ខេត្តសៀមរាប ៖ អគ្គិភ័យឆាបឆេះព្រៃលិចទឹកដែលអូសបន្លាយអស់រយៈពេលជិតមួយសប្តាហ៍មកហើយនោះ ត្រូវបានអាជ្ញាធរចម្រុះនៃខេត្តសៀមរាប ប្រឹងប្រែងបង្ការនិងពន្លត់បានជិត៨០%ហើយ ព្រមទាំងមានភ្លៀងធ្លាក់មួយមេធំ ទើបធ្វើឱ្យភ្លើងឆេះនោះបានរលត់។ ក្នុងប្រតិបតិ្តការណ៍ ដឹកនាំចុះពន្លត់អគ្គិភ័យនោះដែរ គេឃើញមានវត្តមាន…
ខេត្តសៀមរាប ៖ អគ្គិភ័យឆាបឆេះព្រៃលិចទឹកដែលអូសបន្លាយអស់រយៈពេលជិតមួយសប្តាហ៍មកហើយនោះ ត្រូវបានអាជ្ញាធរចម្រុះនៃខេត្តសៀមរាប ប្រឹងប្រែងបង្ការនិងពន្លត់បានជិត៨០%ហើយ ព្រមទាំងមានភ្លៀងធ្លាក់មួយមេធំ ទើបធ្វើឱ្យភ្លើងឆេះនោះបានរលត់។ ក្នុងប្រតិបតិ្តការណ៍ ដឹកនាំចុះពន្លត់អគ្គិភ័យនោះដែរ គេឃើញមានវត្តមាន លោក ទៀ សីហា អភិបាលខេត្តសៀមរាប និង អ្នកឧកញ៉ា សៀង ណាំ អ្នកតំណាងរាស្ត្រមណ្ឌលសៀមរាប ព្រមទាំងមន្ត្រីពាក់ព័ន្ធជាច្រើនរូបបានចូលរួម ដើម្បីរកវិធីជួយបង្ការនិងពន្លត់។
ក្នុងនោះដែរ ដោយមានភ័ព្វសំណាងល្អផងនៅរាត្រីថ្ងៃទី១៨ ឧសភា នេះ មានភ្លៀង១មេធំបានបង្អោរមក ធ្វើឱ្យធ្វើភ្លើងឆេះព្រៃនោះបានរលត់ទាំងស្រុង ហើយទឹកចិត្តបងប្អូនប្រជាពលរដ្ឋ និង អាជ្ញាធរមានក្តីសប្បាយរីករាយឡើងវិញបន្ទាប់នឿយហត់ជិតមួយ
សប្តាហ៍មកនេះ។ បើតាមរបាយការណ៍របស់សមត្ថកិច្ចបានឱ្យដឹងជាបឋមថា រហូតមកដល់ម៉ោង២១ និង ៣០នាទីយប់ថ្ងៃទី១៨ខែឧសភានេះ ករណីអគ្គិភ័យឆេះព្រៃនេះបណ្ដាលឱ្យខូចខាតព្រៃលិចទឹកអស់ប្រមាណជិត៣០ហិចតា ហើយមូលហេតុនៃការឆាបឆេះនេះ សមត្ថកិច្ចនៅមិនទាន់សន្និដ្ឋានបាននៅឡើយទេ។
សូមបញ្ជាក់ថា ការឆេះព្រៃនេះ ផ្ដើមចេញពីតំបន់ព្រៃលិចទឹក ស្ថិតនៅក្នុងភូមិសាស្ត្រ សង្កាត់ចុងឃ្នៀស កាលពីថ្ងៃទី១៣ ខែឧសភាឆ្នាំ២០២១ រួចឆ្លងមក សង្កាត់សៀមរាប និងរាលមកដល់តំបន់ទេសចរបឹងពារាំង ក្នុងភូមិសាស្ត្រ សង្កាត់ជ្រាវ នៅល្ងាចនេះផងដែរ។ចំណែកកម្លាំងអាជ្ញាធរមូលដ្ឋានបានសហការជាមួយកម្លាំងសមត្ថកិច្ចនគរបាលខេត្ត បានយ៉ាងល្អប្រសើរ។ក្នុងនោះដោយបានជំនួយគ្រឿងចក្ររបស់អ្នកឧកញ៉ា សៀង ណាំ អ្នក តំណាងរាស្ត្រមណ្ឌលសៀមរាប ដើម្បីចូលឈូសឆាយព្រៃដែលឆេះ ដើម្បីឱ្យរថយន្តពន្លត់អគ្គិភ័យចូលទៅពន្លត់បានងាយស្រួលផងដែរ។
គួររំលឹកផងដែរថា កាលពីអំឡុងឆ្នាំមុនក៏មានករណីឆេះព្រៃលិចទឹកនៅតំបន់ខាងលើនេះដែរ តែនៅឆ្នាំនេះ អាជ្ញាធរនិងសហគមន៍ទេសចរណ៍បឹងពារាំង បានធ្វើផ្លូវការពារភ្លើងឆេះព្រៃបានមួយចំនួនហើយ ដោយនៅបន្តធ្វើថែមទៀត ដើម្បីបង្ការករណីគ្រោះអគ្គិភ័យបែបនេះម្តងទៀត៕ ដោយ៖ ច័ន្ទ រស្មី
ចែករំលែកព័តមាននេះ