្យាសាស្ត្រវិញ គឺវាមិនបានអះអាងថា ជាតិប្រៃកំពុងតែធ្វើឲ្យមនុស្សស្លាប់ឡើយ។ តាមពិតទៅ ដំណឹងនេះគឺផ្អែកទៅលើការសិក្សាគំរូមួយប៉ុណ្ណោះ។
សម្រាប់ទូទាំងពិភពលោក ការស្លាប់ប្រមាណ ១.៦៥លានករណី ដោយសារតែមូលហេតុជំងឺសរសៃឈាមបេះដូង ក្នុងឆ្នាំ ២០១០ ហើយរឿងនេះត្រូវបានបង្កឡើងដោយសារតែការញ៉ាំជាតិសូដ្យូម ឬប្រៃច្រើនជាង ២ក្រាមក្នុងមួយថ្ងៃ។ ករណីខ្លះមានរហូតដល់ ៥ក្រាមឯណោះក្នុងមួយថ្ងៃ។
ប៉ុន្តែការសិក្សានេះមិនបានអះអាងថា ការតមជាតិសូដ្យូមអាចបន្ថយការស្លាប់ដោយសារតែជំងឺបេះដូងសរសៃឈាមទេ។ មានន័យថា ការរកឃើញនេះជាទូទៅគួរតែចាត់ទុកថា ការញ៉ាំជាតិប្រៃមិនគួរណាឲ្យច្រើនជាង ៦ក្រាមក្នុងមួយថ្ងៃឡើយ៕
ចែករំលែកព័តមាននេះ