រាជធានីភ្នំពេញ ៖ បុរសម្នាក់មានជំងឺប្រចាំកាយបានចូលងូតទឹកក្នុងបន្ទប់ទឹក ក៏ស្រាប់តែដាំដូងក្បាលចូលទៅក្នុងអាងទឹក បណ្តាលឱ្យឈ្លក់ទឹកស្លា.ប់តែម្តងធ្វើឱ្យក្រុមគ្រួសារស្រែកទ្រហោយំចាប់អង្រួនជនរងគ្រោះឱ្យដឹងខ្លួនវិញរហូតដល់បាក់គ្រែរាបដល់ដី បង្កអោយឲ្យមានការភ្ញាក់ផ្អើលកាលពីវេលាម៉ោង៧យប់ ថ្ងៃទី១៣ ខែឧសភា ឆ្នាំ២០២១ ស្ថិតនៅភូមិព្រៃរងាង…
រាជធានីភ្នំពេញ ៖ បុរសម្នាក់មានជំងឺប្រចាំកាយបានចូលងូតទឹកក្នុងបន្ទប់ទឹក ក៏ស្រាប់តែដាំដូងក្បាលចូលទៅក្នុងអាងទឹក បណ្តាលឱ្យឈ្លក់ទឹកស្លា.ប់តែម្តងធ្វើឱ្យក្រុមគ្រួសារស្រែកទ្រហោយំចាប់អង្រួនជនរងគ្រោះឱ្យដឹងខ្លួនវិញរហូតដល់បាក់គ្រែរាបដល់ដី បង្កអោយឲ្យមានការភ្ញាក់ផ្អើលកាលពីវេលាម៉ោង៧យប់ ថ្ងៃទី១៣ ខែឧសភា ឆ្នាំ២០២១ ស្ថិតនៅភូមិព្រៃរងាង សង្កាត់ភ្លើងឆេះរទេះ ខណ្ឌកំបូល ។
ស.ពជនរងគ្រោះខាងលើមានឈ្មោះ លាវ វិបុល ភេទប្រុស អាយុ៣៩ឆ្នាំ មុខរបរកម្មករសំណង់ ស្នាក់នៅភូមិព្រៃរងាង សង្កាត់ភ្លើងឆេះរទេះ ខណ្ឌកំបូល ហើយបុរសរូបនេះគឺជាបុរសពោះម៉ាយមានកូនស្រី២នាក់រស់នៅជាមួយ ដោយកូនទី១ អាយុ១៦ឆ្នាំ និងកូនស្រីទី២ អាយុ១៣ឆ្នាំ ។
បើតាមប្រភពព័ត៌មានពីឪពុកម្ដាយរបស់ជនរងគ្រោះ បានបញ្ជាក់ប្រាប់អោយដឹងថា កូនរបស់គាត់មានជំងឺប្រចាំកាយ គឺជំងឺរលាកខួរក្បាលជាយូរឆ្នាំមកហើយ ព្យាបាលមិនជាសោះ និងធ្លាប់មានប្រពន្ធ មានកូនស្រី២នាក់ តែកូនគាត់បានលែងលះជាមួយប្រពន្ធជាង៨ឆ្នាំមកហើយ ចំណែកកូនស្រីទាំង២នាក់គឺរស់នៅជាមួយឪពុកម្តាយជនរងគ្រោះ និងជនរងគ្រោះ (ឪពុកក្មេងទាំង២) ជាអ្នកមើលថែ ។
ឪពុកម្តាយជនរងគ្រោះបន្តថា មុនពេលកើតហេតុ គាត់បានដេញកូនរបស់គាត់អោយទៅងូតទឹក ដើម្បីមកហូបបាយជួបជុំគ្នា បន្ទាប់មកកូនគាត់ (ជនរងគ្រោះ) ក៏បានដើរទៅងូតទឹកនៅក្នុងបន្ទប់ទឹកទៅ ប៉ុន្តែដោយសារតែបាត់យូរពេក កន្លះម៉ោងមកហើយ មិនឃើញកូនគាត់ចេញមកវិញនោះទេ គាត់មានការសង្ស័យក៏ប្រើកូនពៅអោយទៅមើល ស្រាប់តែឃើញជនរងគ្រោះដាំក្បាលចូលក្នុងអាងទឹកឈ្លក់ទឹកដាច់ខ្យល់ស្លា.ប់បាត់ទៅហើយ។
ប្រភពដដែលបានបន្តទៀតថា អាងទឹកនៅក្នុងបន្ទប់ទឹកមានទំហំមិនជាធំទេ ពេលដែលកូនប្រុសចូលងូតទឹក គឺឱនដួសទឹកក៏បានដាំក្បាលចូលទៅក្នុងអាងទឹក បង្កឲ្យមានការភ្ញាក់ផ្អើលនាំគ្នាស្រង់លើកជនរងគ្រោះចេញពីក្នុងទឹក យកមកដាក់លើគ្រែទាំងខ្លួនប្រាណមានសភាពទន់ល្វើយទៅហើយ តែឪពុកម្តាយមិនអស់ចិត្តក៏បានទាក់ទងទៅរថយន្តសង្គ្រោះឯកជន អោយមកជួយសង្គ្រោះ ។
ភ្លាមៗនោះ ខាងរថយន្តសង្គ្រោះបានទៅដល់ ហើយធ្វើការពិនិត្យមើលទៅឃើញថា ជនរងគ្រោះបានផុតដង្ហើមបាត់ទៅហើយ ។ បន្ទាប់មករថយន្តសង្គ្រោះក៏បានត្រឡប់ទៅគោលដៅវិញ ធ្វើឲ្យក្រុមគ្រួសារនាំគ្នាស្រែកទ្រហោយំអោបស.ពជនរងគ្រោះ និងចាប់អង្រួនដាស់ស.ពជនរងគ្រោះអោយងើបវិញ រហូតធ្វើឲ្យបាក់គ្រែតម្កល់ស.ពនោះរាបដល់ដីតែម្តង ភ្លាមៗនោះសាច់ញាតិក៏នាំគ្នាលើកសពជនរងគ្រោះមកដាក់លើគ្រែមួយទៀត ចំណែកគ្រែដែលបាក់ត្រូវបានប្រជាពលរដ្ឋយកទៅទុកចោលក្បែររបងបាត់ទៅ ។
បន្ទាប់ពីកើតហេតុ កម្លាំងសមត្ថកិច្ចនគរបាលប៉ុស្តិ៍ បានទាក់ទងទៅក្រុមគ្រូពេទ្យជំនាញមកយកសំណាក ហើយក៏បានបញ្ជាក់ប្រាប់ថា ស.ពជនរងគ្រោះពិតជាបានស្លា.ប់ដោយសារលង់ទឹកពិតមែន ។ ក្រោយពីពិនិត្យរួច ស.ពជនរងគ្រោះត្រូវបានគ្រូពេទ្យ ប្រគល់អោយក្រុមគ្រួសារ ដើម្បីរៀបចំធ្វើបុណ្យទៅតាមប្រពៃណី ៕
ចែករំលែកព័តមាននេះ