ខេត្តព្រៃវែង ៖ រដ្ឋបាលខេត្តព្រៃវែង បានប្រកាស នៅថ្ងៃទី១៥ ខែឧសភានេះ ដោយបានបង្ហាញអត្តសញ្ញាណនៃអ្នកឆ្លងជំងឺកូវីដ-១៩ចំនួន ៣នាក់បន្ថែមទៀត ដែលមកពីរាជធានីភ្នំពេញ តាមរយៈការធ្វើតេស្តរហ័ស…
ខេត្តព្រៃវែង ៖ រដ្ឋបាលខេត្តព្រៃវែង បានប្រកាស នៅថ្ងៃទី១៥ ខែឧសភានេះ ដោយបានបង្ហាញអត្តសញ្ញាណនៃអ្នកឆ្លងជំងឺកូវីដ-១៩ចំនួន ៣នាក់បន្ថែមទៀត ដែលមកពីរាជធានីភ្នំពេញ តាមរយៈការធ្វើតេស្តរហ័ស (Rapid Test) តាមមូលដ្ឋានក្នុងស្រុកពាមរក៍ ស្រុកពាមជរ និងស្រុកកំចាយមារ ខេត្តព្រៃវែង ។
នេះបើយោងតាមផេករដ្ឋបាលខេត្តព្រៃវែង ជាថ្មីម្តងទៀត ឯកឧត្តម ជា សុមេធី អភិបាលខេត្តព្រៃវែង នៅតែសូមអំពាវនាវដល់បងប្អូនយ៉ាងមុតមាំថា យើងត្រូវរក្សាអនាម័យដោយរស់នៅស្អាត ហូបស្អាត ផឹកស្អាត ឧស្សាហ៍ដុសលាងសម្អាតដៃជាមួយសាប៊ូ និងជែល ឬទឹកអាល់កុល ហើយពាក់ម៉ាសការពារដោយមិនត្រូវខ្មាស់អៀន ឬស្មានៗគិតថា មិនមានអ្វីឆ្លងទេ ។
ជាពិសេស ត្រូវខ្ទប់មាត់ជាមួយក្រម៉ា ឬម៉ាស និងខ្ទប់ដោយដៃនៅពេលក្អក ឬកណ្តាសនៅក្នុងចំណោមក្រុមមនុស្សច្រើន ឬទីប្រជុំជននានាដូចជាទីផ្សារ ភោជនីយដ្ឋាន និងទីកន្លែងធ្វើការជាដើម និងសូមស្តាប់តាមការណែនាំរបស់ក្រសួងសុខាភិបាល (៣ការពារ ៣កុំ) ៕
ចែករំលែកព័តមាននេះ