ខេត្តព្រៃវែង ៖ រកឃើញមនុស្ស ១៥នាក់ថែមទៀតវិជ្ជមានជំងឺកូវីដ-១៩ ក្នុងចំណោមនោះ ៩នាក់ មកពីភ្នំពេញ និង៤នាក់មកពីប្រទេសថៃ ចូលក្នុងខេត្តព្រៃវែង ។…
ខេត្តព្រៃវែង ៖ រកឃើញមនុស្ស ១៥នាក់ថែមទៀតវិជ្ជមានជំងឺកូវីដ-១៩ ក្នុងចំណោមនោះ ៩នាក់ មកពីភ្នំពេញ និង៤នាក់មកពីប្រទេសថៃ ចូលក្នុងខេត្តព្រៃវែង ។
នៅថ្ងៃទី១៨ឧសភា រដ្ឋបាលខេត្តព្រៃវែង បានរកឃើញមនុស្ស ១៥នាក់បន្ថែមទៀត វិជ្ជមានជំងឺកូវីដ-១៩ តាមរយៈការធ្វើតេស្តរហ័ស (Rapid Test) នៅមូលដ្ឋានក្នុងស្រុកនីមួយៗមានដូចជា ៖
ស្រុកពាមរក៍ មាន២នាក់ ស្រុកពារាំង មាន ១នាក់ ស្រុកស្វាយអន្ទរ មាន២នាក់ ស្រុកកំចាយមារមាន ៤នាក់ ស្រុកកញ្ជ្រៀច មាន ១នាក់ ស្រុកស្វាយអន្ទរ មាន១នាក់ ស្រុកពាមជរ មាន ២នាក់ ស្រុកបាភ្នំ មាន ២នាក់ ។
ក្នុងនោះអ្នកដំណើរមកពីរាជធានីភ្នំពេញចំនួន៩នាក់ មកពីប្រទេសថៃចំនួន៤នាក់ និងប៉ះពាល់ផ្ទាល់ជាមួយអ្នកជំងឺកូវីដ-១៩ ដែលមកពីភ្នំពេញនៅស្រុកពាមជរ ចំនួន២នាក់ ។
បច្ចុប្បន្ន អ្នកវិជ្ជមានជំងឺកូវីដ-១៩ ខាងលើ កំពុងសម្រាកព្យាបាលនៅមន្ទីរពេទ្យបង្អែកស្រុករបស់ពួកគេខាងលើ ក្នុងខេត្តព្រៃវែង ។
យោងតាមសេចក្តីប្រកាសព័ត៌មានរបស់ក្រសួងសុខាភិបាលប្រកាសនៅថ្ងៃទី១៨ ខែឧសភានេះ បានរកឃើញអ្នកវិជ្ជមានកូវីដ១៩ចំនួន៣៤៥ នាក់ អ្នកស្លាប់ ២នាក់ និងជាសះស្បើយ ១៣៣៧នាក់ ៕
ចែករំលែកព័តមាននេះ