ខេត្តបាត់ដំបង ៖ ក្មេងប្រុសចំនួន២នាក់ដែលបាត់ដំណឹងស្ទើរពេញមួយថ្ងៃ ត្រូវបានក្រុមគ្រួសារនិងអ្នកភូមិនាំគ្នារាវរកឃើញស្លា.ប់ជាមួយគ្នាយ៉ាងរន្ធត់នៅក្នុងទឹករណ្ដៅយ៉ាងជ្រៅ ដែលត្រូវបានគ្រឿងចក្រកាយយកអាចម៌ដីលក់ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៩និង៣នាទីយប់ ថ្ងៃទី១០ ខែឧសភា ឆ្នាំ២០២១ នៅចំណុចភូមិអូរមុន្នី២…
ខេត្តបាត់ដំបង ៖ ក្មេងប្រុសចំនួន២នាក់ដែលបាត់ដំណឹងស្ទើរពេញមួយថ្ងៃ ត្រូវបានក្រុមគ្រួសារនិងអ្នកភូមិនាំគ្នារាវរកឃើញស្លា.ប់ជាមួយគ្នាយ៉ាងរន្ធត់នៅក្នុងទឹករណ្ដៅយ៉ាងជ្រៅ ដែលត្រូវបានគ្រឿងចក្រកាយយកអាចម៌ដីលក់ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៩និង៣នាទីយប់ ថ្ងៃទី១០ ខែឧសភា ឆ្នាំ២០២១ នៅចំណុចភូមិអូរមុន្នី២ ឃុំអន្លង់វិល ស្រុកសង្កែ។
បើតាមរបាយការណ៍របស់សមត្ថកិច្ចបានឲ្យដឹងថា ក្មេងប្រុសរងគ្រោះទាំង២នាក់ខាងលើនោះ ម្នាក់មានឈ្មោះ វុធ ណាវីន អាយុ១១ឆ្នាំ រស់នៅជិតកន្លែងកើតហេតុ និងម្នាក់ទៀតឈ្មោះ ឡាយ យ៉ុងបី អាយុ១៤ឆ្នាំ រស់នៅភូមិអូរមុន្នី១ ឃុំអន្លង់វិល។
បើតាមសមត្ថកិច្ចបាននិយាយថា ក្មេងប្រុសទាំង២នាក់នោះ បាននាំគ្នាចុះហែលទឹកលេងនៅក្នុងរណ្ដៅដីដ៏ជ្រៅនោះ ហើយទំនងជារអិលទៅកន្លែងទឹកជ្រៅ ទើបធ្វើឱ្យលង់ស្លា.ប់ទាំង២នាក់តែម្ដង។
ចំណែកអាណាព្យាបាលរបស់ក្មេងរងគ្រោះវិញបាននិយាយប្រាប់សមត្ថកិច្ចថា កូនៗរបស់ខ្លួន បានដើរលេងបាត់ដំណឹងពេញមួយថ្ងៃ មិនឃើញត្រឡប់មកផ្ទះវិញទេ បើទោះជាសួរនាំគ្នីគ្នាដែលត្រូវជាមិត្តភក្តិរបស់កូនៗគាត់ ក៏គ្មាននរណាបានដឹងថា តើកូនៗរបស់គាត់ទៅណាដែរ? ប៉ុន្តែអ្នកខ្លះអះអាងថា គេបានឃើញក្មេងប្រុសទាំង២នាក់នេះ ទៅហែលទឹកលេងនៅរណ្ដៅដីខាងលើ ទើបអាណាព្យាបាលនាំគ្នាទៅរកនៅទីនោះ ក៏ប្រទះឃើញសាកស.ពក្មេងប្រុសទាំង២នាក់តែម្ដង។
សូមបញ្ជាក់ថា នៅក្នុងភូមិសាស្ត្រ ភូមិអូរមុន្នី ឃុំអន្លង់វិល ខាងលើនេះ សំបូរទៅដោយរណ្ដៅដីធំៗ ហើយជ្រៅៗសម្បើមណាស់ ដែលពួកឈ្មួញទុច្ចរិតកាយយកអាចម៌ដីលក់ លើសពីច្បាប់ហាមឃាត់។ ហើយការកាយយកអាចដីលក់របស់ពួកឈ្មួញ ហាក់មិនបានគោរពច្បាប់ទេ។
ពួកឈ្មួញអាចម៌ដីទាំងនោះ បានប្រើគ្រឿងចក្រកាយយកអាចម៌ដី ដែលមានជម្រៅជ្រៅស្ទើរដល់ក្បាលប្រែត គ្មានអាជ្ញាធរ ឬស្ថាប័នជំនញណា ចុះត្រូវពិនិត្យឬហាមឃាត់ទេ។ ហើយគេសង្ស័យថា អាចមានមន្ត្រីស្ថាប័នជំនាញមួយចំនួនបានឃុំឃិតជាមួយឈ្មួញលក់អាចម៌ដីទុច្ចរិត ហើយគួបផ្សំជាមួយនឹងអាជ្ញាធរដែនដីមិនអើពើផង ទើបពួកក្រុមគ្រឿងចក្រជីកកកាយយកអាចម៌ដីលក់តាមទំនើងចិត្ត ដោយមិនខ្វល់ខ្វាយអំពីផលប៉ះពាល់ ឬបង្កការគ្រោះថ្នាក់ដល់ប្រជាពលរដ្ឋរស់នៅដំបន់នោះទេ។
បើតាមអ្នកភូមិបាននិយាយថា បច្ចុប្បន្នមានរណ្ដៅដីធំៗ និងជ្រៅៗជាច្រើនកន្លែង ដែលពួកឈ្មួញប្រើគ្រឿងចក្រកាយយកអាចម៌ដីលក់នៅតំបន់នោះ។ ហើយស្របពេលដល់រដូវភ្លៀងធ្លាក់ខ្លាំងបែបនេះទៀត ធ្វើឲ្យពលរដ្ឋរស់នៅទីនោះបារម្ភកាន់តែខ្លាំង អំពីសុវត្ថិភាពកូនចៅ។
ជាក់ស្ដែងដូចករណីក្មេងប្រុស២នាក់ខាងលើនេះ បានលង់ទឹកស្លា.ប់យ៉ាងអាណោចអាធ័មនៅក្នុងរណ្ដៅដីយ៉ាងជ្រៅ នៅក្នុងភូមិសាស្ត្រ ខាងលើនេះ។ ដូច្នេះសមត្ថកិច្ច ឬអាជ្ញាធរ គួរតែចាប់អ្នកជីករណ្ដៅដីដែលមានជម្រៅលើសពីច្បាប់កំណត់ ឲ្យមកទទួលខុសត្រូវលើជីវិតក្មេងប្រុសទាំង២នាក់ខាងលើនេះ ទើបត្រឹមត្រូវ៕
ចែករំលែកព័តមាននេះ