បិដកលេខ៣៥ ម្នាលភិក្ខុទាំងឡាយ ភ្នែកជាអនត្តា របស់ណាជាអនត្តា របស់នោះបុគ្គលត្រូវយល់ដោយប្រាជ្ញាដ៏ប្រពៃតាមសេចក្តីពិតយ៉ាងនេះថា នោះមិនមែនជារបស់អញ នោះមិនមែនជាអញ នោះមិនមែនជាខ្លួនរបស់អញទេ ។
ម្នាលភិក្ខុទាំងឡាយ ត្រចៀកជាអនត្តា ច្រមុះជាអនត្តា អណ្ដាតជាអនត្តា កាយជាអនត្តា ចិត្តជាអនត្តា របស់ណាជាអនត្តា របស់នោះបុគ្គលត្រូវយល់ដោយប្រាជ្ញាដ៏ប្រពៃតាមសេចក្តីពិតយ៉ាងនេះថា នោះមិនមែនជារបស់អញ នោះមិនមែនជាអញ នោះមិនមែនជាខ្លួនរបស់អញទេ ។
ម្នាលភិក្ខុទាំងឡាយ កាលបើភិក្ខុយល់សេចក្តីពិតយ៉ាងនេះច្បាស់ហើយ គប្បីប្រព្រឹត្តប្រតិបត្តិធម៌វិន័យ សង្រួមឥន្ទ្រិយឱ្យបានល្អប្រពៃដើម្បីរំដោះខ្លួនឱ្យរួចពីអត្តភាពដែលជាអនត្តានេះដល់ត្រើយគឺព្រះនិព្វាន ទើបផុតរលត់ទៅនៃអនត្តា ៕ សាន សារិន
ចែករំលែកព័តមាននេះ