ខេត្តក្រចេះ ៖ នារីម្នាក់ សម្រេចចិត្តលោតចូលទឹកបឹង បញ្ចប់ជីវិតខ្លួនឯង ក្រោយជម្លោះជាមួយបុរសជាគូរដណ្តឹង ត្រូវបានអ្នកភូមិ និងសមត្ថកិច្ចស្រង់ចេញពីក្នុងទឹកបឹង កាលពីវេលាម៉ោង១១ថ្ងៃត្រង់ទី១៤ ឧសភា…
ខេត្តក្រចេះ ៖ នារីម្នាក់ សម្រេចចិត្តលោតចូលទឹកបឹង បញ្ចប់ជីវិតខ្លួនឯង ក្រោយជម្លោះជាមួយបុរសជាគូរដណ្តឹង ត្រូវបានអ្នកភូមិ និងសមត្ថកិច្ចស្រង់ចេញពីក្នុងទឹកបឹង កាលពីវេលាម៉ោង១១ថ្ងៃត្រង់ទី១៤ ឧសភា ២០២១ នៅក្នុងតំបន់ក្រុមហ៊ុន «សុវណ្ណរាជសី» ស្ថិតក្នុងភូមិក្រញូងសែនជ័យ ឃុំក្រញូងសែនជ័យ ស្រុកស្នួល ខេត្តក្រចេះ។
កម្លាំងជំនាញនគរបាលស្រុកស្នួល បានចុះពិនិត្យមើលសាកសព បានអោយដឹងថា នារីរងគ្រោះមានឈ្មោះ ផៃ ស្រួយ អាយុ២១ឆ្នាំ មានទីលំនៅភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
តាមការបំភ្លឺពីសាក្សីនៅកន្លែងកើតហេតុ ជាកម្មករជៀរជ័រកៅស៊ូរបស់ក្រុមហ៊ុន សុវណ្ណរាជសី បានឲ្យដឹងថា
នៅវេលាម៉ោងខាងលើ ពេលគាត់កំពុងដើរជៀរជ័រកៅស៊ូក្នុងក្រុមហ៊ុន ក៏បានឃើញនារី (ជនរងគ្រោះ) ជិះម៉ូតូតែម្នាក់ឯង មកអង្គុយផឹកស្រាបៀរអស់២កំប៉ុង រួចក៏លោតចូលក្នុងទឹកត្រពាំងតែម្ដងទៅ ។ ឃើញដូច្នេះគាត់(កម្មករ)បានយករឿងនេះ ទៅរៀបរាប់ប្រាប់សន្តិសុខក្រុមហ៊ុន ទើបសន្តិសុខក្រុមហ៊ុនទៅរាយការណ៍ជូនសមត្ថកិច្ចនគរបាលប៉ុស្តិ៍រដ្ឋបាលគ្រញូងសែនជ័យ ឲ្យបានដឹង ។
ក្រោយពីទទួលបានដំណឹងនេះភ្លាម សមត្ថកិច្ចជំនាញសហការណ៍ជាមួយប៉ុស្តិ៍នគរបាលរដ្ឋបាលគ្រញូងសែនជ័យ ចុះទៅដល់កន្លែងកើតហេតុនឹងបាន ធ្វើការពិនិត្យសាកសពយុវនារីនោះ ដោយបានសន្និដ្ឋានថា នាងពិតជាស្លា.ប់ដោយឈ្លក់ទឹកប្រាកដមែន ព្រោះនៅលើដងខ្លួនសាកស.ព ពុំមានស្លាកស្នាមអ្វី គួរឲ្យកត់សម្គាល់ឡើយ ។
ខណៈនោះដែរឪពុកជនរងគ្រោះ បានបំភ្លឺជុំវិញការបាត់បង់អាយុជីវិតកូនស្រីឲ្យដឹងថា ក្នុងរយៈពេលប៉ុន្មានថ្ងៃមុននេះ គាត់បានឃើញកូនស្រីឈ្មោះ ផៃ ស្រួយ មានជម្លោះគ្នាជាមួយគូរដណ្តឹងតាមទូរស័ព្ទ តែគាត់មិនបានសួរនាំអ្វីទេ ដូច្នេះតាមការសន្និដ្ឋានរបស់គាត់ ទំនងកូនស្រីដាច់ចិត្តលោតទឹកត្រពាំង ដោយសារវិបត្តិផ្ទៃក្នុង ឈ្លោះគ្នាតាមទូរស័ព្ទជាមួយគូដណ្តឹងនោះ ។ បន្ទាប់សមត្តកិច្ចបានធ្វើកោសលវិច័យលើសាកស.ពរួចហើយ ជនរងគ្រោះត្រូវបានប្រគល់ជូនក្រុមគ្រួសារ នឹងសាច់ញាតិយកទៅធ្វើបុណ្យទៅតាមប្រពៃណី ៕
ចែករំលែកព័តមាននេះ