ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា ស្ត្រីវ័យចំណាស់ត្រូវរន្ទះបាញ់ស្លា.ប់ ខណៈពេលកំពុងតែលើកដីទប់ភ្លឺស្រែស្របពេលមេឃកំពុងភ្លៀងរលឹមៗ ហេតុការណ៍នេះបានកើតឡើងកាលពីរសៀលថ្ងៃទី១៥ ខែឧសភា ឆ្នាំ២០២១ ស្ថិតនៅចំណុចវាលស្រែខាងលិចភូមិសេរីចំប៉ា ឃុំជ្រលង ស្រុកតាំងគោក ខេត្តកំពង់ធំ។
សេចក្តីរាយការណ៍បន្តថា ស.ពជនរងគ្រោះខាងលើឈ្មោះ សោម ឡាត់ ភេទស្រី អាយុ៧៦ឆ្នាំ រស់នៅភូមិ-ឃុំកើតហេតុខាងលើ។
បើយោងតាមការឲ្យដឹងពីឈ្មោះ យូ ថុល ភេទប្រុស អាយុ៦៣ឆ្នាំ បានប្រាប់ឱ្យថា នៅមុនពេលកើតហេតុ រូបលោកបានដឹកគោយកទៅឃ្វាលនៅតំបន់ចុងជំរៅភូមិកណ្ដាលចាស់ ស្ថិតក្នុងភូមិសាស្ត្រភូមិសេរីចំប៉ា រួចហើយរូបលោកក៏ដើរទៅមើលស្រូវរបស់លោកនៅម្ដុំស្រែរបស់ស្ត្រីរងគ្រោះ ។ គ្រានោះ រូបលោកក៏បានជួបនិយាយលេងជាមួយជនរងគ្រោះឈ្មោះ សោម ឡាត់ ខណៈពេលដែលគាត់ (ស្ត្រីរងគ្រោះ) កំពុងតែលើកដីទប់ធ្វើភ្លឺស្រែ ស្របពេលមេឃកំពុងតែភ្លៀងរលឹមលាយឡំជាមួយនឹងផ្គររន្ទះផងដែរ ។
ប្រភពដដែលបន្តថា លុះពេលនិយាយគ្នាលេងរួច រូបលោកក៏បានដើរចេញពីរជនរងគ្រោះបានប្រហែលជា៥០ម៉ែត្រ ស្រាប់តែឮសម្លេងរន្ទះបាញ់ក្ឌាំងឡើងតែម្ដង លុះពេលរូបលោកងាកមកមើល ក៏ស្រាប់តែឃើញស្ត្រីរងគ្រោះដួលទៅលើដី ដោយឃើញដូច្នោះរូបលោកក៏បានរត់ទៅលើកជនរងគ្រោះ រួចហើយជួយរឹតធ្វើចលនា ប៉ុន្តែអនិច្ចា គាត់បានស្លា.ប់បាត់ទៅហើយ។
ក្រោយពេលទទួលបានព័ត៌មានខាងលើនេះភ្លាម កម្លាំងជំនាញស្រុកសហការជាមួយកម្លាំងជំនាញប៉ុស្តិ៍ និងអាជ្ញាធរមួលដ្ឋានភូមិ-ឃុំ ចុះពិនិត្យស.ពស្ត្រីរងគ្រោះឃើញថា នៅផ្នែកក្បាលឃើញមានស្នាមខ្លោចសក់រួញ បែកក្បាលទំហំប្រវែង៥សមx៣សម, ផ្នែកខាងមុខ និងមានរបួសផ្នែកសៀតផ្កាខាងស្ដាំ ចំណែកនៅលើដងខ្លួនមានស្នាមឆេះខ្លោចរលាត់ស្បែកពីចុងដង្ហើមរហូតដល់.កទៀតផង ។
ដោយយោងតាមការពិនិត្យកន្លែងកើតហេតុ និងសាកស.ពស្ត្រីរងគ្រោះ ឃើញថា ជនរងគ្រោះពិតជាស្លា.ប់ដោយសាររន្ទះបាញ់ពិតប្រាកដមែន មិនមានពាក់ព័ន្ធទៅនឹងបទល្មើសព្រហ្មទណ្ឌឡើយ ក្រោយពីពិនិត្យចប់ សមត្ថកិច្ចក៏បានប្រគល់សាកស.ពស្ត្រីរងគ្រោះជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី។
ចែករំលែកព័តមាននេះ