រឿងហេតុប្លែកៗកើតឡើងលើពិភពលោក
១-មនុស្សយន្តធ្វើការជំនួសមនុស្ស
មនុស្សយន្ត ផលិតដោយក្រុមហ៊ុនអីុតាលីរបស់ជប៉ុនអនុវត្តពីរបៀបធ្វើការនៅក្រុងតូក្យូ។ មនុស្សយន្តមួយគ្រឿងនោះអាចបម្លាស់ទីទំនិញលើកដាក់កេសដោយស្វ័យប្រវត្តិ
១-មនុស្សយន្តធ្វើការជំនួសមនុស្ស
មនុស្សយន្ត ផលិតដោយក្រុមហ៊ុនអីុតាលីរបស់ជប៉ុនអនុវត្តពីរបៀបធ្វើការនៅក្រុងតូក្យូ។ មនុស្សយន្តមួយគ្រឿងនោះអាចបម្លាស់ទីទំនិញលើកដាក់កេសដោយស្វ័យប្រវត្តិ អាចជួយជំនួសបុគ្គលិករបស់ក្រុមហ៊ុន ។
២-ឃ្លាំមើលសកម្មភាពរបស់ឃ្មុំ
ឃ្មុំមួយក្បាលប្រើកាវបិទ «ម៉ៃក្រូឈីប»នៅលើខ្នងដើម្បីឃ្លាំមើលសកម្មភាព និងអំពើរបស់ឃ្មុំ ដោយអង្គការស្រាវជ្រាវវិទ្យាសាស្ត្រ និងឧស្សាហកម្មដើម្បីពលរដ្ឋអូស្ត្រាលី ។
៣-កែវដាក់កាហ្វេមានរូបរាងបឺតមាត់
លោកហ្សាងអ៊ូស៊ុក ជនជាតិកូរ៉េខាងត្បូងចេញម៉ូដកែវកាហ្វេដែលគម្របមានលក្ខណៈ ដូចរូបច្រមុះ និងមាត់ នៅពេលផឹកគ្រាន់តែយកមាត់ទៅបឺតជាការស្រេច ។
៤-ថ្លឹងទម្ងន់គីង្គក់
បុគ្គលិកសួនសត្វក្នុងក្រុងឡុងដ៍ចក្រភពអង់គ្លេស ថ្លឹងទម្ងន់កូន «គង្គក់» ដើម្បីកត់ត្រាពីជីវប្រវត្តិប្រចាំឆ្នាំរបស់សមាជិកសត្វជាង១៧.០០០ក្បាលដើម្បីតាមដានពីការធំធាត់ និងថែរក្សាសុខភាពសត្វ ។
៥-សារមន្ទីរថ្មីនៅអេហ្ស៊ីប
បុគ្គលិកម្នាក់ប្រើជក់បោសរូបចម្លាក់ឈើ «ទេពអូស៊ីរីស» នៅមជ្ឈមណ្ឌលថែរក្សាវត្ថុបុរាណ ក្នុងសារមន្ទីរ «ហ្គ្រែន អេហ្ស៊ីប» ក្រុង គែរ ប្រទេសអេហ្ស៊ីប ជាសារមន្ទីរថ្មីស្ថិតនៅកណ្តាលពីរ៉ាមីត និងមានតាំងបង្ហាញវត្ថុបុរាណមានតម្លៃជាង១០០.០០០បំណែក ។
៦-បង្កើនពូជរមាសជាសត្វកម្រនៅលើលោក
«ហារ៉ាបាន» ជារមាសស៊ូម៉ាត្រាអាយុ៨ឆ្នាំ នៅឧទ្យាន «ស៊ីនស៊ីនណាទី» រដ្ឋអូហៃយ៉ូ សហរដ្ឋអាមេរិក ។ វាជារមាសស៊ូម៉ាត្រាមួួយក្បាលរស់នៅប្រទេសលោកខាងលិច នឹងត្រូវបញ្ជូនទៅអភិរក្ស «រមាសស៊ូម៉ាត្រា» ក្នុងប្រទេសឥណ្ឌូណេស៊ី ជាដើមកំណើតដើម្បីបង្កាត់ពូជបន្ថែម ។
៧-ការងារកសិកម្មអាល្លឺម៉ង់
ចម្លាក់អេលវីស ប្រេស្ល៊ី ជាតារារ៉ុកអមតៈ ជនជាតិអាមេរិក បានបង្កើតឡើងពីផ្លែល្ពៅឈរលេងហ្គីតាបង្ហាញសម្រស់ ក្នុងពិធីបុណ្យកសិកម្មនៅក្រុងគ្លីស្តូ ភាគខាងកើតប្រទេសអាល្លឺម៉ង់ ។
៨-សិក្សាស្រាវជ្រាវពីការដេក
គណៈកម្មការកីឡារត់ប្រណាំងនៃមហាវិទ្យាល័យ «ថេនណេសស៊ី» សហរដ្ឋអាមេរិក បានបង្វឹកដល់កីឡាករស្តីពីការដេក ពិសេសឱ្យស្គាល់ពីការសម្រាកឱ្យគ្រប់គ្រាន់ ទើបមិនធ្វើឱ្យងងុយឬអស់កម្លាំងខណៈពេលប្រកួត ៕
ចែករំលែកព័តមាននេះ