ឃាត់ខ្លួនមេខ្យល់ម្នាក់ បម្រុងនាំពលករ ៨នាក់ លួចឆ្លងដែន ទៅប្រទេសថៃ
- បន្ទាយមានជ័យ
បន្ទាយមានជ័យ៖ ប៉េអឹម បានឃាត់ខ្លួនមេខ្យល់ម្នាក់ ដែលបម្រុងនាំពលករប្រុសស្រី ៨នាក់ លួចឆ្លងដែន ទៅប្រទេសថៃ កាលពីថ្ងៃទី១៥ ខែឧសភា ឆ្នាំ២០២១…
បន្ទាយមានជ័យ៖ ប៉េអឹម បានឃាត់ខ្លួនមេខ្យល់ម្នាក់ ដែលបម្រុងនាំពលករប្រុសស្រី ៨នាក់ លួចឆ្លងដែន ទៅប្រទេសថៃ កាលពីថ្ងៃទី១៥ ខែឧសភា ឆ្នាំ២០២១…
បន្ទាយមានជ័យ៖ ប៉េអឹម បានឃាត់ខ្លួនមេខ្យល់ម្នាក់ ដែលបម្រុងនាំពលករប្រុសស្រី ៨នាក់ លួចឆ្លងដែន ទៅប្រទេសថៃ កាលពីថ្ងៃទី១៥ ខែឧសភា ឆ្នាំ២០២១ តាមបន្ទាត់ព្រំដែន ក្នុងភូមិសាស្ត្រភូមិភ្នំរូង ឃុំបឹងបេង ស្រុកម៉ាឡៃ។
លោកវរៈសេនីយ៍ត្រី តាំង សុខ មេបញ្ជាការកងរាជអាវុធហត្ថ ស្រុកម៉ាឡៃ បានប្រាប់ថា មេខ្យល់ ដែលត្រូវឃាត់ខ្លួន ឈ្មោះ វណ្ណៈ វណ្ណន ភេទប្រុស អាយុ ២៩ឆ្នាំ រស់នៅភូមិអូរសំព័រ ឃុំអូរសំព័រ ស្រុកម៉ាឡៃ។
លោកបានបញ្ជាក់ថា នៅពេលឃាត់ខ្លួនមេខ្យល់ គឺកម្លាំងកងរាជអាវុធហត្ថ ស្រុកម៉ាឡៃ សហការជាមួយកម្លាំងយោធាតំបន់ប្រតិបត្តិការសឹករងស្រុក បានចេញល្បាត បានប្រទះឃើញពលករ ចំនួន ៨នាក់ មានស្រី ៥នាក់ បម្រុងលួចឆ្លងដែន ទៅប្រទេសថៃ ក្នុងភូមិសាស្ត្រ ស្រុកម៉ាឡៃ ក៏ស្រាវជ្រាវឃាត់ខ្លួនមេខ្យល់ម្នាក់ និងរថយន្ត ១គ្រឿង ជាមធ្យោបាយដឹកជញ្ជូន ហើយបញ្ជូនទៅបញ្ជាការដ្ឋានកងរាជអាវុធហត្ថស្រុក ដើម្បីសាកសួរ។
លោកវរៈសេនីយ៍ត្រី តាំង សុខ បានបញ្ជាក់ថា តាមចម្លើយពលករ គឺពួកគាត់បម្រុងលួចឆ្លងដែនដោយខុសច្បាប់ ទៅរកការងារធ្វើនៅប្រទេសថៃ តាមរយៈមេខ្យល់ម្នាក់ ក្នុងតំលៃ ៥.០០០បាត ជូនដល់កន្លែងធ្វើការងារ និងរកការងារអោយធ្វើ តែត្រូវសមត្ថកិច្ចចាប់បាន។ ចំណែកមេខ្យល់ ក៏បានសារភាព។
កងរាជអាវុធហត្ថ បានកសាងសំណុំរឿង បញ្ជូនមេខ្យល់នេះ ទៅសាលាដំបូង ខេត្តបន្ទាយមានជ័យ ចាត់ការតាមច្បាប់។ រីឯពលករប្រុសស្រី ៨នាក់ ត្រូវបានបញ្ជូនដាក់មណ្ឌល ដើម្បីធ្វើចត្តាឡីស័ក រយៈពេល ១៤ថ្ងៃ៕ ប៊ុន ធឿន
ចែករំលែកព័តមាននេះ