សមាធិគឺជាការសម្រាកយកកម្លាំងរបស់ចិត្ត ដូចជាការសម្រាក ឬការទទួលទានដំណេកនៃរូបកាយដូច្នោះដែរ ។ កម្លាំងរបស់ចិត្តសម្រាប់ច្បាំងជាមួយសត្រូវក្នុងខ្លួនមាន៥គឺៈ
១- សទ្ធាពលៈ កម្លាំងគឺការជឿចំពោះសេចក្ដីពិត ។
២- វីរិយពលៈ កម្លាំង គឺការព្យាយាមកម្ចាត់បាបចម្រើនបុណ្យ ។
៣- សតិពលៈ កម្លាំង គឺស្មារតីភ្ញាក់រលឹកដឹងទាន់នឹងយល់អំពីការណ៍ពិត ។
៤- សមាធិពលៈ កម្លាំង គឺចិត្តស្ងប់ដោយប្រពៃ ។
៥- បញ្ញាពលៈ កម្លាំង គឺការដឹងហេតុផលពិត ។
ដូច្នេះមនុស្សយើងកាលដែលប្រាថ្នានូវសេចក្ដីសុខសម្រាប់ខ្លួន ត្រូវតែទូន្មានចិត្ត អប់រំចិត្តរបស់ខ្លួនឲ្យចេះធ្វើសមាធិដើម្បីឱ្យចិត្តស្ងប់ចាកមន្ទិលទាំងឡាយ ៕ សាន សារិន
ចែករំលែកព័តមាននេះ