ខេត្តបន្ទាយមានជ័យ មានអ្នកឆ្លងកូវីដ សរុបជាង ១០០០នាក់
- បន្ទាយមានជ័យ
បន្ទាយមានជ័យ៖ ខេត្តបន្ទាយមានជ័យ ក្នុងឆ្នាំ២០២០ រហូតមកដល់ខែឧសភា ឆ្នាំ២០២១ មានអ្នកវិជ្ជមានកូវីដ-១៩ សរុបចំនួន ១.០៩១នាក់។ ក្នុងនោះ ជាសះស្បើយ…
បន្ទាយមានជ័យ៖ ខេត្តបន្ទាយមានជ័យ ក្នុងឆ្នាំ២០២០ រហូតមកដល់ខែឧសភា ឆ្នាំ២០២១ មានអ្នកវិជ្ជមានកូវីដ-១៩ សរុបចំនួន ១.០៩១នាក់។ ក្នុងនោះ ជាសះស្បើយ…
បន្ទាយមានជ័យ៖ ខេត្តបន្ទាយមានជ័យ ក្នុងឆ្នាំ២០២០ រហូតមកដល់ខែឧសភា ឆ្នាំ២០២១ មានអ្នកវិជ្ជមានកូវីដ-១៩ សរុបចំនួន ១.០៩១នាក់។ ក្នុងនោះ ជាសះស្បើយ ចំនួន ១៦១នាក់។ នេះបើតាមរបាយការណ៍របស់មន្ទីរសុខាភិបាល ខេត្តបន្ទាយមានជ័យ។
របាយការណ៍របស់មន្ទីរសុខាភិបាល ខេត្តបន្ទាយមានជ័យ បង្ហាញថា ចាប់ពីដើមឆ្នាំ២០២០ រហូតដល់ខែឧសភា ឆ្នាំ២០២១នេះ បានយកសំណាក ធ្វើតេស្តរកវីរូសកូវីដ-១៩ ចំនួន ៨១.២៤៦នាក់ ស្រី៣៥.២៨៧នាក់។ លទ្ធផលអវិជ្ជមានចំនួន ៨០.១៥៧នាក់ ស្រី៣៤.៧៩៣នាក់ និងលទ្ធផលវិជ្ជមានកូវីដ-១៩ មានចំនួន ១.០៩១នាក់ ស្រី ៤៩៤នាក់។ ក្នុងនោះ អ្នកជាសះស្បើយ មានចំនួន ១៦១នាក់ ស្រី៦៤នាក់ និងស្លាប់ចំនួន ៤នាក់ ស្រី ៣នាក់។
ពាក់ព័ន្ធនឹងព្រឹត្តិការណ៍២០កុម្ភៈ ក៏ត្រូវបានមន្ទីរសុខាភិបាល ប្រកាសថា បានយកសំណាកករណីសង្ស័យបានចំនួន ៧.៧៤១នាក់ ស្រី ៣.៩៩៩នាក់។ រកឃើញអ្នកវិជ្ជមានកូវីដ-១៩ ចំនួន ១.០៣០នាក់ ស្រី ៤៥២នាក់។ ក្នុងនោះ រួមមាន ជនជាតិខ្មែរ ៥៣៥នាក់ ជនជាតិឥណ្ឌូនេស៊ីចំនួន ២៩៣នាក់ ជនជាតិថៃ ១១៦នាក់ ជនជាតិចិន ៦១នាក់ ជនជាតិឡាវ ២នាក់ និងជនជាតិវៀតណាម ម្នាក់។
មន្ទីរសុខាភិបាល ក៏បានប្រកាសថា មកដល់ពេលនេះ អ្នកវិជ្ជមានកូវីដ-១៩ ដែលកំពុងសម្រាកព្យាបាល នៅខេត្តបន្ទាយមានជ័យ មានចំនួន ៩២៦នាក់ ស្រី ៤២៨នាក់ ក្នុងមណ្ឌលសម្រាកព្យាបាល ដែលមាននៅ៖ ១.មណ្ឌលប៉ោយប៉ែត ២.មណ្ឌលព្យាបាល តាំង ប៊ុនហេង ៣.មណ្ឌលព្យាបាល តាំង ប៊ុនអ៊ី ហៅ តាឡាក់ ៤.មណ្ឌលព្យាបាលសណ្ឋាគារ ប៉ារ៉ាម៉ា ៥.មណ្ឌលព្យាបាលហ្គ្រេនដាយមិន ៦.មណ្ឌលព្យាបាល គ្រីស្តាល់ ០៧ ៧.មណ្ឌលព្យាបាលមេមូរី ៨.មណ្ឌលព្យាបាលសកលវិទ្យាល័យមានជ័យ ៩.មន្ទីរពេទ្យបង្អែកប៉ោយប៉ែត និង១០.មន្ទីរពេទ្យមិត្តភាពកម្ពុជា.ជប៉ុនមង្គលបូរី ហៅ មន្ទីរពេទ្យខេត្ត៕ ប៊ុន ធឿន
ចែករំលែកព័តមាននេះ