នាងសេរ៉េណា វីល្លៀម កីឡាការិនីវាយកូនបាល់ ជនជាតិអាមេរិក បានដើរតួជាអ្នកនិពន្ធបណ្ដោះអាសន្នដល់ទស្សនាវដ្ដី WIRED ដើម្បីរៀបរាប់ពីអារម្មណ៍តូចចិត្តដែលត្រូវគេជាន់ឈ្លីជាតិសាសន៍ជារឿយៗ ក្នុងនាមជាមនុស្សស្បែកខ្មៅ ប៉ុន្តែក៏បានណែនាំដល់មនុស្សគ្រប់រូបដែលដូចរូបនាងឱ្យចេះតស៊ូផងដែរ ។
នាងសេរ៉េណា បានរៀបរាប់ថា៖«កន្លងមកខ្ញុំរមែងកាន់សៀវភៅកំណត់ហេតុជាប់ខ្លួន និងអង្គុយអានជារឿយៗ ដោយមានអត្ថបទមួយសរសេរ និងសន្យាថា ៖«ខ្ញុំនឹងទៅធ្វើការនៅអាហ្វ្រិក ដើម្បីជួយដល់កុមារ និងជនក្រីក្រ ដោយបើកសាលាបង្រៀនសិស្ស និងកន្លងមក បានប្រតិបត្តិនៅកេន យ៉ា នៅក្នុងឆ្នាំ២០០៨ និង២០១០» ។
កីឡាការិនីវាយកូនបាល់ជើងឯកGrandslam ចំនួន២១ជំនាន់រូបនេះថ្លែងថា៖ «វត្ថុម្យ៉ាងដែលខ្ញុំចង់បញ្ជាក់នៅពេលនេះ គឺត្រូវក្រោកឈរកុំបណ្ដោយឱ្យការមាក់ងាយជាតិសាសន៍មកបញ្ឈប់ការតស៊ូរបស់អ្នក ។ យើងបានជួបរឿងប្រភេទនេះស្ទើរតែមួយសតវត្សមកហើយ ដូច្នេះត្រូវតែរើបម្រះលើគ្រប់ឧបសគ្គ» ៕
ចែករំលែកព័តមាននេះ