រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា សាកស.ពបុរសដែលជាជនអនាថាម្នាក់ ត្រូវបានគេប្រទះឃើញដេកស្លា.ប់ក្រោមដើមឈើមួយដើម នៅមាត់ច្រាំងទន្លេខាងមុខចំណតកាណូតទេសចរណ៍ ដោយរូបគាត់រាល់ថ្ងៃតែងតែដើរសុំលុយគេ និងផឹកស្រាស្រវឹងលើសួនច្បារជាប្រចាំនោះ។ករណីនេះដែរ បានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី១៨ ខែឧសភា ឆ្នាំ២០២១ នៅចំណុចច្រាំងទន្លេខាងមុខចំណតកាណូតទេសចរណ៍ ស្ថិតក្នុងសង្កាត់ផ្សារកណ្តាល១ ខណ្ឌដូនពេញ។
តាមប្រភព័ត៌មានពីសមត្ថកិច្ចបានប្រាប់ឲ្យដឹងថា បុរសរងគ្រោះខាងលើមានឈ្មោះ វុធ ប្រមាណជាអាយុ៤0ឆ្នាំ មានមុខរបរ និងទីលំនៅមិនពិតប្រាកដ។
សមត្ថកិច្ចបន្តថា មុនពេលកើតហេតុ ប្រជាពលរដ្ឋលក់ដូរនៅលើសួនច្បារកន្លែងកើតហេតុ បានឃើញបុរសរងគ្រោះខាងលើដេកនៅខាងក្រោមដើមឈើមួយដើមដោយគ្មានរើ ឬកំរើកបន្តិចសោះ ដោយមានការសង្ស័យក៏នាំគ្នាទៅមើល ទើបដឹងថា គាត់បានស្លា.ប់បាត់បង់ជីវិតទៅហើយ។
ប្រភពដដែលបានប្រាប់បន្តទៀតថា នៅពេលដែលបានដឹងថា បុរសរងគ្រោះបានស្លា.ប់បាត់បង់ជីវិតទៅហើយនោះ ក៏បង្កការភ្ញាក់ផ្អើលកើតឡើង រួចនាំគ្នាមកចោមរោមមើល និងរាយការណ៍ប្រាប់កម្លាំងមានសមត្ថកិច្ចមូលដ្ឋានឲ្យបានដឹងពីរឿងនេះ។ ហើយជារៀងរាល់ថ្ងៃ គេតែងតែបានឃើញបុរសរងគ្រោះរូបនេះ ដើរសុំលុយគេយកទៅទិញស្រាផឹក រួចស្រវឹង និងដេកនៅលើសួនច្បារនេះជារៀងរាល់ថ្ងៃ លុះដល់ពេលព្រឹកនេះ ក៏ប្រទះឃើញរូបគាត់ដេកស្លា.ប់នៅក្រោមដើមឈើមួយដើមនេះតែម្ដង ដោយទំនងជាខ្យល់គ។
ក្រោយពេលកើតហេតុ កម្លាំងមានសមត្ថកិច្ចមូលដ្ឋានខណ្ឌដូនពេញ ក៏បានចុះមកដល់កន្លែងកើតហេតុ ធ្វើការត្រួតពិនិត្យ និងកោសល្យវិច័យទៅលើសាកស.ពរបស់បុរសជាជនអនាថារងគ្រោះខាងលើ រួចយកស.ពជនរងគ្រោះទៅធ្វើការបូជាទៅតាមប្រពៃណីផងដែរ។
ចែករំលែកព័តមាននេះ