ខេត្តស្វាយរៀង ៖ មានករណីគ្រោះថ្នាក់ចរាចរណ៍រវាងរថយន្តក្រុងដឹកកម្មករបុកជាមួយម៉ូតូមួយគ្រឿង បណ្តាលឲ្យក្មេ.ងម្នាក់ស្លា.ប់ពេលបញ្ជូនទៅមន្ទីរពេទ្យបង្អែកខេត្ត និង២នាក់ទៀតរងរបួសធ្ងន់ ។
ខេត្តស្វាយរៀង ៖ មានករណីគ្រោះថ្នាក់ចរាចរណ៍រវាងរថយន្តក្រុងដឹកកម្មករបុកជាមួយម៉ូតូមួយគ្រឿងជិះគ្នា៣នាក់ (ប្តីប្រពន្ធនិងកូនស្រីតូច) បណ្តាលឲ្យកូនស្រីតូចម្នាក់ស្លា.ប់ពេលបញ្ជូនទៅមន្ទីរពេទ្យបង្អែកខេត្ត ចំណែកឪពុកម្តាយរងរបួសធ្ងន់ ។
ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៥និង៤៥នាទីព្រឹកថ្ងៃទី១០ ខែឧសភា ឆ្នាំ២០២១នេះ នៅលើកំណាត់ផ្លូវជាតិលេខ១ ត្រង់ចំណុចគីឡូម៉ែត្រលេខ១២៥-១២៦ ស្ថិតក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង ខេត្តស្វាយរៀង។
តាមប្រភពពីសមត្ថកិច្ចបានឲ្យដឹងថា ភាគីខាងម៉ូតូមួយគ្រឿងខាងលើម៉ាកវ៉េវ (Wave) ពណ៌ខ្មៅ គ្មានផ្លាកលេខ បើកបរដោយឈ្មោះលឹម វុទ្ធី ភេទ ប្រុស អាយុ៣៣ឆ្នាំ មុខរបរកម្មករសំណង់ រស់នៅភូមិបឹង ឃុំអង្គតាសូ ស្រុកស្វាយជ្រំ ខេត្តស្វាយរៀង រងរបួសធ្ងន់ និងអ្នករួមដំណើរចំនួន២នាក់ ក្នុងនោះម្នាក់ឈ្មោះម៉ុញ ចាន់ធួន ភេទស្រី អាយុ៣០ឆ្នាំ ជាប្រពន្ធ មុខរបរកម្មករសំណង់ រស់នៅភូមិឃុំជាមួយគ្នា រងរបួសធ្ងន់ និងម្នាក់ទៀតឈ្មោះលឹម ពិសី ភេទស្រី អាយុ៥ឆ្នាំ ត្រូវជាកូន រស់នៅភូមិឃុំជាមួយគ្នា រងរបួសធ្ងន់ ក្រោយមកក៏បានស្លា.ប់ពេលបញ្ជូនទៅមន្ទីរពេទ្យបង្អែកខេត្តស្វាយរៀង។
តាមប្រភពដដែលបានបន្តថា ភាគីខាងរថយន្ដក្រុងដឹកកម្មករ ម៉ាកហ៊ីយ៉ាន់ដាយ ពណ៌ខៀវ ពាក់ផ្លាកលេខ ភ្នំពេញ 3B-3047 អ្នកបើកបរមិនស្គាល់អត្តសញ្ញាណ បានរត់គេចខ្លួនបាត់ស្រមោល បន្សល់ទុកតែរថយន្ដនៅកន្លែងកើតហេតុ។
តាមប្រភពដដែលបានឲ្យដឹងទៀតថា នៅមុនពេលកើតហេតុ មានម៉ូតូមួយគ្រឿងម៉ាកវ៉េវ ជិះគ្នា៣នាក់ (ប្តីប្រពន្ធនិងកូន) ធ្វើដំណើរពីជើងទៅត្បូង លុះមកដល់ចំណុចកើតហេតុខាងលើ ក៏មានរថយន្ដក្រុងដឹកកម្មករមួយគ្រឿង បើកបរពីទិសខាងលិចទៅកើតក្នុងល្បឿនលឿន ក៏បានបុកជាមួយម៉ូតូចំពាក់កណ្តាលម៉ូតូយ៉ាងពេញទំហឹងលាន់ដូចរន្ទះប៉ើងទាំងម៉ូតូនិងមនុស្សជិត២០ម៉ែត្រ បណ្តាលឲ្យប្តីប្រពន្ធនិងកូនរងរបួសធ្ងន់ធ្ងរ សន្លប់ដេករដូករណែលលើថ្នល់គួរឱ្យសង្វែគ ចំណែកកូនស្រីតូចបានស្លា.ប់ពេលបញ្ជូនទៅដល់មន្ទីរពេទ្យខេត្ត ។ ចំណែកអ្នកបើកបររថយន្តបង្កបានរត់គេចខ្លួនបាត់ស្រមោល បន្សល់ទុកតែរថយន្ដនៅកន្លែងហេតុ។
ក្រោយពេលកើតហេតុ ប្តីប្រពន្ធដែលរងរបួសធ្ងន់ខាងលើ ត្រូវបានសមត្ថកិច្ចបញ្ជូនទៅមន្ទីរពេទ្យបង្អែកខេត្តស្វាយរៀងដើម្បីសង្គ្រោះ ចំណែកស.ពកូនស្រីតូចត្រូវក្រុមគ្រួសារសាច់ញាតិយកទៅធ្វើបុណ្យតាមប្រពៃណី ។ រីឯរថយន្តនិងម៉ូតូ ត្រូវបានសមត្ថកិច្ចយកទៅរក្សាទុកនៅអធិការដ្ឋាននគបាលក្រុងស្វាយរៀង ដើម្បីតាមរកម្ចាស់រថយន្តចូលមកដោះស្រាយគ្នាតាមនីតិវិធី ។
ពាក់ព័ន្ធនឹងករណីខាងលើ តាមការសន្និដ្ឋានរបស់សមត្ថកិច្ចបានបញ្ជាក់ថា មូលហេតុមកពីអ្នកបើកម៉ូតូមិនគោរពសិទ្ធិអាទិភាព ចំណែកអ្នកបើកបររថយន្តបើកបរក្នុងល្បឿនលឿនខ្វះការប្រុងប្រយត្ន័ ៕
ចែករំលែកព័តមាននេះ