អតីតតារាសម្តែងដ៏ល្បីល្បាញនាទស្សវត្តន៍ឆ្នាំ៩០ អ្នកនាង សុខ ស្រីមុំ បានបង្ហាញវត្តមានយ៉ាងកម្រមួយ ដោយបានស្កាត់ជួបដោយផ្ទាល់ជាមួយអតីតបរវកញ្ញាទេសចរណ៍នាង អ៊ិន សុខលីដា នៅឯគេហដ្ឋានរបស់នាងនាទឹកដីអាមេរិក កាលពីពេលថ្មីៗនេះ។…
អតីតតារាសម្តែងដ៏ល្បីល្បាញនាទស្សវត្តន៍ឆ្នាំ៩០ អ្នកនាង សុខ ស្រីមុំ បានបង្ហាញវត្តមានយ៉ាងកម្រមួយ ដោយបានស្កាត់ជួបដោយផ្ទាល់ជាមួយអតីតបរវកញ្ញាទេសចរណ៍នាង អ៊ិន សុខលីដា នៅឯគេហដ្ឋានរបស់នាងនាទឹកដីអាមេរិក កាលពីពេលថ្មីៗនេះ។ ការបង្ហាញវត្តមានរបស់អ្នកនាង សុខ ស្រីមុំ នាពេលនេះបានធ្វើឡើងនៅក្នុងពេលដែលនាងបានចូលរួមគាំទ្រទៅនឹងផលិតផលថែរក្សាសម្រស់របសនាង អ៊ិន សុខលីដា ។
អ៊ិន សុខលីដា បានបង្ហោះរូបភាពប៉ុន្មានសន្លឹកជាមួយអតីតតារាភាពយន្តរូបនេះដោយអមជាមួយសំណេរបង្ហោះតាមហ្វេសប៊ុកថា «ថ្ងៃនេះ បានជួបបងស្រីសំណព្វចិត្ត គាត់គឺជារៀមច្បងសិល្បៈការិនី សុខ ស្រីមុំ ដែលជាតារាដ៏ឆ្នើម ហើយល្បីនឹងមានប្រជាប្រីយ៍ភាព!»។
ជាការកត់សម្គាល់អ្នកនាង សុខ ស្រីមុំ កម្របង្ហាញវត្តមានណាស់ បើទោះបីជារូបភាពបង្ហោះតាមបណ្តាញសង្គមនានាក៏ពុំសូវមានដូចគ្នា ចាប់តាំងពីអ្នកនាងបានសាងសុភមង្គលគ្រួសារនៅលើទឹកដីអាមេរិកអស់ជាច្រើនឆ្នាំ។
យ៉ាងណាអតីតារាភាពយន្តរូបនេះ ហាក់មិនទៅណាឆ្ងាយពីអាជីពសិល្បៈនេះឡើយ ដោយអ្នកនាងកំពុងប្រកបអាជីពសិល្បៈជាមួយស្វាមីដែលជាផលិតករមួយរូបនៅអាមេរិក។ អ្នកនាង សុខ ស្រីមុំ នៅតែបង្ហាញក្តីនឹករលឹកដល់ទស្សនិកខ្មែរដែលធ្លាប់គាំទ្រការសម្តែងរបស់នាងកន្លងមក ជាពិសេសមិត្តភក្តិដែលធ្លាប់រួមអាជីពជាមួយនាងផងដែរ។
គួរបញ្ជាក់ថា អតីតារាភាពខ្មែរដ៏ល្បីល្បាញនាទស្សវត្សន៍ឆ្នាំ៩០ អ្នកនាង សុខ ស្រីមុំ គឺជាអតីតតារាភាពយន្តដ៏មានកេរ្តិ៍ឈ្មោះបោះសម្លេងក្នុងប្រទេសកម្ពុជា កាលពីចុងទសវត្សរ៍ទី៨០និងទសវត្សរ៍ទី៩០ ដែលមានទេពកោសល្យសម្ដែងយ៉ាងសាកសមឥតខ្ចោះក្នុងឈុត ក្រម៉ាច់ក្រម៉ើម រឡិករឡក់ ក្និកក្នក់ គួរឱ្យស្ងើចសរសើរ ។
អ្នកនាងបានរៀបអាពាហ៍ពិពាហ៍ជាលើកដំបូង ជាមួយលោក ខៃ ចាន់តារា ហៅ អ៊ួក នៅឆ្នាំ១៩៩៣ ។ ប៉ុន្ដែពួកគេទាំងពីរក៏បានលែងលះគ្នាក្រោយពីបានទៅរស់នៅសហរដ្ឋអាមេរិក បានប៉ុន្មានឆ្នាំដោយបន្សល់ទុកកូនប្រុសម្នាក់អាយុជាង២០ឆ្នាំ ។ នៅឆ្នាំ២០០០ អ្នកស្រីបានជួបជាមួយស្វាមីក្រោយ ដែលជាជនបរទេសមានអាជីពជាផលិតករភាពយន្ដនៅសហរដ្ឋអាមេរិក៕
ចែករំលែកព័តមាននេះ