លោកចូសេ ម៉ូរីនញ៉ូ គ្រូបង្វឹកក្លិបតោខៀវ Chelsea បានប្រាប់អ្នកសារព័ត៌មានក្រោយពេលចាញ់ក្លិប Liverpool ១-៣ ក្នុងទឹកដីរបស់ខ្លួនថា លោកចង់បំពេញការងារនៅទឹកដី «អូលត្រហ្វហ្វត» បន្ត ទោះបីមានលទ្ធផលអាក្រក់ចាញ់៦លើកតាំងពីបើករដូវកាលក្ដី ។
អ្នកសារព័ត៌មានបានចោទសួរលោកចូសេ ម៉ូរីនញ៉ូ ថា តើលោកគិតថានេះជាការប្រកួតលើកចុងក្រោយនៅក្លិបChelsea មែនឬអត់? លោកម៉ូរីនញ៉ូ ឆ្លើយថា «ទេ» ទោះបីជាលោកដឹកនាំក្លិបចាញ់ដល់ទៅ៦លើកពីការចូលលេងចំនួន១១លើកក្នុងក្របខ័ណ្ឌប្រឺមីញេលីក អង់គ្លេសក៏ដោយ ។ បច្ចុប្បន្នលោកកំពុងត្រៀមដឹកនាំក្លិបស្វាគមន៍ក្លិប Dinamokiew នៅក្នុងទឹកដីរបស់ខ្លួនក្នុងក្របខ័ណ្ឌយូហ្វាឆេមពានលីក នៅថ្ងៃទី៤ វិច្ឆិកា និងសង្ឃឹមថា អ្វីៗគ្រប់យ៉ាងនឹងដំណើរការជាប្រក្រតី ។
ចំណែកហាងភ្នាល់ស្របច្បាប់របស់អង់គ្លេស ក៏បានបញ្ចុះតម្លៃភ្លាល់លើករណីដែលលោកម៉ូរីនញ៉ូ នឹងត្រូវបណ្ដេញចេញពីតំណែងចាក់៥សង៤ មកនៅត្រឹមចាក់៣សង១ បានន័យថា គ្រូបង្វឹកជនជាតិព័រទុយហ្គាល់ រូបនេះកំពុងប្រឈមនឹងការបណ្ដេញចេញពីតំណែងក្នុងភាគរយខ្ពស់ ៕
ចែករំលែកព័តមាននេះ